咪睇黃貫中成5張呀，仲係好好火㗎！以前得朱茵cool down到阿Paul，而家仲有佢－－囡囡黃鶯。有幾大成效？你睇阿Paul對心型眼同冧樣，明啦！朱茵一家週末出現喺西貢，喺一酒家門口等攞位開飯。等待期間，阿paul拖住囡囡义燒包去睇魚魚，過二人世界。之後朱茵嗌咗兩父女去附近空地玩吹波波，阿paul試俾义燒包睇個樣幾enjoy！跟手到阿女自己玩，阿paul個對心心眼mon到幾貼，講真吖，佢呢個冧到溶咗嘅樣真係未見過！成日話阿女係老豆前世情人，阿paul同义燒包正正係sample！
湊女，佢講一句，义燒包聽聽話話跟住走；搵錢，佢返國內做真人騷job接job，賺到笑。阿paul娶到朱茵呢個老婆真係唔錯㗎！有外傭姐姐幫手，但係湊女都係朱茵自己搞掂仲跟到足㗎。點只，仲教到义燒包聽聽話話，連火爆嘅阿paul 都under control。阿paul口講朱茵全屋最惡，實質錫到燶，上個月仲同佢慶祝45歳生日添！老公同阿女都聽教聽話，朱茵要頻撲中港兩邊走搵錢又有咩所謂吖！
嘉欣BB終於返嚟喇，不過似乎都係短暫逗留，做完手頭上嘅工作就會走，因為佢話雖然兩日無見個女，唔算好耐，但已經好掛住囡囡Kelly喇，仲話同阿女facetime嗰陣，就覺得囡囡又大個咗、唔同咗喇！初為人母，就要同自己小朋友分開，係難免會心掛掛嘅，所以一講開Kelly嘅嘢，呢位媽媽就停唔到口，由順產生B、坐月無得瞓，至到Kelly而家一瞓就最少瞓8個鐘，又好少扭計，食得好食得好。總之關於B女嘅就可以咩都講，愈講愈開心。
28歲越南過埠新娘 憑本事殺入酒店掌廚：男人得 點解女人唔得http://bit.ly/2er53rV 【動畫】前海直擊》1000蚊租樓 200萬津貼 前海狂派錢氹港人墾荒http://bit.ly/2fhLy45 本年最賺錢千萬女模榜 惟一亞洲劉雯第8索les Cara第7http://bit.ly/2fexFpt 晒足十年事業線 孫慧雪做雞年新娘http://bit.ly/2fhFtV9 【動畫】筍盤威盡汕頭》有黨員阿爺 人大阿伯 仲有電器大王做舅父http://bit.ly/2fyhuo7 闊太引退10年》大台開拍50集50週年劇 搵44歲吳美珩復出http://bit.ly/2f3M7xt 【動畫】毒品飯堂》四男子曝光 黎生：我屋企有滅火桶http://bit.ly/2ehjLhF 地產界瘋傳》游蕙禎父是深水埗地膽老闆 ? 當事人報警：有人別有居心http://bit.ly/2f3RPPO
日前係楊采妮（Charlie）同老公邱韶智結婚嘅3周年紀念，Charlie就同老公撐枱腳慶祝，咁甜蜜梗係要喺社交網站晒吓恩愛啦！佢上載咗同老公嘅合照，兩個人頭貼頭黐到實，不知幾閃！Charile仲留言話：「十一月二號，我們結婚三周年﹗老公問我：這三年來妳開心嗎？比起用『開心』來形容...我覺得更多的是輕鬆﹑踏實﹑溫暖﹑滿足...我想這些感覺比『開心』更可貴，而且更讓我覺得幸福﹗在此，我們亦想祝福所有有情人終成眷屬。」見到Charlie咁幸福，唔少網民都戥佢開心！
日前胡杏兒飛咗去美國出席第十二屆中美電影節頒獎禮，當日佢以一身金色嘅透視貼身長裙上陣，上身仲疑似真空，力谷心口嗰條事業線出嚟，性感度非常高。杏兒憑住內地劇《我的繼父是偶像》成功獲得電視劇最佳女一視后獎，呢套劇亦都榮獲電視劇金天使獎。杏兒開心到即刻喺社交網站公佈喜訊，仲留言話：「這是我第一次在亞洲以外的地方參加頒獎典禮而且獲得獎項，對我來說真的是一個很大的鼓勵。」
谷祖琳做生意親力親為，由大坑一間甜品糖水鋪做到過海開分店，年前仲殺埋上大陸，一心打算將旗下店舖品牌上市，可想而知佢平時有幾咁忙啦。所以，難得呢日終於抽到時間放個假，梗係要拉埋老公去拍拖過下二人世界啦。拍拖就唔一定要去睇戲嘅，谷祖琳平時忙到甩轆，兩公婆見面交流嘅時間都唔知夠唔夠，難得有時間，梗係情願坐低食少少嘢，黐埋一嚿傾下計好過啦。加上近排天氣轉涼，坐出室外曬下太陽又有啲風，兩公婆依偎下不知幾寫意。不過甜蜜嘅二人世界就好短暫嘅，事關佢哋已經係兩個小朋友嘅父母喇，總唔可以將個女交晒俾外傭姐姐湊架嘛，所以都要陪下小朋友玩，增進下親子關係。唉，鬼叫香港人工作忙到甩轆咩，陪屋企人其實好平常，但對好多港人嚟講就變到好難得咁。
吳美珩已經係闊太，去超市呢家嘢其實可以搵傭人姐姐代勞。不過又要去買花，都係自己去揀好啲。話說大台嚟緊50週年，打算開部50集長劇，搵晒全盛時期嘅花旦回巢!當中包括有宣萱、蔡少芬、陳慧珊等等，咁咪即係好多舊時花旦都出返嚟？咁幾時到吳美珩呀？話晒吳美珩對上一次拍劇，已經係06年嘅《太極》。差唔多成十年冇喺電視機入面出現! 講真，好多觀眾都想睇吳美珩㗎！不過吳美珩做咗少奶奶咁多年，不知幾enjoy、幾適應，如果真係想搵佢出山拍劇，除咗彈藥之外，睇嚟大台仲要落多啲牙力先得喇！
咦，呢個咪朱薰同佢老公譚健榮？哦，原來一家三口約埋Dash同泥鯭食飯。就咁睇，Dash個心情似乎唔錯喎，全程有講有笑。唔通係因為同Mr.其他成員拆掂數，決定唔拆夥？早排Alan喺訪問入面話壓力大，想停一停，仲話Mr.另外嗰四個男人好難頂。其實講到咁出面，似乎都好難再合作落去。始終五個男人成日因為意見分歧而嗌交，嘈得多都冇癮啦！而家呀Tom又開咗音樂學校，Alan亦都自組咗另一隊Band，大家好似一早已經各行各路咁。不過Dash就唔係咁諗，被記者問到Mr.係咪要拆夥嘅時候，Dash就話：「我要問返當事人，因為好多都係記者朋友同我講，大家出嚟傾下睇下咩事先。」佢亦補充話Mr.唔會拆夥，因為嚟緊都仲有工作，而且佢哋嘅關係亦唔係外界講到咁差，大家已經識咗十幾年，其實好好感情。聽到Dash咁講，粉絲們應該都安心啲。
嘩！壽星婆Heidi手上紥紅玫瑰好靚喎！梗係要攞住同班姊妹影合影晒命啦。不過大家咪以為紥花係洗華送，其實另有其人。11月1號係Heidi36歲生日，成日想借囡囡箍煲嘅洗米華，梗係有出席啦。仲買埋花嚟賀壽，但紥花就被打入冷宮，放入花樽度。至於Heidi攞住滿場飛嗰紥99枝紅玫瑰，係另一個男人送㗎！睇怕洗米華一定好冇癮啦。
早前本刊獨家披露吳雨霏（Kary）喺今年3月不幸小產嘅消息，今日Kary終於喺社交網站寫咗篇長文承認早前曾經懷孕，佢同老公洪立熙（Brian）亦都好期待呢個小生命嘅來臨：「但沒想過開心的時間很短暫，轉眼間惡夢就開始了 我們失去了最珍貴的小生命，我們的心都碎了。」Kary話做哂所有檢查都搵唔到小產嘅原因，仲好心痛咁講：「我心裡有一千個問號，為什麼會發生在我身上？是我做錯了什麼嗎？」最後Kary表示會同老公Brian勇敢面對，並話：「我們感情變得無比的堅固，更珍惜對方。人生一定會經歷高高低低，最低潮的時候能夠和他一起手牽手渡過，這已是最大的禮物。」佢仲鼓勵所有曾經痛失子女嘅人，話神一定會有最好嘅安排俾大家，並話自己同老公都好期待做爸爸媽媽嘅嗰一日。
嘩!殺死人嘅眼神呀!係人都知城城愛車如命，法拉利、林寶、波子、麥拿侖，全部都係城城嘅收藏品，真係羨慕死一班鍾意車嘅男仕！上星期日，城城開工幫迪士尼新餐廳拍廣告，乘機曬下靚車！嗰晚城城出動呢架有「牛中之王」嘅林寶堅尼，車廠特登幫佢噴咗墨綠色，仲命名為「Aaron tone」，全球獨一無二，巴閉到呢！城城親自揸住部林寶黎到片場，工作人員將原本「AARON」車牌換走，掛返個道具車牌。接近八百萬嘅道具喎，廣告商都驚有閃走，買重保險。話口未完，就差啲瀬野啦！拍第一個shot, 城城要揸住架林寶兜圈，之後落車擺pose !唔知係咪掛住chok ，城城入錯波，架車流前，好彩城城反應快，即刻跳返上車踩brake，有驚無險！
舊愛熊黛林結婚，搶盡風頭! 唔緊要，城城亦都有辦法去威威嘅，就係出動私伙林寶拍廣告，至少拎番個彩先。單係架車泊係街已經引咁多人係度影相，就知城城呢架車有幾堅啦!今次迪士尼拍呢個廣告唔止用七位數字搵城城拍廣告，仲搵埋《寒戰》導演陸劍青操刀。 嗱! 雖然大會都安排咗架法拉利做道具，但係城城就話要用私伙，廣告商當然幫架車買重保險，事前仲同城城Briefing一次點拍，總之確保每一個細節都唔好有甩漏。車窗有啲污糟，大會工作人員即時衝去抹車。不過，城城唔知係咪有啲心不在焉，工作人員抹緊窗嘅時候，佢又㩒著個掣，差啲整到人哋隻手。 可能諗起舊愛結婚，自己同Moka唔知幾時拉埋天窗啦!
