< 返回
  • 【拒扮大牌】導演要求跑足兩日 任賢齊︰係咪想跑死我
  •   12,758 views │ 2017年03月18日
    留言()

 

今次任賢齊拍《樹大招風》,同新晉導演合作,任賢齊覺得他們講故事手法都同以往好唔同。「我覺得新導演佢有佢講故事的方式,我又不知他點剪,唔知佢有咩舖排。未來嘅電影係呢啲新導演掌握的方向,我們都要了解新一代的人點睇戲,佢地係點講故事。」

小齊同過不同導演合作,當中更有鼎鼎有名的杜琪峰,不過小齊並冇恃老賣老,反而會提下意見,希望務求做到好作品。「新導演可能沒有什麼經驗,面對我們的大牌演員,有好多經驗,我唔會強制要求導演要就我、聽我,我都會提出意見,睇佢點解要擺出呢個鏡頭,所以係互相成長同學習。」

不過佢就指出不少新導演都遇到同一個問題,唔夠Budget,同時又要拍好多鏡頭,導致最後超出預算。小齊話︰「新導演有時驚漏呢個鏡頭,情願拍多些,但你手上冇呢個資本,拍唔到幾多,你要自己諗清楚,取捨好多。」

小齊諗起佢拍《樹大招風》時候,其中一場佢追車嘅畫面,令他印象非常之深。因為當日小齊跑足兩日,小齊更忍不住問導演︰「我問導演,你要到咁多個咩?你想跑死我呀?」雖然辛苦,但係小齊話知道導演想要某一下嘅心情爆發,依家佢諗起都覺得好好笑又好玩,仲話唔介意同新導演合作,因為相信佢哋都係明日之星。
熱門新聞
  • 【夫家百億資產】嫁陳樹渠兒子15年 港姐李明慧當街冧咀老公 20,752 views
  • 傳態度差棄用鄭俊弘 陳家樂執二攤演《逆緣》冷凍人 20,130 views
  • 【咁都無仔溝】90後靚女求愛悲歌 渴望扭蛋機出幾個男友 19,281 views
  • 【當年爭餐死】李明慧生龍鳯胎成下半場大贏家 17,732 views
  • 【強國客優先】行李箱塞爆茶記門口 大媽:天光擺到晚黑 15,181 views
  • 【名人底褲陣】名設計師何國鉦霸路 浴簾加孖煙通攔路人 15,128 views