< 返回
  • 拍拖一個月即散 原來許亦妮是小三?
  •   32,001 views │ 2017年03月18日
    留言()

 

吓!許亦妮同圈外男友朱先生咁快玩完?一個月貨仔咋喎!明明早排《壹》仔仲見住佢哋好似兩公婆咁,喺九龍城買水果返屋企吔,而男方仲好gentleman,幫許亦妮開車門添。估唔到而家已經 「完了吧,好無意外。」

是咁的,2月份,《壹》仔見到許亦妮同班Friend social緊,直到佢走嗰陣先發現,原來朱先生都喺現場,換言之即係帶埋男朋友出嚟見人啦!

之後二人坐住朱先生嘅紅色戰車,去到九龍城買水果,驟眼睇,十足十一對小夫妻買飯後果。不過,朱先生電話突然響起,仲鬼鬼祟祟咁行埋一二邊陰啲陰啲咁聽。許亦妮揀揀下生果,發現男友唔喺身邊,又行到舞雷宮咁遠講電話,面色即刻變晒,仲昅到實一實,然後一副落寞嘅表情,再擰轉頭扁晒嘴。當朱先生眼尾瞄到許亦妮出緊嚟,又即刻反方面閃咗去。

買完生果,兩人行去拎車,許亦妮似乎係到逼供,之後成程路又零交流,但朱先生只需要gentleman少少,幫女友開車門,許亦妮即刻笑返晒。

二月被影到一齊,而家就已經分咗手,歷時短短幾星期。或者,開始嘅時候就已經係一個錯誤,事關《壹》仔收到風,其實許亦妮係小三嚟架,所以當時同朱先生傾緊電話嘅,極有可能就係正印,難怪當時二人都咁緊張啦。
熱門新聞
  • 【結婚6年無所出】47歲陳松伶無私奉獻 領養殘疾孤兒︰老公衝破心理障礙 69,859 views
  • 【阿太搞殯儀】入行初體驗 無啦啦被打 大火後幫客認屍:味道似叉燒﹗ 67,010 views
  • 【阿太搞殯儀】不滿揦西行家:屍袋笠住走 壽衣都唔幫人著 57,585 views
  • 【殯儀阿太】三個孩子不同姓 與前度屬好友 殯儀阿太:不會說他們父親不是 55,139 views
  • 【中港媽火爆對決】小童爭執惹中港媽互片:豬狗不如 53,781 views
  • 【《天師執位》大粒癦】消失幕前20年 廖駿雄收買佬變環保木匠 49,406 views