宅男女神雪雪最近喺《幕後玩家》，同蕭正楠有唔少多對手戲，仲好性感。咁做得女神，冧仔梗有一手，佢同拍拖4年嘅闊少Edwin Lo 7月嗌分手，點知話咁快就復合，仲傳好事近㖭。嗱！嗰晚佢同同劇演員食完飯，俾班fans圍住集郵，之後特登轉咗幾程車去瘟仔，好蠱惑。佢接咗男友放工後，兩口子齊齊返嘉亨灣愛巢繼續happy，睇佢哋咁癡纏，應該打風都打唔甩。壹仔收到風，知佢哋明年結婚，問番雪雪，佢冇否認，但就答到好似佗仔咁︰「呢啲嘢好小氣，唔講咁多。」都幾搞笑！
孫慧雪大大話話都入咗呢個圈十年，出道到而家，無論係綜藝節目定拍劇，雪雪都係性感演出居多，保守極都會玩下黑絲、露下線頭。仲未嫁人就話衝事業啫，嚟緊準備做雞年新娘，唔可以再咁輕易同大家開心Share架喇。 數下手指，雪雪都已經三十有四喇，條事業線晒咗咁多年，既然唔係一線，再磨落去都只係磨爛蓆，不如嫁俾闊少男友做人妻好過啦，拍咗4年拖，婚後頂盡再2人世界多一兩年先生B，雖然到時係高齡產婦，但都仲OK嘅。條數咁計落，又難怪雪雪今年7月盡地一煲，出處女寫真啦，趁被私有化之前，有咩要做就做咗先，當還個心願又好、俾個交代自己又好、再唔係咪當係做女時代嘅最後一個紀念囉。雪雪依家就拍緊《撒嬌的女人》，成日都要3點式見人。巴打們，要丁好丁盡佢喇！
借過，借過！咪撞親大肚婆呀！成日都話，大肚女人最幸福，咁大前題當然要有個體貼嘅老公先啦。謝安琪咪係人辦囉。嗰晚係《幕後玩家》嘅飯局，但阿Kay唔單只冇影大合照，走嗰陣仲戴帽包到冚㖭！睇吓廿四孝老公張繼聰，全程護住老婆上車。臨上車阿Kay仲同大家講拜拜㖭。
USTAR 2016大專做大事，12強經已誕生！50%網上投票 + 50%專業評審即日至11月7號，投選USTAR 2016男女冠軍！https://goo.gl/forms/rEqp1RBmoXWsI7NL2 殺入舞蹈系，入圍《USTAR BATTLE》節目嘅大專生，排名不分先後：4. Sunny 鄭青儀 @ HKDI時裝設計高級文憑Yr.113. Jason 張偉杰 @ HKDI時裝品牌策劃高級文憑Yr.214. Howard 詹昊諱 @ PolyU管理學系Yr.250%網上投票 + 50%專業評審即日至11月7號，投選USTAR 2016男女冠軍！https://goo.gl/forms/rEqp1RBmoXWsI7NL2 投選USTAR 2016男女冠軍，有機會贏得豐富禮品！
USTAR 2016大專做大事，12強經已誕生！50%網上投票 + 50%專業評審即日至11月7號，投選USTAR 2016男女冠軍！https://goo.gl/forms/rEqp1RBmoXWsI7NL2 殺入音樂系，入圍《USTAR廁所位》節目嘅大專生，排名不分先後：8. Sherley 吳采珊 @ CityU市場學系Yr.49. Florence 謝方芳 @ HKUST環境管理及科技系Yr.210. Joey 黃寶盈 @ BU資訊系統及電子商貿學系Yr.317. Perry 劉子豪 @ CUHK音樂系Yr.420. Vincent 鄧家禮 @ BU音樂系碩士Yr.150%網上投票 + 50%專業評審即日至11月7號，投選USTAR 2016男女冠軍！https://goo.gl/forms/rEqp1RBmoXWsI7NL2 投選USTAR 2016男女冠軍，有機會贏得豐富禮品！
USTAR 2016大專做大事，12強經已誕生！50%網上投票 + 50%專業評審即日至11月7號，投選USTAR 2016男女冠軍！https://goo.gl/forms/rEqp1RBmoXWsI7NL2 殺入表演主持系，入圍《USTAR社會小學》節目嘅大專生，排名不分先後：1. Mandy 陳曉旻 @ HKU醫學系Yr.411. Sarah 邱嘉詠 @ EdUHK中文教育系Yr.512. Henry 陳浚鏗 @ CCCU康樂及旅遊管理系Yr.216. Wayne 管鋈 @ CityU人力資源管理系Yr.250%網上投票 + 50%專業評審即日至11月7號，投選USTAR 2016男女冠軍！https://goo.gl/forms/rEqp1RBmoXWsI7NL2 投選USTAR 2016男女冠軍，有機會贏得豐富禮品！
投資額估計高達一億人民幣嘅大片《狂獸》，陣容相當鼎盛，日前仲出咗國際版海報，當中十個主要角色嘅造型已經搶先出爐。當中包括張晉、余文樂、文詠珊、林家棟、曾國祥同蘇麗珊。喺入面飾演重案督察嘅張晉會以一頭金髮示人，造型非常狂野。而今次余文樂就會做大反派，飾演偷運黑市黃金嘅歹徒，拍住文詠珊飾演情侶，女方仲會成為追殺目標，真係步步驚心。《狂獸》由《殺破狼II》班底黃柏高同鄭保瑞聯手策動，由李子俊做導演同李忠志擔任動作導演，當中會有唔少精彩嘅動作戲。余文樂仲特登每日去健身同進行潛水訓練，務求將自己操到最fit，以最佳狀態示人。
「三十幾歲人喇，做份工又差過人，搵個男朋友又係廢柴。」唔知大家有無咁樣俾老母鬧過呢？Stephy就因為拍《失戀日》而猛咁被飾演佢老母嘅金燕玲鬧，難怪片頭就話：「男友唔生性，阿媽好難頂。」其實《壹》仔想話 有頭髮邊個想做癩痢吖？有邊個唔想首期有老竇老母俾，一畢業就月入最少3、4萬，然後搵個男友高大威猛、人品好、有學歷、有家底，仲要唔係醫生就係律師先？所以，最唔化嗰個其實就係老母本人，今時今日香港地，有份工夠使夠食唔做廢青，仲搵到個伴已經好唔錯架喇，依家不知幾多人講：「首先，你要有個男友。」有，你又話個男友係廢柴；無，到時又鬧人三十幾歲都搵唔到男友，你玩晒啦。BTW，女仔都俾人鬧成咁，做男人仲得了？結婚擺酒買車買樓養番狗嘅壓力，好多時都係男性大過女性架喎
傅穎近幾年將事業重心北移，而家就喺象山為新劇集《熱血學院》開工。喺入面扮書生嘅佢好秀氣，有種女扮男裝嘅感覺，更有劇組人員話佢似女俠鄭佩佩，搞到Theresa紅都面晒。之不過套劇係講書院學生，但傅穎反而似女俠，講唔通喎，所以本來將劉海梳晒上去嘅佢，決定加空氣劉海喺前面，咁就顯得年齡細個啲。另外，做得學生，點可以化濃妝返學架，所以傅穎淡妝拍攝之餘，仲要主動放棄戴大眼仔上陣，令從前因一本雜誌笑佢豆豉眼，而導致多年嚟從無除低大眼仔示人嘅傅穎，再次將佢對豆豉眼展露人前，都真係相當難得同勇氣可嘉，而且驟眼睇，仲有啲似雪撬狗添，傅穎自己話似架咋。
樂隊Mr.成員布志綸（Alan）同老婆Sally嘅囝囝Adam話咁快已經六個幾月大，升咗呢做爸爸嘅Alan不時喺社交網站大哂囝囝啲得意相。見到Adam肥嘟嘟，手臂啲肉仲一節節，唔怪得Alan會叫囝囝做肥冬瓜啦！日前萬聖節Alan仲幫囝囝著咗套南瓜裝，仲留言話：「當肥冬瓜穿上大南瓜」肥冬瓜Adam擘大口一副發呆嘅樣真係cute到爆！連校長譚詠麟都留言大讚：「好過癮」
PPAP熱潮成風，日前萬聖節，日本澀谷街頭堆滿扮鬼扮馬的人，萬人空巷地齊齊PPAP，來個萬聖節、PPAP crossover。鬼怪結合PPAP，是個很不錯的念頭，但怎樣的鬼怪才能更好地跳出PPAP的神韻呢？首選，當然是它，《Death Note》內的死神流克。Apple？是流克最愛的食物。Pen？沒有它，流克又怎樣寫死亡筆記呢！再加上流克的修長身形，以及他造型本身就帶有punk風格，因此跳起PPAP時，特別match，特別合適。
由詹瑞文、伍詠薇、向海嵐同林嘉華主演嘅舞台劇《嬉春酒店2016》將喺年尾公演。日前詹瑞文、伍姑娘同向海嵐一齊排劇，工作人員梗係要拍底佢哋啲幕後爆笑嘢啦！工作人員一開機，向海嵐即時提伍姑娘戴返副眼鏡遮一遮個素顏，伍姑娘梗係拿拿臨戴啦！仲話講笑話：「樣衰咋嘛」之後伍姑娘同向海嵐一齊練「英國急口令」，講到佢哋兩個氣都抖唔切，場面非常搞笑。詹瑞文話要懲罰佢哋講急口令講到一舊舊，所以要請食下午茶補數。不過呢兩個女人一於少理，繼續講笑講到詹瑞文都冇佢哋咁好氣。
