< 返回

Simon指出,他看過的價單之中,木工的差額最大,最易中伏:「木工方面可以相差一倍,例如一個高櫃,我認識比較平的公司可能千五蚊一呎,設計公司可能三千蚊一呎。」他解釋,因很多設計公司不會將設計費獨立列出在價單內:「好多時設計費就會平均放喺各項數字,有時就會放木工,有時都唔知係幾多!報價嗰時,如果唔將設計費分拆,收咗幾十萬都唔知!」

除了將設計費混入木工收費外,近日不少網民都向他反映,最近就有不少裝修公司,向他們銷售E0板,指為新式貴價材質。市民不知就裏,就會「中伏」!

所謂E0,其實是一套甲醛釋放限量等級的環保標準,其中以E0的甲醛量就最少。但Simon指出:「政府係無監管嘅,所以係唔係E0板,有一個灰色地帶。好似有機菜咁,如果政府無監管,間間都可以話佢啲菜係有機。」

他解釋,本身樹木所存的甲醛含量其實很少,只是加工過程令甲醛含量上升:「因為塊板係E0,但黐咗木皮、或者噴上焗漆之後,仲係唔係E0,依個係可以好取巧。」他更指出其實不少平價素材都不會釋出甲醛,有公司就用這一點將材料包裝成「高檔貨」,再向客人銷售:「其實佢唔係一款成本好高嘅嘢,但睇到出面好多傢俬舖就會抹黑一啲裝修公司,話嗰啲係夾板係黑心木,有甲醛,依啲E0板就好優質,其實就唔關事,因為E0板成本根本就唔高。」

選擇E0板就是不是最好?Simon就指,由於E0板不含粘合劑和防潮劑,本身沒有夾板「食力」,防潮能力亦較低,不適合在廚房廁所使用:「要睇番實際需要,而且除甲醛可以直接搵人整,唔需要全屋換E0板。」

採訪:梁延宇

攝錄:關永浩

本身是解決兩性問題的NLP(身心語言程式學)導師Simon(鄧世民),三年前在一次裝修後,才發現不少細微位有甩漏,之後更與設計公司溝通出現問題。於是他決定在Facebook成立「裝修中伏大全」專頁,向網民分享防伏心得,之後更全職幫市民配對裝修公司及舉辦「防伏班」,現時已經成功配對三百個個案,他列舉市民常遇到的三大裝修謬誤。

謬誤一 找商場舖「夠穩陣」

現在網上都有不是室內設計公司,有不少人都認為商場店「開正門口做生意」,會較有信心,但Simon就說不少人因此中伏:「有好多有舖公司都俾人投訴過,亦有好多無舖都有人讚賞,最後都係要睇老闆重不重視自己公司商譽,以及做得好唔好有無有人知。」

「我經常都同戶主講,去比較的話,搵商場舖係無問題嘅,網上又搵一啲,你有比較的話先知道整體市場係點,話有舖就安心啲,依啲都係情意結,通常都係中伏嘅。」他指出,不少店舖都會要求客人先下千多元的訂金,他指若「傾得埋」,不必介意支付:「但你唔會俾十間千幾元去比較,你都需要去參考公司過往的作品,如果覺得ok,你問佢問題佢又答得到嘅話,ok就俾訂金。」

謬誤二 人工貴 裝修費要加

建造業總工會公布,2016/17年度加薪的16個工種平均加幅7.75%,有網民向Simon表示,有設計公司報價時向他反映因裝修工人加薪,要在價格上反映。Simon就指:「供求係雙方嘅,供應方面,師傅費係貴咗,但二手住宅市場係俾政府凍結,唔多唔少都會影響佢哋加價速度。」他舉例指,四百呎單位,一般非豪裝,不包面料、傢俬,包大眾化廚櫃,參考價大約需二十萬,找設計公司就貴兩、三成,大約二十五萬起。而建造業工會都會公開各工人薪酬水平:「有時貴咗,就有可能係將設計費計咗入去。」

謬誤三 找設計師一了百了

不少傳媒都會報導設計師的家居佈局吸引市民,但Simon就指:「設計師係將自己嘅設計概念放入你間屋,如果自己本身都好多諗頭,我就唔建議你搵。」他認為自己首先要知道自己想要怎麼風格:「例如想做工業式,同擺設好有關係,你唔會同設計師傾自己會擺啲乜,到時出嚟效果就同啲圖好大分別。」

他就遇過因為顧客自己有很多意見,但又找設計公司設計,最後發生衝突,他建議找設計師時一定要想清楚:「公司提供啲乜服務,啲嘢係唔係自己想要,以及做出嚟有無依個效果,都要考慮清楚。如果自己有好多主見,就應該搵一間工程公司,將自己意見或者參考圖去呈現出嚟。」

採訪:梁延宇

攝錄:關永浩

 

唐樓一般呈長方形,雖然實用率不錯,但間隔設計已經不合時宜,例如主要窗戶被房間佔用,客廳沒有窗,令屋內採光不足;加上有一個天井可以讓外面的人看到屋內情況,所以設計師Eric說今次要替單位間隔進行「大兜亂」﹗

