< 返回
  • 肉食中環》老蘭、私竇與夜蒲(周顯)
  •   0 views │ 2016年12月26日
    留言()

 

我當然是私竇的常客,不過,去玩是一件事,要深入研究,又是另一回事。近日,由於要拍電影,因此約見了大量私竇從業員,瞭解業內真相,這其中,最重要的,莫過於囡囡。

好多位囡囡都說﹕「去老蘭蒲,不如去私竇做啦,去老蘭嗰D,全部都係窮鬼,買杯酒就去呃蝦條,最多是開支香檳,去私竇嗰D,個個不是富二代,就是金融才俊,質素高級好多,要死都死喺佢哋身上啦!」

她們不講,我也不覺,好像真的沒有阿伯去私竇玩,原因很簡單,私竇要半溝半買賣,阿伯去到私竇,只會做水魚,是溝不到女的,倒不如直接去夜總會,叫雞好過。

其實,去老蘭的消費甚高,如果要豪,開十支八未香檳,隨時幾皮嘢落樓,而且使咗,又未必一定溝到女,仲有好多仔白撞來白飲添,如果花得起錢,倒不如去私竇玩,最少D女質素有保證,而且隔絕了窮人白撞,高級好多。

不過,去私竇玩的人,多數都係吹水傾生意,好少出街搞嘢,斯文過老蘭好多 所以,現在老蘭都沒落了,去的人越來越少,因為囡囡也越來越現實,很可能,在將來,私竇也會遲早沒落,但是找女人的格式雖有改變,但男人對女人的需求是永遠不變的,縱然私竇有一天瓜柴,也會有另一種形式的溝女場地出現,因此,監製才會說﹕「囡囡電影是永遠不會死的,只看是《靚妹仔》、《90應召女郎》、《晚九朝五》,抑或是《喜愛夜蒲》而已。」

我說﹕「所以,拍這種電影的人,應該一年365日,日日cast女角,夠人便開拍,當做一盤生意來做,好過每逢要拍,便沙沙滾咁cast女角,好急,好辛苦。」

他說﹕「急唔好咩,我發掘了DaDa、Jeana、連詩雅、陳柏宇,好多個新人都捧好了喎。」

我無話可說。

本周有很多心水股票,但市況實在太差,唯一說的是,「偉祿集團」有點不尋常,但不敢有太大的奢望,本周短炒,贏夠茶煙飯,應該是可以的。
熱門新聞
  • 【姊妹花當眾換褲】O嘴!唔怕走光即場試新褲 職員:大家文化不同 109,215 views
  • 【我真係恭喜你】李嘉欣兩姊妹都嫁得好 50,306 views
  • 【離巢有「錢」途】楊怡返大台拍《再創世紀》身價五級跳 企硬五萬蚊一集 46,104 views
  • 【被雪鴛鴦】鄭俊弘曝光率創新低 何雁詩死好彩Keep住有工開 44,891 views
  • 【同黃翠如爭仔】太陽娛樂打女楊柳青怒踢黃宗澤 36,489 views
  • 冇得同何雁詩同居 鄭俊弘連走兩Bar求醉? 35,737 views