張名雅喺九月同律師男友Joe拉埋天窗之後，一直都被傳大肚，但張名雅並冇正面回應過傳聞。今日佢終於喺社交網站到宣佈佗B啦！佢上載咗同老公打扮成孖寶兄弟嘅相，老公從後咁攬住張名雅個肚，張名雅亦留言話：「Where's mario? I'm here, in mommy's tummy!」仲hashtag咗「happy baby」同「grateful to have you」估計之前係怕BB未夠三個月會小器，所以先一直迴避問題，望真啲而家著住裙嘅佢又確係有啲肚凸凸。仲話Mario喺媽媽肚入面，莫非係暗示佗仔？
林耀聲早前獲特技化妝師 Gary Chan特技小霸王邀請任特技化妝比賽模特兒，據特技小霸王稱今次找聲演繹的原創角色是南宋時期往西方國家學習的王子，遭遇暗殺，火攻水難喪命後，借魔鬼之力重生復仇⋯⋯一直恨演特技片的阿聲，上妝連比賽拍攝時間超過十八個鐘，首次戴隱形眼鏡，雙眼極其疲累，一遇上鏡頭卻絲毫沒有倦意，更一反沈默性格，在現場搞笑不斷令工作人員大爆笑，首次倒模試驗特效化妝的聲大呼是個好經驗，期待今後有更多機會挑戰不同的角色。
呢位已婚男士而家好開心，做咗半年老襯啫，話咁快又準備做老豆，Miki個肚都凸晒出嚟，仲喺Facebook公佈埋喜訊。至於郭永淳個前妻伍志恒，咁啱呢幾日又喺微博發文話：「我隨時有生命危險，真的看化了，積極撐下去，是要報答爸爸。」有生命危險聽落誇張，但望到佢真人，真係唔到你唔信架。郭永淳前妻伍志恒經過十幾廿次大小手術，十幾年前已經割咗個胃，就連小腸都只係淨返八分之一，飲食要靠注射。加上精神問題引起嘅嚴重痛楚，要靠大劑量嗎啡先搞得掂，所以又會令佢有好嚴重嘅副作用。林林總總，大家明點解佢而家變成咁啦 得返50磅，出入都要扶實爸爸，雖然睇見佢依家咁樣覺得好心噏，但能夠有個咁好嘅爸爸陪住行街散心，其實都好溫馨。不過你要記得自己講過「撐落去係要報答爸爸」架，所以就算爸爸唔喺身邊傍實你，你都唔好再偷偷地「呼吸」喇，傷爸爸心之餘又傷自己身，係咪先？
陳少霞同「法拉利之父」李文輝結完婚之後，不時都好恩愛咁出席活動。日前陳少霞孖住老公一齊去聽傳奇港姐張瑪莉嘅見證分享會，呢對新婚夫婦當日以一黑一白嘅造型現身，襯到絕。唔只呀，佢哋仲連食飯都拖住手，幾鬼Sweet。當日嘅分享會由75年港姐冠軍張瑪莉講返自己喺孤兒院嘅童年，以及參選港姐同成為十大傑青嘅經歷。今年已經64歲嘅佢依然keep得好好，又fit又貴氣。陳少霞聽完佢咁傳奇嘅人生，都忍唔住喺社交網站留言話：「從她身上看到神的恩典何奇大，如何從一個流浪的街童到香港小姐再到成功的專業人士！感謝神給這什麽好的老師教導我！」
李施嬅最近去咗法國拍攝大台節目《走遍全世界》，日前佢就喺社交網站上載咗條短片，片段入面佢一邊自拍一邊介紹自己喺法國住嘅酒店房。李施嬅話間房最特別嘅地方係對住巴黎鐵塔，瞓喺床到可以啱啱好咁望住鐵塔瞓覺，因為節目飲咗唔少酒嘅李施嬅仲有啲面紅紅咁話：「係咪好浪漫呢？我都覺得好浪漫。」不過男友唔喺身邊，一條友嘅浪漫咪即係寂寞囉！
喂喂喂，今日出嚟做嘢架喎，劉溫馨做咩掛住自己玩電話、狂影相呀？俾人見到，感覺好唔專業架！其實又唔怪得佢嘅，未埋位等roll機，咪做住其他嘢打發時間囉，唔通好似林師傑咁坐喺到頭愕愕四圍望咩？而且劉溫馨掛住玩電話，騷都唔騷一下林師傑，之後仲擰埋一面，自己玩自己笑，勁陶醉，但就搞到林師傑個樣勁無奈 好彩，救星到，林師傑即刻笑返。之後有其他同事埋嚟傾嘢，劉溫馨終於肯放低部電話 一陣咁大把，事關佢一捉到機會，就會耷低頭撳兩嘢，對電話完全係上晒癮！吖，佢好似仲患有「分享症」添喎，啱啱上枱嘅食物，影！影！影！完全唔會放過任何機會。一個人玩到悶影到悶，仲捉埋木偶哥同家明仔一齊擺POSE合照添。不過木偶哥，俾啲貨得唔得呀，懶chok咁，完全唔跟隊形，唔ok囉。
去年12月下嫁脊醫Jeremy，並於8月誕下囡囡Kelly的鍾嘉欣，這段時間一直留在溫哥華，不過今日嘉欣終於返香港，今朝一早六點到逹香港機場，現場有大批記者等候，著住黑色長褸，帶住黑超的嘉欣，睇落已經成功修身，回復未生BB前狀態。由於已有一段時間冇面對傳媒，嘉欣表示有點緊張，但都有回答記者問題，佢話已家係餵人奶俾囡囡Kelly，「辛苦得嚟好有滿足感，所以都唔係好辛苦。」有冇蝦碌嘢發生？問到第一次要離開BB去工作，有冇開始掛住BB，嘉欣就點頭。今次嘉欣返港是出席明晚於Emporio Armani Remix 活動，而完成活動之後，嘉欣第二日就會飛番去溫哥華繼續湊女，因為今次係嘉欣產後首個復出活動，能夠打動佢要離開BB三日，酬勞比以往高出幾倍，而且大會更包埋來回商務客位機票，十足外國明星待遇。
兩個愛到咁痴纏，CoCo袁紫僑仲用狗去形容何猷君，連超蓮都忍唔住問個「What」字，查實佢哋係點識㗎呢? CoCo本身都係有錢女，身邊當然有唔少富二代朋友，就連超蓮、超盈都係佢嘅朋友之一，即係話何猷君都知有CoCo呢個女仔。早排CoCo喺海拍劇，撞正何猷君係上海做嘢，咁啱一次嘅活動就令到兩個人撻著! 猷君更周不時送小禮物，知道女友鍾意迪士尼，專呈去迪士尼買成堆汽球去接機。真係買晒所有汽球㗎，你睇CoCo冧到要即刻擺上網，話係狗買俾佢! 之後兩個仲好sweet咁去上海迪士尼拍拖，猷君又會帶埋女朋友去朋友活動，可見CoCo嘅地位。喺戀情未曝光之前，CoCo曾經暗示過佢依家同何猷君拍拖，你睇下呢款手掣，Mario Kart專用咁，因為何猷君嘅英文名又係叫Mario，而猷君亦用一對米奇公仔暗示過下，網上傳情嘅嘢，真係識幾多喎!
組合少女標本嘅成員袁紫僑CoCo ，個樣甜美之餘，屋企人做投資，有家底，難怪猷君都話呢個女仔好。何猷君情史多籮籮，咁CoCo又點先？Ｎ年之前，佢同周志文拍拖Sweet到爆，人前就好sweet喇，果陣周志文仲搬埋去CoCo貝沙灣屋企同居。可惜周志文多次背住CoCo溝女，蔡思貝都係target之一，之後 又係拍劇期間偷㗳馬賽，搞到CoCo最終忍痛分手。後來coco再遇著向佐，兩個仲一燵即著，成日孖住出巡，CoCo經常大哂向佐隻黑貓宣洩主權。點知原來對方一直拖住個大陸女星王秋紫，之後仲有消息話王秋紫有咗向佐個BB。唔怪得 CoCo成日同身邊啲friend訴苦，話自己簡直係悲劇女主角，遇親的男朋友都係衰偷食啦！愛情大過天嘅CoCo，今次同何猷君拍拖。雖然係網上用王子同公主去形容雙方關係，不過CoCo都經常Check實對方，話晒何猷君情史都好精彩嘛。
今年25歲嘅CoCo袁紫僑，真係成功收復賭王四房細仔何猷君（Mario）做自己隻「狗」㗎！陪女朋友CoCo行頭飾店行足半個粒都毫無怨言，之後拎到成手都係戰利品，何猷君真係任勞任怨!難怪CoCo公開係網上都笑稱男友猷君係自己隻狗，有圖有真相! 何猷君亦都公開承認同CoCo一齊咁，換句話講，何猷君即係CoCo嘅狗。拍拖兩個月左右，CoCo已經借IG經常放閃，不過好多時都有其他朋友做掩護! 直至兩個人化行妝去Halloween，Coco更打埋愛的宣言，借啲意公開示愛。搞到哎呀家姐超蓮都嚇親，留言問咗句︰「What?」睇來 猷君仲未正式安排女朋友比屋企人見喎！
何猷君當眾伸隻手入女朋友件衫入面摷下摷下，睇唔到? 嚟! 睇多次，由下而上，攻入CoCo嘅腰入面，有冇咁肉緊呀? 猷君仲要狂掃CoCo bra邊，喂喂! 有性暗示喎! 呢幾日猶君爆出又有新歡，今次對象就係「少女標本」成員CoCo袁紫僑。 女朋友唔使飛上海去拍戲，兩個熱戀中嘅小情侶就去行街拍拖，兩個啲行徑Sweet到就好似進入無人之境。當日Coco仲要透個白bra出嚟，唔止令猷君有視覺享受，更嚟個觸感嘅享受。CoCo先嚟掃下猷君隻手，搞到猷君㷫恰恰要掃番女朋友，之後再伸手入CoCo件衫近腰間位置掃來掃去。就連Sales都頂唔順，要行去第二度開單。個時CoCo同猷君先有意識分番開。拍拖兩個月鬆啲，係親密啲嘅，連手指都可以玩一餐，你睇下猷君捉到Coco隻手實一實，驚死女朋友走咗去咁，行街都咁肉緊，得佢哋兩個嘅時候，咪仲誇張?
