< 返回
  • 【《真情》演員去晒邊?】黃智賢終成大台小生 彭子晴keep得好賣保險
  •   51,207 views │ 2017年03月21日
    留言()

 

85歲嘅容姨(譚倩紅)無再拍劇,反而為啲慈善敬老活動唱粵曲籌款,咁以前同佢合作咗千幾集《真情》嘅演員,又去晒邊?做緊咩呢?舊時《真情》嘅演員,有啲仲會幫大台拍吓劇,有啲已經離開咗呢個圈。

容姨個仔阿海(黃智賢),大家實知啦,早排《親親我好媽》咁受歡迎,加上佢幫大台拍落嘅劇仲有幾部未上,實認得佢。而當年喺《真情》入面爭阿海嘅兩位靚女──雙雙(羅霖)同彩瑤(張慧儀),而家都變晒美魔女,而家仲一齊拍緊《深宮計》添。

喺大台老是常出現嘅,仲有容姨嘅事頭叉燒炳,即係劉丹。佢繼續喺TVB拍處境劇,晚飯時間打開電視就會見到佢架喇;叉燒炳老婆善姨(李司棋),近年喺大台嘅代表作就係《溏心風暴》系列,而家亦為《溏心風暴3》開緊工。

善姨細妹好姨(薛家燕)唔使講啦,逢禮拜日晚都見到佢孖住黎小田做主持,但佢個仔立生(盧慶輝)呢,由《真情》入面嘅高大靚仔醫生,變成一個禿禿地嘅土豪味中佬,喺內地娶咗個有米富婆,經營房地產生意,不過上年佢都有返大台幫手客串《賭城群英會》。

老公現老態,但老婆阿靜(彭子晴)依然keep得好好,已經43歲嘅佢,無論樣定身材同當年差無幾,著住熱褲仲成個芳華正茂嘅少女咁,聽聞佢轉咗行做保險。

仲有 真係想講都講唔晒!
熱門新聞
  • 【結婚6年無所出】47歲陳松伶無私奉獻 領養殘疾孤兒︰老公衝破心理障礙 69,863 views
  • 【阿太搞殯儀】入行初體驗 無啦啦被打 大火後幫客認屍:味道似叉燒﹗ 67,023 views
  • 【阿太搞殯儀】不滿揦西行家:屍袋笠住走 壽衣都唔幫人著 57,591 views
  • 【殯儀阿太】三個孩子不同姓 與前度屬好友 殯儀阿太:不會說他們父親不是 55,146 views
  • 【中港媽火爆對決】小童爭執惹中港媽互片:豬狗不如 53,815 views
  • 【《天師執位》大粒癦】消失幕前20年 廖駿雄收買佬變環保木匠 49,409 views