< 返回
  • 【肉食中環】J君的公司和員工們
  •   10,032 views │ 2017年03月24日
    留言()

 

那天我問一位很風流的朋友J君﹕「你究竟有幾多條女?」

J君回答﹕「你得首先定義,甚麼叫做『女』先?如果你計搞過的,恐怕要拿計數機來計,也計不清噃。」

我想了一想,回答說﹕「剩係計而家出緊糧嗰D啦。」

J君說﹕「有的是領了長俸,不用上班的,計不計算在內?」

我不明白﹕「即係點解?」

J君說﹕「即係已經分了手,但仍然個個月有畀生活津貼佢的那種囉。」

我終於明白了﹕「領緊長俸,即係可以翻閹,打過第二份工,但糧照出的那種?」

J君說﹕「對,好多有了新男友,有的還已經再嫁了。」

我說﹕「你真闊佬。」

J君說﹕「不過講到薪水最高的,當然是老員工,CEO已經做了幾十年,分分鐘仲疊水過我。」

我說﹕「咁佢的工作量呢?」

J君說﹕「梗係無嘢做啦,喺我間公司,越係高層,越無嘢做,反而是新入職的員工,就成日要開工,仲時不時要出trip添。」

我問﹕「咁人工呢?」

J君說﹕「咪幾雞,最多十雞八雞,頂晒磅架啦,佢唔做,大把人猴住呢份工。」

我問﹕「咁有無housing架?」

J君說﹕「有D有,有D無啦,梗係成日有工開的員工,先至有啦,唔通一個月返一日半日,又有housing咩。喺我公司,如果做得好,好多福利,細佬妹讀書,有津貼,自己進修,又有津貼,如果做得好,又有家庭津貼,可以養佢全家。」

我問﹕「咁有無辭職唔做架?」

J君說﹕「跳槽都有既,不過好多跳完去第間,發現人哋出糧不準時,仲成日呃糧,有D仲借頭借路,請佢返咗一個月工,就炒咗佢,咪死死氣返嚟囉。我有規矩,返嚟既,人工例牌減兩成,有個走咗三次,返嚟三次,人工由十皮減到四皮。」

我嘆了口氣﹕「其實貴公司咁多員工,真係好大負擔。」

J君說﹕「弊在出糧的人多,真正做嘢既人,只有幾個咁大把呢!」

本周心水股票是﹕「汛和集團」(1591),祝大家好運!
熱門新聞
  • 【新手必學】素人變女神眼妝教學 80,805 views
  • 【一程壹會.女神背後(一)】紅的司機爆軼事 短裙女上車秒速黑面 數臭姊妹(白告) 47,086 views
  • 【一程壹會.女神背後(二)】突傳屎味急搵公廁 試過喺公路停車 42,394 views
  • 【條裙短到咁摟乜呀?】阿Gem牛一戰鬥格 男友買Cheap酒上家過夜 41,766 views
  • 【世紀合照】成龍袁詠儀冰釋前嫌 曾志偉做和事佬 41,709 views
  • 【隔代遺傳】「小糯米」唔似楊冪劉愷威 Isabella 孖仔同李嘉誠餅印 41,627 views