堂堂何家少爺係CoCo眼中竟然係狗，當人係兵就聽得多，當人係狗就真係少見。咁CoCo又點解畫呢? 佢話︰「狗個意思是我們去迪士尼，大家拿到張飛。佢拿了張狗仔，我就拿到鴨 .嗯 .」之後CoCo 誒咗勁耐都答唔出，睇嚟未諗到個答案喎。CoCo續話︰「這樣 . 嗯 . 嗯 他就比較喜愛那個卡通人物，狗多點 這個稱呼是我們之間互相講笑而己。」其實個隻狗有名叫高飛嘅，或者呢啲真係情趣嚟啦! 當我哋問到早排見到佢哋當街當巷互相摸下摷下，佢就話純粹食完Lunch順便行下。
呢幾個月吳雨霏同老公Brian四圍飛，好sweet呀可。但開心背後，原來係忍藏傷痛。Kary同「網球王子」洪立熙三離三合，舊年7月，二人喺意大利浪漫行禮，修成正果，更愛對方。Brian不嬲好鍾意小朋友，成日幫朋友湊仔，所以婚後同Kary放咗兩個月假去旅行，開行turbo造人。本來今年2月就有喜訊，兩家人開心到爆炸，Kary亦忍唔住喺微博暗示話：「生命的旅程，現在才開始呢。」可惜陀咗個幾月，BB忽然冇咗心跳，Kary喺今年3月不幸流產，所以3月好姊妹Miki拉隊飛Bangkok搞婚前party，Kary都冇去。好彩Brian夠硬淨，好識安慰老婆，呢幾個月仲請假陪Kary周圍飛，放鬆吓心情。 唔開心日子已經過咗，近日Kary終於復工，出席吓啲活動，今個月仲會開始錄歌準備出碟。而之前Kary同公司請大假，趁嗰段時間調理好身體，最近兩口子已經收拾好心情，隨時再迎接新生命。係囉，Kary今年先30開頭，年紀尚輕，一切順其自然啦！
Kary做咗人妻差唔多兩年，都係時間做埋人母喇，但可惜 算啦，過咗去嘅傷心嘢唔好提，不如就講下餅碎入面，有邊個已經做咗人母啦。其實，唔好話人母，做人妻嘅都唔夠半數，9件餅碎入面得4件嫁咗人，而呢4件入面，差啲就有三個係媽媽級，不過依家就得返一五年生咗B嘅Elaine，同埋有個女兼全家移民加拿大嘅Serena。未婚嘅仲有5件，其中最有機會加入人妻行列嘅候選人有3個：候選人1號Theresa，近年專心喺內地搵食嘅佢揀咗蒙古菜嚟食，聽聞已經見晒家長架喇，但男友仲未曝光呢下神奇！候選人2號Stephy，當大家以為佢同方力申十年情係時候結婚之際，突然俾個驚喜大家。由3月分手到而家，方力申已經轉嗒何超蓮，但Stephy依然single，所以實情係Stephy已經跌出候選人名單lu。候選人3號Angela，餅碎之中外表最平凡，但出奇地食最多仔，仲要外籍男居多，好似日籍男星鈴木仁都俾佢食過，難怪有人覺得佢「咸咸濕濕」，叫佢做「鹹煎餅」。雖然Angela享受自由身，但由於多男友，一個唔覺意閃婚唔出奇，大家明點解架啦！另外仲有兩件餅，一個係高級審計員，一個係治療師，事業形女性，都係未婚，完！
餅女Kary，佗咗兩個月BB突然冇心跳，幾hurt呀！搞到佢要去旅行散心幾個月！其實圈中都有唔少女星有過流產經歷，好似陳慧琳之前接受訪問，都話︰「人生最大嘅挫折係上次小產。」另外，郭羨妮12年同老公生咗大女Kylie後，14年再有喜，可惜個胎兩個幾月就冇咗。仲有退出娛圈多年嘅無綫花旦簡珮筠，她喊住憶述︰「睇醫生之後就話BB已經冇咗，兩個幾月，都過唔到3個月，好失望。」
唔知米貴》米芝蓮車胎人評審離地 $300食唔到三道菜bit.ly/2fchttp://LgK5 設計師控訴》衰過60年代廉租屋 未來新盤廚廁起喺室外http://bit.ly/2dXYAGi 獨家甜笑認》Miki佗B兩個月 戒口戒運動着平底鞋勁小心http://bit.ly/2fAJ4QU 拍拖斷正》上羅天宇座駕勁心虛 湯洛雯落車換位避耳目http://bit.ly/2f59h9A 開支唔使$689 胡官慳家Kick Offhttp://bit.ly/2dY2izo 翠華外賣員》涉多次偷竊電單車零件 斷正都死口否認http://bit.ly/2euXiib 銀聯禁令後》英國保誠守衛森嚴 無保單、經紀無帶證都拒入http://bit.ly/2f8lK9Z 初哥食蠔點揀好？蠔吧總廚教你三大要訣：先由甜味入手http://bit.ly/2ev4w5H 孔孝真最愛PB視帝劉亞仁出CCRT 首爾時裝周8大人氣trendhttp://bit.ly/2dXZ0fD
羅仲謙同楊怡喺十月拉埋天窗之後，好快兩個就各自投入返工作。呢對新婚夫婦最近仲要分隔異地，因為謙謙去咗青島拍攝新戲《食神歸來》，而老婆楊怡就留喺香港。未享受完新婚嘅甜蜜生活就要分開，搞到謙謙不知幾掛住屋企個老婆，仲喺社交網站到隔空晒恩愛：「我在青島拍攝中，妳在香港，在做甚麼？ 」使唔使咁sweet呀？睇到網民都話：「竟然有學生時代嘅初戀feel。」日前楊怡都有喺社交網站上載佢同謙謙嘅合照，以解相思之苦，仲留言話：「我累了，你讓我依靠.....幸福就是這樣簡單。」見到你哋咁恩愛，《壹》仔都覺得幸福呀！
堪輿學家蘇民峰向來好識享受生活，成日周遊列國吃喝玩樂。佢喺九月尾去完日本，轉個頭十月又飛咗去威尼斯，而家仲上埋郵輪日日周圍遊唔同地方添！佢日前去咗以色列嘅死海，仲喺社交網站上載咗自己淨係著住泳褲、露晒兩點咁喺死海浮沉嘅相。平時見蘇師傅都係以西裝造型現身，今次終於目睹佢「真身」，咪以為望落好瘦只係一副排骨呀，查實手臂都有啲肌肉！蘇師傅咁難得大解放，連網民睇完都要講返句：「平時見慣官仔骨骨嘅蘇師傅，今次有啲驚嚇。」
今年4月，Miki同永安太子爺郭永淳結束8年愛情長跑，結婚咯！隨即開行turbo造人。兩公婆去希臘度蜜月，仲一擊即中㖭，依家Miki已經懷孕兩個月。問到係咪計劃之內？佢耍手封嘴，但就甜笑話︰「唔該晒，拜拜！」睇Miki笑得咁甜，連記者都感受到佢佗B嗰份喜悅呀！佢咁口密，因為唔夠3個月，怕BB小器呀。不過，細心睇佢都有啲肚凸凸。佗住金叵羅，佢勁小心，着晒平底鞋，又戒口戒運動，安胎緊要呀。
吓? 由車頭變坐後面? 湯洛雯突然間咁換法，真係冇私顯見私喎!呢架車本身就係羅天宇嘅，女朋友坐車頭天經地義。就算湯洛雯唔認係羅天宇女朋友都好，咁多個麻甩佬一齊，佢坐車頭一樣好正常吖!不過，大台唔多like藝人拍拖，羅天宇同湯洛雯就算出街都要保持距離!前排大台吹雞搞活動，周志康、羅天宇同胡㻗三個同湯洛雯、歐陽巧瑩一齊食飯。成張凳有四個燈泡喺度，但係都無阻湯洛雯托住腮向男友羅天宇放電。湯洛雯都好識做嘅，間唔時都同周志康、歐陽巧瑩傾下計，唔使閃親隔離! 話晒林師傑又唔係度，怕歐陽巧瑩嬲豬。成班人就得歐陽巧瑩走先，淨番呢四個人就繼續走下場。未幾，湯洛雯交個袋俾羅天宇呢下嘅動作，幾純熟! 湯洛雯仲要回眸一笑，含春咁樣，唔使睇都知佢哋咩關係啦!湯洛雯去完廁所，就喺超級市場會合番幾位靚仔一齊上倉，之後就上車。周志康就好眼利見到《壹》仔係後面，仲打聲招呼。原本坐喺車頭嘅湯洛雯一聽到有記者，驚死俾人發現，即時同羅天宇細佬調位，搞到羅天宇、周志康呆埋一份啦!乜你真係以為咁做，就可以撇清同羅天宇嘅情侶關係咩? 少年，你太天真啦!