進行改造的單位屬低層,位於灣仔一幢樓齡達四十多年的唐樓。單位實用面積485呎,有兩間房間;窗戶被房間佔據,令客廳缺乏自然光。二十多歲戶主夫婦希望屋內設計簡約耐看;女戶主更有一項特別要求,便是想有一個日式風呂。不過,在原本的圖則裡,浴室空間不足夠,所以Eric首先決定把廁所跟面積較大的廚房位置對調,讓浴室可以增設一個小風呂;原來的廁所便變成開放式廚房,跟飯桌連貫,增加空間感。

同時,男戶主又不太喜歡浸浴,所以Eric把洗澡的位置一分為二,一半供女主人浸浴,另一半空間可以供丈夫淋浴,以流線形矮牆分隔;水龍頭也有兩個,滿足兩位要求。Eric有這個建議,還因為環保原則,「日式風呂設計內角是直角,每次用很多水,不是太環保;如果是一個人用,不如縮小浸浴空間,足夠令一個人坐在裡面,但又用較少的水。」小風呂呈梯形,面積大約是7至8平方呎,相信未必可以容納身形較「大隻」人士,說是女戶主「私家風呂」不為過。

工程單總金額:623000
清拆:32000
水電:94000
水泥(包括油漆):206000
木工:275000
雜項:16000
代購傢俱:180000

撰文:王敬蓮
攝錄:梁建平

相關連結:
【400呎唐樓變身】客廳倒轉做主人房 為避呢樣嘢
http://bit.ly/2r1gN8l

相關連結:
【裝修點使76萬●附價目表】又推又拉改間隔 黃埔450呎單位打造單身中女天堂
http://bit.ly/2ontxZs
__________________________
《壹週刊》周二時事頭條:
【好有火•侯強寸爆牙擦簡】面對面攤牌狂轟 簡Sir:我坐監只係冇女人
http://bit.ly/2pWdQ8Z

《壹週刊》周二娛頭 :
【甩李思捷有運行】春卷約會「億萬富豪」 ︰識咗六、七年
http://bit.ly/2q6Z8Lv

推開走廊門,來到與浴室合併後的房間。原來走廊門左側的陳列架背後另有機關。設計師將儲物室的掩門變成陳列架,不但提升空間及實用性,還方便戶主擺放生活照及擺設。而將兩房合併後,由於客廳比較細,活動空間比例相對不合理,於是Clifton決定拆去廳、房之間的間隔牆,利用部分房間的面積加設儲物室。

由於戶主不時都會邀請友人到家中小住一、兩天,故要求設計師於房間放置兩張床。但顧及私隱問題,Clifton決定加設磨砂玻璃分隔。在浴室與單人床之間的間隔牆,特意用了白色磚砌成的弧形牆,與客廳的電視背牆互相呼應。

至於房間家具不多,Clifton亦特意訂造大型衣櫃來放置衣物,他指出:「成個衣櫃設計都係浮起,因為成間房空間感唔大,想地下有更加大嘅空間,我就決定將衣櫃浮起。同埋櫃嘅門鉸係船用嘅handle,可以鎖起,同市面上嘅衣櫃唔同。」

採訪:梁延宇
攝錄:關永浩

相關連結:
【裝修點使76萬●浮起衣櫃】兩房變一房 偷位變大廳 女戶主睡房放多一張床
http://bit.ly/2pstVpI
__________________________
《壹週刊》周二時事頭條:
【好有火•侯強寸爆牙擦簡】面對面攤牌狂轟 簡Sir:我坐監只係冇女人
http://bit.ly/2pWdQ8Z

《壹週刊》周二娛頭 :
【甩李思捷有運行】春卷約會「億萬富豪」 ︰識咗六、七年
http://bit.ly/2q6Z8Lv

紅磡的黃埔花園是九龍區名牌屋苑,加上鄰近港鐵站,是成交量較多的十大屋苑。不過單位屬長和系早年最愛的「鑽石型」,廳堂三尖八角,而且客廳只有單邊窗,令採光嚴重不足。年約4,50歲的屋主,「好捨得」豪花七十九萬元,請來設計師解決單位先天缺憾。

這次介紹的單位位於高層H室,實用面積450方呎。設計師Clifton指,香港不少屋苑均為鑽石廳,要設計得較舒適,沒有那麼多角,就要由多方面入手。首先他拆去原來電視背牆,又於窗前加設結合坐位與抽屜的家具,闊度與新建電視背牆的角位一樣,無形中減少鑽石形廳的角位。

Clifton特意選用活動式家具,由於單位只有女戶主一人居住,這類家具就大大提高客廳空間,他表示:「唔需要時可以收埋,需要先至拎出嚟,好似個鞋櫃咁,可以直接推開,唔洗開關。而餐枱一樣係推入式,當有客人嚟先至推開,慳位好多。」

至於採光方面,單位的家具除了添加燈泡,以加強採光外,Clifton更大膽地將廚房間隔牆拆走,變成開放式,讓客廳更為光猛之餘,更加拓闊客廳視野,而兩邊窗更可發揮對流作用,令空間更見通爽。

工程價目表
清拆:46800
泥水/磁磚:117000
油漆:102960
水電:195000
木工:280800
玻璃工程:24336
合計:766896

採訪:梁延宇
攝錄:關永浩