< 返回
  • 受阿爸影響 周國豐迷戀英式紳士look
  •   19,651 views │ 2017年03月18日
    留言()

 

比起林作更早放棄做大律師的周國豐,早在三年前已進軍零售業,代理多個全人手製作、每張幾十萬起跳的高級皇室床褥。今年初,Brandon(周之洋名)再下一城,於中環一商業大廈最頂兩層,開設一間集西裝、鞋履訂製,並配上理髮連同酒吧的一站式男士服務概念店。

平日西裝骨骨的Brandon,坦言未出國讀書,已對西裝產生興趣。「可能受我爸爸影響,佢對服裝、lifestyle都好講究,好細個成日見佢著好多靚衫,又教我好多唔同嘅嘢,譬如點樣打領呔呀、點樣揀一套合身嘅西裝呀!」Brandon說。

去到英國讀書,返學要著西裝,接觸多,研究自然更多,由布料、剪裁到品牌,無一放過。當日周啟邦間接令Brandon愛上西裝,如今身為人父的他,又有沒有為兩個囝囝訂造西裝,順勢培養他們這方面的興趣?「做西裝?佢兩個太細啦,亦都大得好快,我覺得咁細個唔使著西裝住!」Brandon透露自己平日大多以西裝見人,兩兄弟偶然出於好奇,向他要求打呔或者袋巾,其中四歲細仔Alastair(禮熙)對衣著打扮有要求過人,「佢好鍾意著唔同costume(服裝),仲好執着每一個detail,咩顏色、點樣襯,四歲,無人教佢,又無人同佢講,唔知佢係咪遺傳咗我爸爸呀!」笑得一臉滿足的Brandon說。
熱門新聞
  • 【攞公屋住一世】300呎間3房全部雙人床 預埋個仔娶老婆 141,398 views
  • 【攞公屋住一世】全屋住4人用盡300呎 盡用空間好多暗格 25,415 views
  • 【蝸居宅急變】地拖變Dior 家居創意達人Queenie屋企勁多蠟燭 25,017 views
  • 傳態度差棄用鄭俊弘 陳家樂執二攤演《逆緣》冷凍人 22,948 views
  • 【夫家百億資產】嫁陳樹渠兒子15年 港姐李明慧當街冧咀老公 21,422 views
  • 【咁都無仔溝】90後靚女求愛悲歌 渴望扭蛋機出幾個男友 20,139 views