潮流來來去去，復古又有型的七三分界油頭今季又回來了！不過好看歸好看，要營造順滑濕髮效果，真的沒那麼容易。想告別油膩感﹖髮型師說可以試用男神髮油幫忙，快來看看當中有什麼要訣。
Yumiko個女梁浸浸不嬲都係人氣極高嘅萌b，唔少明星藝人都爭住同佢集郵，好似Twins、劉浩龍、容祖兒同賭王千金何超蓮都係佢粉絲，阿Sa仲想抱埋佢返屋企添呀！今個月22號即將踏入34歲嘅阿Sa，唔知係咪開始恨生小朋友，日前佢抱實喺萬聖節crossplay提子嘅梁浸浸，話今年嘅生日願望就係要佢，仲留言同Yumiko講：「很想要妳女兒⋯太可愛了哈哈哈哈。」網民睇到梗係催佢快啲結婚啦，仲叫佢：「自己生個啦！」聽到未呀偶像？
事隔十年，鄭中基（Ronald）終於成功攞到紅館檔期開演唱會喇！喺2017年嘅大年初一同初二，即1月28、29日連開兩場。隔咗咁耐粉絲們梗係等到好心急啦，所以當信用卡優先訂票一開售嘅時候，已經火速喺3個鐘內全部賣晒。粉絲們咁俾面，Ronald都好識做，決定同大家公佈好消息：「非常非常多謝大家咁熱烈嘅支持，所以我哋決定加場，加場日子會係年三十晚，1月27日。」Ronald仲話而家已經孭咗一身飛債，擔心加場都還唔晒，因為不斷收到親朋戚友嘅電話話想要訂飛，所以搞到而家每次電話響都會好緊張，仲話會諗好點覆人先聽。不過佢就諗咗一個好好嘅解決辦法，就係將分飛嘅重任推晒俾老婆余思敏，話而家一有朋友打嚟，佢就會同對方講：「你搵我太太啦！佢負責搞呢啲。」Ronald又透露囡囡Emma已經開始籌備上台做爸爸嘅特別嘉賓，仲成個專業歌手咁要揀歌唱。不過Ronald就讚囡囡有少少音樂天份，而家已經識自己作歌仔填埋詞，Ronald仲話：「囡囡每日都會改變主意要唱另一首，所以到時會唱咩歌，要上台嗰刻先知。」
56歲嘅紅姑得閒接吓event，有時間就同朋友掃吓名牌。 冇仔女嘅鍾楚紅冇咩負擔，賺到幾多就洗幾多，所以得閒就同朋友掃吓名牌。雖然已經56歲，但紅姑依然咁charm，軍褸加超，造型勁young，Sales姐姐見紅姑駕到，落足牙力Sell，Sell到七情上面。不過紅姑都不為所動，兩手揈揈出嚟。最後咩都冇買嘅紅姑，唯有call司機準備返歸，唔使幾耐，架車即call即有， 紅姑咁多時間，shopping呢啲嘢唔急
當看膩了一系列甜美可愛設計後，帥氣的中性打扮會不會是你的心水﹖拋開以往女扮男生的風格，今季中性設計更強調一種硬朗的氛圍，卻又不忘勾勒出女性應有的溫婉特質，完全展現出什麼叫剛柔並重。
幾個月前先認失婚嘅前香港女騎師江碧蕙，話咁快就拖新歡撐枱腳。口味呢家嘢好難轉，食開法國菜，幾時都會揀法國菜，同前夫一樣，江碧蕙新歡Jerome都係法國人。雖然江碧蕙人到40仲有兩個仔，都係魅力沒法擋。其中一個原因就係體貼，知男友鍾意食煙，行過7仔買包煙俾Jerome袋住，真係好貼心，然後兩個人十指緊扣冇甩過，手拖手攞車。雖然22歲退役冇騎馬，不過一直都係揸寶馬嘅。
廣告成日話「時間係女人最大嘅敵人」，所以保養係女人嘅終身事業，你睇吓琦琦踎喺地下睇得幾認真就知啦！對於名模出身嘅琦琦嚟講，護膚絕對係佢強項。咪以為一定要貴嘢，琦琦都係行屈臣氏架咋！佢左揀加揀，認真到踎係個貨架前面，係咁刨張成份表，仲拉住個sales姐姐狂問問題。咁又係，用喺塊面到，都係謹慎啲好！話明保養，梗係要由外到內架啦！琦琦都深明呢個道理，所以佢係超市上糧嗰陣都特別認真。一嚟佢就主攻生果同菜，好快架車就擺蕉呀橙呀，仲有唔同嘅菜。之後又行去睇健康飲品同果汁，全程眼尾都冇望過即食麵同零食，真係成個健康專家咁，唔怪得咁fit啦！琦琦唔止識內外保養，個人仲內外兼備添！買嘢唔單止會自備一個大嘅環保袋，放完嘢上車，仲會推番架購物車埋一邊，廢事阻住人。樣靚又有品，真係完美人妻？
咦！鄧穎芝做咩一個人行悶街咁慘慘豬呀？之前明明拖住個大隻新仔好黐纏架喎，唔係咁快玩完吓嘛？一個人睇衫，齋睇唔買；一個人撳住部電話漫無目的咁亂行；然後一個人排隊買咖啡，飲完先走，So Sad。咪住 原來大隻新仔遲咗少少啫，未咁快玩完住，佢哋兩個依家咪又係糖黐豆咁拍拖囉。鄧穎芝拖住男友行街含春咁款，仲不停對男友手多多添，又係嘅男友咁大隻咁fit，唔抽下水對唔住自己啦，話晒係人都知鄧穎芝對大隻男情有獨鍾架嘛，所以佢更加忍唔住，主動索吻添。其實男友出現之後，佢兩個都無咩點行過街同買嘢，話咁快就向停車場進發。攞車去邊到？熱氣方剛嘅一對熱戀男女，自己估啦。 旁述：Wendy@USTAR
唔通真係有情飲水飽？呢排成日撞到鄧穎芝拍拖，佢唔使do架咩？成31歲人喇喎！又唔係唔使do嘅，只係聽聞人哋老竇有米，做女嘅唔憂做啫，但係都唔代表鄧穎芝錫身揀job難服侍架喎，唔係當初佢又點會參加ViuTV個《G-1格鬥會》呀，前世未俾人打過咩！之不過，完咗G-1之後，又好似真係唔多覺鄧穎芝有咩搞作，多數都係見到佢成擔心機放落男友身上。都啱嘅，既然唔憂米，加上已經31歲人，係時候要為終身大事加多兩錢肉緊架喇，最多得閒嗰陣咪出首新歌《BREAK IT》囉，反正已經5年無新歌見人。 旁述：Wendy@USTAR
連生日都要喺片場過嘅朱茵，今個萬聖節都一樣要開工。不過貪玩嘅佢似乎好恨扮鬼，日前仲喺社交網站到留言話：「如果我不是正在開工，我一定裝鬼去敲你們的門的！（萬聖節快樂）」有個鬼火咁靚嘅「女鬼」嚟敲門，網民梗係求之不得啦！佢哋仲留言跪求被敲門：「紫霞仙子嚟敲我門啦！」、「等你呀」、「求女神敲門」其實唔洗敲門，都大把粉絲開定門等女神嚟啦！
【Startup擂台】唔使翠華睇辦》蒲精大搞夜蒲app 組隊蘭桂坊「互媾」http://bit.ly/2f0fOlR 當年水中露點》又係最上鏡小姐 陳綺明虎背熊腰變師奶http://bit.ly/2fmsR2G 胡官愛澳牛光速餐 霸氣伙記竟然叫佢做特首http://bit.ly/2f8WPSr 細細碗收幾十蚊 點解蛇羹賣咁貴？http://bit.ly/2f0bR0w 溶肌解密》小龍蝦污糟致病？ 老闆要平反：中國檢疫證衛生http://bit.ly/2f4IU1a 加入共同社 蛋牛治大王殺入太子http://bit.ly/2f0bhzM 花盡積蓄建魚菜共生農場 坪輋村民財哥：點解糧食要靠內地輸入？http://bit.ly/2fmxZn6 Chanel、Dior激閃3D圖案勁吸睛 去P百搭靚色眼影檢閲http://bit.ly/2eqOKst
丁子高同楊千樺呢對大細路，日前帶埋囝囝Torres出席萬聖節party，丁子高變身骷髏人，老婆千樺就特登化咗個蝴蝶眼妝，非常搶鏡，而囝囝Torres當日蜘蛛俠上身，仲化埋兔仔妝，不知幾cute。好有表演慾嘅丁生仲揸埋把玩具刀脅持千樺，呢兩公婆似乎玩得開心過個仔喎！
依家大台8點半套《幕後玩家》啲女演員真係好拼搏喎! 講到最正莫過於係劉佩玥， 平時啲角色都係做下正氣人物、乖乖女，今次做人小三喎! 仲要進撃到喺Office啦、車啦，都可以同黃宗澤........哎呀! 睇到人哋個心卜卜跳!劉佩玥透過選美入行，同屆仲有陳凱琳、蔡思貝，不過大台就選擇力谷陳凱琳、蔡思貝做女主角，但係呢兩位姐仔號召力就差啲，負評多多。相反，俾大台安排做配角嘅劉佩玥，就幾有觀眾緣! 每次出親鏡都有唔少網民讚佢做得唔錯。劉佩玥喺大台都拍過唔少劇集，雖然唔係主角，但係勝在產量夠多!《四個女仔三個BAR》、《一屋老友記》都有佢演出，其中係《殭》入面嘅表演更一度俾人激讚。再到《城寨英雄》入面演嘅柯德莉，令佢人氣一度提升，更有唔少網民跪求劉佩玥同伍允龍拍拖。依家喺《幕後玩家》騷晒事業線，又著黑絲，做人情婦一樣都可以演得掂，大台不如諗下捧佢，好過陳凱琳同蔡思貝啦!
