< 返回
  • 【木村嫂搞散完SMAP玩嘢?】「唔會記得人哋生日」 工藤靜香IG挑釁發言激怒草彅剛fans
  •   15,656 views │ 2017年07月15日
    留言()

 

一支減肥能量棒,點解搞到草彅剛的SMAP fans狂鬧木村嫂「冇常識」,甚至要木村嫂道歉?

咁就要由7月9日草彅剛43歲生日講起。當日木村拓哉老婆,前Idol工藤靜香在自家Instagram公開了一張食物相,內有黑豆零食,有機菜汁,同埋令草彅剛fans有好多聯想的「一本滿足能量棒」。

「這些,在studio長期工作時非常有用!」工藤靜香的caption本來都是一般開心share, 不過這日正好是草彅剛的生日,「一本滿足能量棒」,正好是草彅剛連續拍足7年,日本人一定看過的能量棒廣告,廣告中的滿足棒舞,直情陪住90後,00後成長。

老公前隊友生日當天share隊友的招牌廣告item,SMAP fans也對這個一直傳為搞散SMAP元兇的木村嫂好感度UP!「原來係祝賀剛君生日」「唔通係木村主意?」SMAP fans都主觀願望,在post內留言,討論木村嫂的善意。

不過工藤靜香親自把美事變壞事。兩日後,她刪除之前的能量bar post,在一張自家製食物帖上如此解釋刪帖的原因:「人哋嘅生日唔記得」「對因我純粹偶然而高興的人士,表達我不想有言語誤會的心情。 」賀老公前隊友生日,no way!

主動招來公關災難,輿論覺得她擺明挑戰草彅甚至SMAP fans。Fans的瘋狂留言,隔住個芒都睇到憤怒:

「工藤静香さん最低。何より木村くんのファンが可哀想!(工藤靜香最差!木村的fans非常可憐!)」

「なんでケンカ腰なの(做乜撩交嗌?)」

「工藤の特殊能力は 誰かに別の誰かを憎ませること(工藤擁有討人厭的特殊能力).」

草彅剛生日當天,一向有fans在twitter(日本人愛用twitter多於fb),IG發其代言多年的能量bar帖祝壽,連同木村撞樣而出名的藝人元木敦士,都拿著SMAP名曲《世上唯一的花》的CD和能量bar送祝福。有藝能記者就公開批評她作為藝人專業,意識極低,「就當她真係偶然post了能量bar相,故意逆fans這樣留言解釋很不pro!」「就算不知對方生日,不說句『原來這樣....恭喜!』這類社交辭令,對曾和老公甘苦與共的草彅剛講成『人哋嘅生日唔記得』,也實在太過冷漠!」

沒有無緣無故的恨,為何木村嫂這次失言會被鬧翻天?留意下一則。

相關連結:
【結婚分黨派】木村變討厭叛徒 工藤靜香令SMAP五子決裂
http://bit.ly/2tpci7U

由偶像4天王到劣化女王 工藤靜香索爆醜爆相大放出
http://bit.ly/2tVAO2b
29年兄弟,唉!
日本高登(2channel)留言:故意講真話,實在太白痴。
日本高登(2channel)留言:佢似係連老公生日都唔記得!
故意挑釁,木村嫂咩心態?
木村揸住能量bar同隊友慶生?sorry囉這個是A貨,細正版10幾年嘅藝人元木敦士。
草彅剛呢個廣告系列播足7年,木村屋企無電視?
熱門新聞
  • 【醫生與您】心房顫動與中風 87,181 views
  • 【住院片首度曝光】5歲女Hanna抹腳餵飲水 劉華喊住感激朱麗倩:佢一路等我企起身! 69,490 views
  • 【天皇都無面俾】Hanna 台下塞耳 劉華激氣:係得你一個唔理我㗎咋! 50,645 views
  • 【第一次見】劉華受傷後仍親自抱女 一家三口齊齊整整同fans過56歲生日 35,109 views
  • 【生意●劏場女超人】師奶連租北角死場14舖 自製百貨街谷返人流 34,131 views
  • 【生意●業主力撐】萬五蚊已租起14間舖 水樽榨汁機賣5千部 32,700 views