啱啱結婚嘅張名雅一直傳奉子成婚，但佢之前就鬼咁口密。不過呢啲嘢冇得冚，今日佢終於喺微博認有喜，仲齊齊同老公去廸士尼晒幸福㖭！佢話︰「歡迎家庭新成員，是一個恩賜。」以往張名雅一向密實，不過，婚後佢突然大解放，喺ig狂晒身材同強勁事業線，睇怕都係想喺生BB之前，留低最靚嘅時刻，咁又係！好多女明星生完都少少走樣㗎。
個個明星都貪靚，所以就算化哈佬喂鬼妝，原則都係要「鬼火咁靚」，睇吓千嬅同Kelly陳慧琳，唔單止一啲都唔嚇人，仲有份神秘美㖭！相比下，高海寧算有少少恐怖囉！
歌神許冠傑開騷，「巨」星級嘉賓又點少得呀！而且除咗嘉賓之外，仲有佢哋，就阿Sam兩個仔，許懷欣同許懷谷。大仔許懷欣自細就學吉他，11歲已經喺紅館表演架喇。到依家牛高馬大、成家立室之後，同細個一樣，繼續踏上紅館舞台。無計啦，話晒兩父子，所以阿Sam次次開騷都實會預埋阿仔架！早喺開騷之前，《壹》仔曾經撞到許懷欣一支公揸架車出嚟，急急腳咁撲入7仔買幾支飲品，然後又衝入快餐店，「外賣吖唔該」。一拎到外賣，又9秒9跑返上車，全程滾水淥腳趕頭趕命咁，斷估都係趁綵排空檔出嚟買個飯，之後又飛車返去繼續綵排啩，除非唔係。
唔少藝人都趁住萬聖節扮鬼扮馬，大玩crossplay同化「鬼妝」。不過蒼井空決定乜都唔搞，淨係化咗個粉紅色妝，喺眼底寫住「eat me」，仲疑似半祼咁玩自拍，留言同網民講：「萬聖節快樂！」咁驚喜嘅post梗係引嚟唔少網民留言，網民仲話：「eat you」、「真係想食咗你」哇！再講落去會唔會兒童不宜架？蒼老師，係萬聖節唔係萬「性」節喎！
哇，杜德偉個囝囝AJ好得意呀！咪睇佢人仔細細呀，原來都幾揪得!雖然俾個仔打，不過睇吓杜德偉個樣幾鬼冧，呢下真係打者愛也啦!杜德偉做爸爸之後變得好感性，夜晚PO文話：「那個招牌笑容，把我和媽咪Ice都溶化了，然後心甘情願為你換尿布，屁屁還沒擦乾淨就已經又滿足地睡著了，真沒你好氣！」佢仲影低自己幫囝囝換嘅第一塊尿片添！做湊仔公做得咁開心，仲唔快啲乘勝追擊追多個女，湊夠一個好字？
去年，松岡李那狠撇拍拖3年嘅林德信，可能喺香港冇嘢值得留戀，松岡近日返咗日本發展，仲簽咗日本著名嘅經埋人Sky，成為混血女神Leah Dizon師妹，主力喺番日本搵食。佢回歸家鄉頭炮，就係做咗經典雜誌《週刊PLAYBOY》50周年刊嘅model，影咗輯性感三點式，咪心邪，呢本唔係三級雜誌，只係性感㗎咋。失戀都要活得比你好，冇咗愛情嘅松岡，暫時寄情工作先！
上山詩鈉囡囡Hilary貴為最索「星二代」，佢會打算扮咩去慶祝萬聖節呢? 佢就同泰籍男友Gunny齊齊扮嘢，Hilary著住bra top同短褲，一副性感女拳手嘅造型上陣。男友Gunny就以荷里活型男湯告魯斯套經典電影《壯志凌雲》，入面嘅機師造型look咁現身，佢仲戴埋副超chok哂樣，型到爆！Hilary仲講笑話自己同湯告魯斯約會。
食禽檡木而棲，負責無綫不少處境劇的元老編審邵麗琼，本來是曾勵珍愛將，負責過無綫不少處境劇，包括︰《愛 回家》、《愛 回家之八時入席》等，亦是劇集《創世紀》的編審，當年在大台舉足輕重。不過，去年余詠珊之前力撐戰友杜之克，令他如坐直升機，出任助理總經理職務，而大台一班老臣子勢力轉移，邵麗琼更被燉冬菇，故不排她是冇癮離開。不過琼姐好受一班處境劇演員愛戴，所以她離開，徐榮同郭少芸雖然不捨得，但都留言力撐，祝她明天會更好。
今日係Halloween，好多藝人都扮鬼扮馬，許廷鏗約埋藝人朋友，一齊扮鬼扮馬，拍《你在我在》嘅Halloween版mv，有欣宜、林欣彤、陳慧敏、吳若希、 胡鴻鈞、C AllStar、JW、鄧小巧等，真係碌盡人情。許廷鏗仲話呢個mv係自己一手籌備，拍得仲耐過正常版mv，又幾盞鬼喎！
早前韓國人氣節目《Running Man》嘅成員Gary宣佈下車，結束長達6年喺《Running Man》嘅日子。逢星期一錄影嘅《RM》，今日（31日）係Gary最後一次錄影，其中一位成員池石鎮朝早喺Instagram留言：「Gary呀，朝早開始心情就覺得好怪，都係嘅，唔敢相信今日係你最後一次錄影。連個天都好灰暗，好傷感呀。你呢隻嘢，一陣見啦。」
邊個擺低兩隻狗狗係車度呀? 嗱!狗仔嘅主人咪就係Eric Kwok囉。Eric Kwok有馬來朋友嚟香港玩，唔帶佢食「太興」，特登去排「一樂」食燒鵝。香港有好多食肆唔俾帶寵物入去， Eric Kwok就將狗狗放喺車到一陣，仲開晒車俾狗狗抖到氣。臨去食嘢嘅之前，佢仲細心到幫其一隻皮膚有事，所以搽咗藥膏嘅狗狗戴番個頸箍，驚佢舔毛嗰陣食啲藥落肚。排隊連食鵝都要半個幾鐘， Eric Kwok都時不時喺餐廳出嚟昅吓兩隻狗。 話哂係心頭肉，點都緊張啲嘅。如果唔係俾人抱咗去咁點算呀?
相關連結：26年後最正邊個？》 90年亞姐三甲聚頭 施綺蓮大露背 楊玉梅吹唔停 吳綺莉就...http://bit.ly/2ebw4PO 51歲楊玉梅大把人追 拍劇搞生意瓣瓣掂http://bit.ly/2eX2Bu0 90年楊玉梅拎最上鏡同完美體態大獎，依家都咁省鏡，勁喎! 不過，92年同楊玉梅一樣拎最上鏡同完美體態大獎，但係佢就唔似楊玉梅咁keep到咁fit啦! 當年陳綺明選亞姐雖然拎到兩個獎，但並冇為佢打入三甲位置。選完加入娛樂圈，但令人深刻人印象嘅作品就冇乜，反而出席活動上水嗰下露點，到依家都仲有啲人講下。雖然陳綺明個樣都算KEEP得到，但係身形就差啲啲啦!背面睇，有啲虎背熊腰，陳綺明當日穿著花花吊帶裙再加個背囊，呢個造型又好似唔多Match喎 可能陳綺明要去做gym或者瑜珈，所以改孭背囊方便啲啦!
相關連結：51歲楊玉梅大把人追 拍劇搞生意瓣瓣掂http://bit.ly/2eX2Bu0 當年水中露點》又係最上鏡小姐 陳綺明虎背熊腰變師奶http://bit.ly/2eJkbBl 講到選美，除咗香港小姐之外，大家應該都仲記得有亞洲小姐呢家嘢。考一考大家，又記唔記得吳綺莉係邊屆亞姐呢? 佢係1990年亞洲小姐冠軍。當年亞軍係施綺蓮、季軍係楊玉梅，由選到依家差唔多成26年，3個都依家都會出嚟聚下舊，吹下水。感情不知幾好! 三個女人都差唔多成四十幾五十，但係依然KEEP住，個樣同做女嘅時候都冇乜點變。如果呢家再選過，邊個攞冠亞季呢可？你睇下施綺蓮，同老友食飯一樣著到靚靚，大露背夠晒養眼。再點番支煙，女人味仲濃過啲煙味。不過，講到最HIGH嘅一定係楊玉梅，全程手舞足蹈咁，不知幾落力! 咦! 楊玉梅隔離嗰個咪綠葉王梁健平，三娘教子咁。你哋係咪傾緊大計呀? 施綺蓮話︰「佢(吳綺莉) 就嚟生日呀! 」吳綺莉︰「我就嚟18歲啦! 哈哈哈!我哋一出世就識啦!」識咗成27年，真係好好感情，仲久唔久約出嚟聚下，認真高興 !
相關連結：26年後最正邊個？》 90年亞姐三甲聚頭 施綺蓮大露背 楊玉梅吹唔停 吳綺莉就...http://bit.ly/2ebw4PO 當年水中露點》又係最上鏡小姐 陳綺明虎背熊腰變師奶http://bit.ly/2eJkbBl 90年亞姐競選入面，楊玉梅更係雙料季軍，分別拎過最上鏡小姐以及完美體態。呢個獎果然冇頒錯人，時至今日楊玉梅仍然係咁省鏡。 依家佢都有拍下劇，從未間斷過!加入亞視嘅楊玉梅，發展都算唔錯。之後佢亦都有參與拍過唔少電影，當中包括有三級片。不過佢就唔係做脫星，其中一套更加喺同早前網民狂講嘅鍾淑慧合作過。最威水應該係佢未選亞姐之前，同發哥一齊拍《賭神》，連發哥都大讚佢有潛質。做藝人唔可以做一世，所以楊玉梅都有去做飲食生意，發展都唔錯，之後仲跨過界去搞美容生意! 呢個老闆娘個樣keep得咁好，自己做生招牌絕對有說服力! 事業有聲有色，不過感情生活就 據知仲有唔少後生仔追求楊玉梅，話晒點睇楊玉梅都唔似51歲吖!
嘩！好靚呀！讚緊嘅除咗新娘子之外，亦都包括埋阿Kay，唔通你哋唔覺得呢個大肚婆今晚好靚架咩？今晚阿Kay同許廷鏗都有出席美女化妝師嘅婚禮，以藍色露膊連身裙示人嘅阿Kay，外披輕紗遮一遮肚，但個靚樣就表露無遺。聽人講如果大肚婆陀女係會變靚架喎，見阿Kay呢晚咁省鏡，唔知算唔算係對呢句說話嘅印證呢？
小龍蝦襲港》上環店充斥簡體字 新移民老闆：不想談政治http://bit.ly/2eICPsY 一眼分辨》魷魚墨魚八爪魚點樣分？魚檔姐姐教你睇個頭http://bit.ly/2eR9KJu 網民嫌煩嗌收聲》雲海為Viu TV旁白《台灣72小時》惹負評http://bit.ly/2eWiGjQ 一個人入鋪頭揀衫 5歲鄭中基餅印女好精靈http://bit.ly/2eWktoP 3女露營秘史 推介路線醒tips兼爆笑料http://bit.ly/2eIF8w6 淘寶平價5合1切菜器 記者實測：都幾方便http://bit.ly/2enFB41 【動畫】陶傑開Talk》貼地重情報 英首相文翠珊開局好http://bit.ly/2dSxbFq Hiking Girls精選Online Stores 掃盡最強專業與潮流露營單品http://bit.ly/2fsUrdv
歌神許冠傑事隔兩年先開演唱會，緊係好想多啲聽阿Sam開金口啦，不過Sam哥嘅演唱會，佢反而似嘉賓多啲喎。Sam哥經典名曲《印象》同《心裡日記》都唔係自己唱返，俾咗啲名都講唔出嘅新人同糖妹唱。知唔係主辦單位想捧自己友咩，連何傲兒都唱埋 Sam哥嗰份；新人J.Arie都搶埋佢嗰份，唱埋《梨渦淺笑》，Sam哥演唱會變伴唱伴奏。好在《浪子心聲》都係Sam哥唱返，如果唔係，歌迷特登嚟睇許冠傑伴唱有咩分別？旁述：Wendy@USTAR
Viu TV嘅旅遊節目《台灣72小時》，除咗男、女主持，仲有旅遊達人雲海，同個男仔唱雙簧做旁白㗎！不過，班網友對於雲海做旁白，有讚有彈，但另一個旁白，就被插到出血囉。「嗰兩個旁白做乜春？講嘢懶好笑煩住晒。」「個旁白有冇得mute咗佢？」「係咪堅有雲海先？係有我先睇㗎」「兩個主持真係癈到傻的嗎？」「懶文青但講嘢同個弱智冇分別，激到個剪片要搵雲海做旁述寸佢哋。」又真係寸得幾應喎！雲海雖然同Viu TV節目旁白，不過佢個人有嗰句講嗰句。好似之前Viu TV突然抽起八九學運領䄂王丹同港大學生會長馮敬恩嘅節目《跟矛盾去旅行》單嘢，佢就喺facebook都寸爆話︰「Viu TV真正嘅矛盾，就係電視管理層同前線人員嘅矛盾」嗱！呢啲咪叫有吉士囉。點都好，有人彈起碼代表有人睇吖嘛，誠如ViuTV高層金廣誠回覆《壹》仔：「我哋會接受每一個人意見！」 旁述：Wendy@USTAR
早排邵氏兄弟開記招宣佈未來嘅大搞作，大台更派出過百藝人晒冷，就連蘇錦樑局長都有現身支持，喂! 好威威喎!喺邵氏兄弟有份打骰嘅大媽，夜晚就同啲生意拍檔食飯傾合作。成個飯局都講唔夠，樂大媽落樓等車嘅時候，都繼續同人傾。真係秒秒鐘都幾十萬上落。就連許廷鏗都有同樂大媽去飯局，咦? 身邊嘅女伴竟然唔係欣宜? 望真啲，原來係關心妍嘅「易服男」助手阿小，喂喂! 小心樂大媽又嗌去照肺喎! 都係企番開少少先。邵氏兄弟未來有大搞作，有樂大媽之外，又點少得王祖藍呀! 話晒佢同邵氏一齊搞經理人公司，呢晚嘅飯局梗係有佢啦! 王祖藍就話個飯局冇咩特別，只係話傾下劇本。當大家提到依家跟佢搵食嘅藝人都好厲害，李亞男就係一旁偷食，而祖藍就話︰「傻啦! 最重要大家有工開!」祖藍哥，你好嘢呀!
嘩！由頭黑到落腳嘅陳山聰神色慌張，兼亂過馬路，唔係趕住做啲唔見得光交易吓嘛？係就係交易，不過只係趕住去買蟹咋，呢排大閘蟹當造吖嘛。睇吓陳山聰，拎出一疊大牛，睇嚟佢買唔少喎，但佢平時咁落力去keep fit，大閘蟹好唔健康架喎，仲要買咁多添，斷估都係同女友Apple一齊食架啦，唔通自己食咩。買完蟹之後，陳山聰又繼續急急腳走人，入咗一間salon，係咪整頭就唔知，但肯肯定係人有三急，要借廁所先！
日本四國高知縣日曜市，故名思義即是星期日的市集。這市集全長約1.3公里，沿道路擺設了500多個小檔攤，售賣當地農家的農產品、手工品，物美價廉。當然，作為旅者，很多東西也不方便買走，所以最實際的還是能夠吃下肚子裡去的，就如雅霏所推介，高知的蕃茄和即點即炸的天婦羅便是非吃不可！
新婚夫婦最鍾意玩咩？咪就係煮飯仔囉！所以啱啱升呢做人妻舒淇嘅就算落大雨都要去超市上糧。落雨濕濕，舒淇只係T-shirt牛仔褲上陣，貪靚嘅佢除咗孭住個Tote Bag裝嘢，仲手拎住個紅色鱷魚皮手袋，不知幾Sharp。可能天氣唔好，馮太就似乎心情唔多靚，《壹》仔沿路問佢問題，佢都只係全程耷低頭唔講嘢。真係乜都唔講就咁上車，好憂鬱咁。或者可能馮德倫就飛咗去外國拍戲，舒淇煮咗飯都冇人食，咁咪有啲唔開心囉。
眨吓眼余思敏同Ronald結婚都五年幾，甘願做湊仔婆嘅佢，呢日就同個女Emma行街。話咁快Emma已經5歲大嘞！同Ronald餅印一樣，加上一頭留海頭髮，真係好可愛㗎！呢日Emma同媽咪余思敏及婆婆行街， 余思敏見到啲裙仔又平又靚，就同余媽媽起勢揀。不過，Emma已經大個女，有自己主見，佢仲叻到自己一個人入鋪頭揀衫，係呀! 真係自己行入去!咁做阿媽嘅唯有企喺門口等個女係舖頭入面慢慢揀。不過，阿女你揀完都係冇錢買，都係拿拿臨行番出來啦! 之後Emma就拖番實媽咪、婆婆繼續行。買完童裝，余思敏同媽咪一人拖一邊，行去七仔買嘢，余思敏都有買零食俾個女，等佢邊食邊等車，當係獎勵下囉。話咁快！車就到嘞！係時候要返屋企做功課啦!
44歲嘅鄭中基，由蒲精變做住家男，知道老豆鍾意湊孫，Ronald同老婆余思敏就 5年生咗兩個，鄭東漢湊住兩粒孫，玩滑梯坐搖搖船，老人家都變得好生猛，終於可以讓老豆鄭東漢享吓福啦!呢日Ronald唔使開工，就同老豆鄭東漢、媽咪、老婆加埋細妹去淺水灣開餐，當然唔少得帶埋兩個寶貝啦。食飽飽，鄭東漢同Ronald細妹，一人拖一個，出去公園玩，湊孫真係可以令人活力十足，見鄭東漢拖住歲幾嘅孫仔坐滑梯，之後又去玩搖搖船，老人家見架船搖得唔夠勁，仲用力係咁㩒，等兩粒孫可以玩得盡情啲。兩個豆釘喺公園仔放電，鄭東漢就全程跟到實。歲半孫仔未行得穩，呢位爺爺就傍實孫仔，湊仔好辛苦咩? 你睇鄭東漢不知幾enjoy。
【獨家回應】逆市奇葩》6連輸炒樓狂蝕2900萬 士多大王祥哥豁達：我唔肉痛！http://bit.ly/2eORr80 $79.9起KENZO x H&M 11.3搶 過百件足本睇兼醒你潮入手http://bit.ly/2eOU8WY 生日食殘廢餐》34D派大包袁嘉敏 有神秘闊少拆蟹餵食http://bit.ly/2fq2E2r 【動畫】珀麗灣玻璃窗連環爆 點解咁兒嬉 ?http://bit.ly/2e7H8xg 【投USTAR男女冠軍】《BATTLE》即時圍觀All-style街舞！http://bit.ly/2elbSJ1 孖住老公報喜 41歲車婉婉宣佈做媽媽http://bit.ly/2e7CEH8 壹醫醒你》吸食冰毒影響排尿 勃起難過常人兩倍http://bit.ly/2elewhY 香港自給自足有可能？魚菜共生農場 土炮實驗一樣得http://bit.ly/2dQNuTm 螞蟻一掃光 家居防蟻有辦法http://bit.ly/2eSjlCW
PPAP呢首洗腦歌衍生唔少二次創作，今次就到姚晨跳埋一份，順道幫佢有份拍嘅《西遊伏妖篇》做宣傳。見住腹大便便嘅姚晨一手拎住金鋼箍，另一隻手拎著金剛棒，邊唱邊跳：「我有金箍，我有棒，金箍棒！」之後又有兩個男人貼住「西遊」、「伏妖」加入戰團一齊跳。眼見其中一位嘅髮型同身型都跟星爺周星馳有幾分似，當姚晨一除低「西遊」、「伏妖」兩個字之後，就見到徐克同星爺嘅照片。鏡頭一轉就見到星爺和徐克O晒咀望住姚晨跳舞，星爺之後仲講咗句：「黐線」就拉埋徐克走人。咁即係話同姚晨一齊跳PPAP嘅，應該係佢哋二個啦。
沿用《殺破狼2》的班底，由鄭保瑞、黃柏高監製、葉偉信執導、洪金寶任動作導演的《貪狼》今日於曼谷舉行拜神儀式。故事講古天樂飾演的談判專家，因和16歲的女兒吵架後令女兒出走泰國並失蹤，為尋女兒下落，古天樂在泰國遇上了販賣器官的黑幫主腦，期間展開連場追逐、埋身肉搏。由於電影需在泰國拍攝兩個月，不難預計古天樂今個聖誕將在熱辣辣的環境下渡過。另外對於林家棟來說，拍攝的難道不在天氣，而在言語，因為作為總統候選人幕僚的林家棟，又豈有不懂泰文之理？都他身邊的盧惠光隨即回應：「好爽！」即泰文「我教」之意。
籌備婚禮真係好忙架，又要影婚紗相呀訂酒席呀咁，女人仲要忙多一樣嘢添，係咩？咪就係減肥囉！不嬲好有肉地嘅白雲都要決心減肥，唔係點可以同準老公江俊霖喺瑞士影靚靚婚紗相呀?有部份仲玩埋電影主題，又幾好Feel 噃! 不過話時話，白雲真係瘦咗好多，點減嘅先？原來佢打咗幾個月架喇！不過呢日見行得幾急，係咪去準備結婚啲嘢呀？白雲︰「今晚有outdoor的party」佢仲表示最近都忙緊大台新劇《不懂撒嬌的女人》。其實而家泊到個好碼頭，老公有學歷又有家底，疊埋心水做個幸福少奶奶都得啦！」
男人結咗婚，真係去咗另一個境界。好似Jason陳智燊就係人辦啦！呢晚佢同老婆宋熙年去wine & dine玩，留咗鬚嘅Jason型咗又man咗，在場好多人都鍾意。佢喺呢個攤位買完啤酒後，就一直俾人夾住走唔到，一個影完又一個，受歡迎程度，唔弱得過財爺喎！講吓呢個財爺都俾面嘅美酒佳餚巡禮，今年幾熱鬧o架，規模係歷年最大，唔怪得吸引到陳生陳太拍拖嚟嘆酒。
黑仔姜皓文縱橫演藝圈30年有凸，實力梗係有返咁上下啦，唔係點喺呢行撈咁耐呀，仲要產量多而質素唔差添！講產量，呢幾年黑仔拍落嘅戲真係好多，唔計電視劇、綜藝節目，淨係電影，一五、一六兩年都拍咗成廿二部咁多呀！講質量，有啲戲係叫好又叫座架；就算唔係，黑仔嘅演出一啲都唔收禮，交足貨俾觀眾架！但一個咁有實力嘅演員，獎？未攞過。提名？憑一一年嘅《奪命金》被提名過一次「最佳男配角」咁大把。如果唔關實力事，只能夠話佢真係有啲「黑仔」，唔係點呀？
41歲嘅車婉婉同同澳洲籍老公Johnathan結婚3年，一直都好恩愛，今日佢就喺網上宣佈︰「感謝神! 一個奇妙旅程之開始，終於可以和大家分享我們的喜悅！多謝一直以來關心和支持我的家人、朋友、仲有傳媒朋友，我們Q氏會一切小心，努力將BB 照顧好，感謝各位的祝福，愛心滿溢！」 佢老公仲好搞鬼咁錫住肚皮，再加埋車婉婉口擘擘表情，成張相搞笑得嚟又好溫馨。車婉婉近呢個月都以鬆身衫示人，早喺月頭《壹》仔就見到車婉婉同一名男性朋友喺鍾鑼灣出現。當時婉婉就以披肩遮肚，加上現場人流多，男性朋友就好細心傍實婉婉，話晒婉婉粗身大細，加上又是高齡產婦，去人多嘅地方搵多一個人陪，穩陣啲好。
嘩，袁嘉敏琴日32歲生日，送大包派街坊，媽呀！「鵝」頂唔順喇！生日揀咗出海慶祝嘅袁嘉敏，火辣辣大晒34D好身材，大包派街坊多角度任睇，真係好 好 勁呀！原來有個闊少陪出海慶生，唔怪得袁小姐咁風騷啦！闊少唔只陪出海，32歲生日，袁嘉敏話：生日，就是要有人服侍我食大閘蟹！呢個願望，實現咗喇！闊少拆袁嘉敏隻蟹 唔係唔係，闊少拆蟹俾袁嘉敏食，係sweet嘅。再睇番袁嘉敏派嘅大包。咪住，佢個大包上面塞咗啲乜？露點？放大睇吓先？原來係太陽眼鏡框，冇事冇事，繼續睇大包啦！「嗰個唔係我男朋友，其實我仲係單身。但係好開心生日嗰日有時間搞遊船河同游水。」
恭喜恭喜！「神獸天使」白雲同前港男江俊霖（Kelvin）拉埋天窗啦！佢哋今晚會喺洲際擺酒，不過呢對新人竟然搵嚟一對過氣情侶做姊妹同兄弟！邊個？咪係黃子恆個緋聞女友朱晨麗同前港男李晉強囉！喺咁幸福嘅婚禮到重遇，都咪話唔尷尬。白雲仲搵嚟陳芷尤做伴娘，而司儀就係近期惡搞《PPAP》好成功嘅黃建東，亦邀請咗好多藝人嘉賓，包括：Coffee林芊妤、艾威、黃榕、蔡慧欣同甜筒輝等等，陣容好鼎盛。而一對新人嘅婚紗相照亦喺日前曝光，除咗有正經嘅浪漫婚相之外，仲有搞鬼版本。佢哋特登飛咗去瑞士到影婚紗相，見到佢哋喺雪地到拖手錫錫，不知幾sweet。著住低胸婚紗嘅白雲仲大騷事業線，但最噴血嘅應該都係佢張泳衣相，身材好到爆！玩完浪漫，就梗係玩吓啲破格嘢，佢哋仲影咗輯以「電影主題」為主嘅版本，大玩唔同造型，搞笑又甜蜜。
早幾日係羅樂林女婿，黃宗澤個健身教練陳志健生日，竟然喺一間舊文具店度慶祝，好有懷舊氣息。不過原來係舞台劇場景嚟嘅！生日日子適逢佢同九十年代索主播魏綺珊做緊舞台劇《地下文具店》，所以生日P亦順道喺場地度攪。呢個劇現場仲同觀眾好多互動，置身懷舊文具店嘅場地，好有集體回憶。冇做新聞主播嘅魏綺珊，多年嚟孖住舞台界資歷厚嘅老公陳文剛攪劇團「糊塗戲班」，今次呢個就係佢哋最新之作，伙拍懷舊氣息嘅「銀之文房具」，炮製別開生面嘅環境劇場。《地下文具店》由本月25號開始，至到下月6號，曾經係呢位索主播嘅粉絲，記得去捧場嘞！
哇! 柳俊江同老婆、囡囡行街好溫馨呀! 點知 ..個防盜起勢響。哎呀!其他人一遇到呢啲情景真係好尷尬，何況柳爺仲要有咁多人識!先頭都有見阿囡同柳爺一齊去排隊俾錢，咁可能係誤鳴，搞到柳爺左摷右摷都唔知咩原因。就算去到HMV都係一樣情況，哎呀! 柳爺係咪太有磁性，去到邊嗶到邊，連見慣世面嘅柳爺都俾啲防盜搞到抖大氣。都係去啲冇咁多人嘅地方避一避，點知今次又到老婆引起其他人嘅目光
5人女子組合Super Girls11月喺九展開騷，呢排佢哋落力排舞。Wow！同班型男跳貼身舞，又黐住起勢咁un，睇都肉緊啦，跳嗰個㷫烚烚都正常嘅。唔怪得提起班有型嘅男dancers，佢哋勁high，你一言我一語︰「佢哋係好有型，好高，好大隻，同埋佢哋好有戲，令我哋好投入，好似佢哋真係好鍾意我哋咁 好似我哋好吸引，其實係我哋好鍾意佢哋至係。」又話︰「慾火焚身 真係慾火焚身 乾柴烈火。」So Hot！
搣甩50磅肥肉嘅苟姑娘，狀態終於返晒嚟，而且桃花仲好旺盛添，唔係又點會多咗個柴可夫男友管接管送喎！咪睇佢依家好幸福呀，其實佢之前為咗泊個好碼頭，屢戰屢敗，好難得先成功架！遠嗰啲唔講，近近地，講返呢半年啦。苟姑娘呢半年入面嘅緋聞男友真係多到不得了，好似清洪契仔巫翊鳴咁，據知苟姑娘好主動出擊架，但男方一見到苟姑娘就彈開九丈遠，啲啲機會都唔俾女方；跟住就係好姊妹朱璇嘅男友湯珈鋮，呢鑊苟姑娘真係恨仔忙到出晒面呀，連好姊妹男友都唔放過，夾硬撬，勁狼死！牆腳唔成，苟姑娘就轉冧經濟發展及勞工局前局長葉澍堃細仔葉瀚華，但結果都係 唔成功！不過，喺軔性呢方面，真係要俾啲掌聲苟姑娘！屢戰屢敗，屢敗屢戰，最終減肥成功之餘，仲fight低正印兼無綫主播張頌恩，以小三之名搶到錫礦大王後人陸恭和，真係要講句恭喜恭喜！但係陸恭和出名鍾意溝女星，為人所知嘅就有應采兒、官恩娜呢啲，至於無浮上水嗰啲EX有幾多，就真係佢自己至知喇。祝你好運啦苟姑娘。
「肥苟」？Bye Bye你條尾！有請「索苟」正式歸位！「索苟」一返嚟，仲即刻拍到個好碼頭添，但點解要一條友行街咁慘慘豬嘅？最近成日同男友出雙入對嘅苟姑娘，日前好難得咁單拖現身中環shooping。著到全身黑色，仲係鬆身衫包到冚，凍呀？定係減到塊面，未瘦到個身呀？講笑啫，苟姑娘之前嘅「水桶腰」、「麒麟臂」，而家統統唔見晒，明顯係瘦身成功啦，而且塊面尖返，就算淡妝出巡都已經夠晒省鏡。呢日苟姑娘全程都戴住handfree邊聽歌邊行街，期間走入一間高級文具店買心意咭，又捉實店員問呢問路。之後發現記者就戴返副超，然後摩打腳走人。其實，摩打腳唔係為咗避記者，而係因為男友揸住架benz嚟接佢，佢趕住上車交人啫。
熊黛林尋日突然宣佈同郭可頌簽字結婚，原因係婚期由9月開始一直押後，直到尋日，郭可頌終於忍唔住喇，突然建議尋日即結，咁啱佢哋一check，尋日又真係吉日喎，所以今日阿Lynn咪戴住婚戒現身囉。之後被問到係咪開始不設防造人，阿Lynn都好大方咁話準備好生B，仲話老公仍然好支持佢婚後繼續工作，直到有BB先開始減少喎。但做咗人妻之後嘅阿Lynn明顯收起性感，係咪老公唔likey呀？「少少啦有時，但最緊要係靚，佢有時都會：『嘩，咁性感架？』好似一般男性咁，deep v少少都覺得性感，但佢又會話：『算數啦，咁靚。』」果然係愛妻號，Any肥，恭喜晒郭太，祝你連生貴子。
都市傳說》老麥茄汁藏暗碼？食客發現：8號最好食http://bit.ly/2dOlb7Z 教育局一年亂揈$13億 「野雞」治療師亂嚟錢照收http://bit.ly/2eO1lJU 梁思浩祝母女平安 40歲陳彥行：而家唔諗遲啲冇http://bit.ly/2fdE991 豪語錄》唔敢過份期待 麥秋成：同蔡思貝靠身體語言http://bit.ly/2dOjOpY 【獨家有片】買手扣 + 情趣制服》等老公撲火 胡杏兒詐嬌 : 俾我買埋先啦！http://bit.ly/2ei5r9i 瑞興猛人設靈》瑞興麻雀館創辦人 係呂樂得力助手http://bit.ly/2e3UMSl 養顏佳品》黑杞子抗氧化超勁 花青素比藍莓高20倍http://bit.ly/2eM4Qxu 又學又拎免費送Lipstick 教畫完美大熱霧面唇妝http://bit.ly/2ei3ObP
唔知大家心目中嘅歌神係邊個呢？Eason陳奕迅？但係佢可能認為，阿Sam許冠傑先至係真･歌神喎，日前仲化身小小fans去阿Sam嘅演唱會添。梗係啦，阿Sam作為「香港流行音樂祖師」，帶起粵語流行曲嘅潮流，唔只Eason，就連譚校長都話：「我可能係好多人心裡面嘅偶像，但我嘅偶像只得一個，阿Sam，真架，係真事嚟！」之後譚校長仲捉住佢偶像合唱一曲《是雨？是淚》。另外，講本土、講貼地，有邊個啲歌夠阿Sam嚟呀？佢依家就68歲，佢首《加價熱潮》都已經37歲，但點解，一首1979年嘅歌，到今時今日都好啱聽、好反映到香港現況嘅？唔會聽到2046都仲有同感啩
陳煒同老公傳咗N次婚變，但佢去台灣拍嘢嗰陣，老公有去酒店搵佢，阮兆祥仲踢爆佢哋搞到半夜三更。夫婦嘅嘢，局外人唔明咁多啦！近呢幾年陳煒同老公顏志行，香港、台灣兩邊分開住，陳煒仲話慣咗用whatsapp同老公溝通。遙距婚姻又唔代表感情差喎，每次老公返香港，陳煒一定親自買餸，入廚餵飽佢。之前陳煒去台灣，為佢個飲食節目《煒哥的味道》拍外景。喺台北開餐廳嘅老公，特別去台南陪佢兩日。老公主動幫拖，要求做陳煒嘅節目嘉賓，一齊做煮飯仔真人騷。老公覺得佢做嘢辛苦，特登帶埋有機菜嚟探班，打蔬菜汁俾佢飲。而家節目反應好，方丈已經決定拍第二輯。陳煒希望可以去越南，因為佢爸爸係越南華僑，佢自細就食好多越南食品，對呢個地方有情意結。
