< 返回
  • 【那些年的壹週刊●多圖】盤點歷代火辣「晶女郎」 邊個真正索?
  •   16,309 views │ 2017年08月10日
    留言()

 

撇開近年的跪共行徑,不可否認王晶對電影界,至少是九十年代的電影界,貢獻良多。王晶拍過咩好戲,閣下不用搜尋,只需記得,因為有王晶,出現了「晶女郎」,造福萬(男性市)民。

晶女郎的formula,簡單過乘數表:靚女 X 豐滿上圍 X 性意味劇情,最重要就係挑起道德爭議同觀眾熾熱情緒,萬試萬靈。當年因此捧紅的邱淑貞、朱茵、關秀媚,都係如此倒模製作出來。

王晶眼光好?我話當年壹仔的編輯眼光仲好,其實一眾女星成為名副其實的晶女郎前,已經為壹仔拍下不少令人心跳加速的性感相。

22歲邱淑貞 潔身露T back
晶字頭代表作:1992《赤裸羔羊》、1993《香港奇案之強姦》

呢輯出現在第22期《壹週刊》的泳裝相,真係彌足珍貴。事關當年豆豆就算拍王晶的《最佳損友》、《精裝追女仔 3》,都係一件頭泳衣止步的青春玉女形象,在葉青霖鏡頭前的豆豆,竟然出現三點式加濕身透T back泳褲,性感圓潤臀部在濕T恤下若隱若現。之後豆豆真正行性感,已經係1992年拍《赤裸羔羊》玩全裸遮三點了。

【那些年的壹週刊】19歲吳綺莉三點式露43吋長腿 完勝萬綺雯
(http://bit.ly/2wvsLdf )

【那些年的壹週刊】她們都是飛雲 重溫芙蓉坊「海潮」、李嘉欣壓軸
(http://bit.ly/2uItZRW )

35D朱茵 紅衣小精靈
晶字頭代表作:1999《強姦2之制服誘惑》

朱茵首度出現在《壹週刊》,時為1993年,當年22歲的她因為初演電視劇《都市的童話》(男主角係林文龍)同《逃學威龍 2》而初露頭角,一下子成為新晉女星中最耀眼名字,擁有35D上圍的她當年未有大賣身材,但在攝影大師張文華操刀下,身穿低胸背心的朱茵玲瓏凸,依然好有睇頭。

論朱茵成名作,點都係1995年拍《西遊記》做紫霞仙子、以及同年同郭富城在澳洲拍攝音樂特輯時身穿三點式,真材實料上圍曝光橫掃全港娛樂版。至1999年以「星女郎」身份拍王晶《強姦2之制服誘惑》,其實一件衫都無少到,最大尺度,不過係件女童軍制服之嘛。

24歲關秀媚 玩重口味
晶字頭代表作:1999 《強姦4終極篇之最後羔羊》

雖然關秀媚已經淡出影圈,但每逢提起晶女郎,她都必然是榜上三甲人選。講到底,在不少男士眼中,關秀媚都係索女級數,但她一直走搞笑路線,等到1999人年,才真正憑著《強姦4終極篇之最後羔羊》行性感路線。只可惜套戲太爛,關秀媚再落力都救唔到,整套電影最有睇頭的⋯⋯就梗係張家輝啦。

性感不成,回歸搞笑,講真,關秀媚於《黑馬王子》和《千王之王2000》拍住張家輝做搞笑情侶檔,係最好睇的。

【那些年的壹週刊】「芙蓉坊」勁多靚女圖 22歲張敏榮登創刊號
(http://bit.ly/2tFV9aO )

【那些年的壹週刊】認人時間!崔嘉寶、張沅薇「史前」性感相絕密出土
(http://bit.ly/2tFMAg5 )

漏網晶女郎

陳法蓉
晶字頭代表作:1990《賭俠》、《靚足100分》

陳法蓉雖然從未行過性感,但她卻是100%的晶女郎,至少由當年《賭俠》做打女「龍九」,至《賭城群英會》搞到要同荷蘭叻做情侶⋯⋯,陳法蓉都係王晶賭片鐵腳。

Maggie Q
晶字頭代表作:2002《赤裸特工》

係,其實Maggie Q係做過晶女郎的,2002年王晶監製《赤裸特工》,就係想捧Maggie Q 行性感打女路線,男主角仲要係吳.彥.祖,成套電影鬼聲鬼氣,唔講以為係西片,只可惜票房不佳,Maggie Q 同王晶的緣份都係只此一次。而家,Maggie Q 同吳彥祖都在荷李活佔一席位啦。

下集預告:沐浴巨星

撰文:牧戶池
呢個甫士好惹人遐想。
令豆豆背後大解放,當年只有壹仔有呢種能耐。
雖然遮遮掩掩,但係依然有睇頭。
在攝影大師張文華操刀下,身穿低胸背心裙的朱茵玲瓏凸,依然好有睇頭。
既是「星女郎」又是「晶女郎」,應該只朱茵一人。
關秀媚出現於《芙蓉坊》時為1990年,她當年不過24歲。
操刀的是大師葉青霖,玩全黑皮氣加鎖鏈廢鐵背景,重口味不失性感。
作為最索的短髮港姐,當年24歲拍《芙蓉坊》的陳法蓉,同今年51歲對比,其實真係keep 得好好。
陳法蓉雖然在電影中從未行過性感,但她卻是100%的晶女郎。
1999年,Maggie Q仲係鄒世龍旗下Starz People模特兒,未同謝霆鋒、陳冠希傳緋聞、未拍《特警新人類2》,所以,仲會肯幫壹仔影下泳裝相,只此一次咁多。
1999年,Maggie Q仲係鄒世龍旗下Starz People模特兒,未同謝霆鋒、陳冠希傳緋聞、未拍《特警新人類2》,所以,仲會肯幫壹仔影下泳裝相,只此一次咁多。
熱門新聞
  • 何雁詩強迫棄養 鄭俊弘用倒鈎鐵鏈綁狗 235,818 views
  • 鄭俊弘把口話狗仔好乖 為氹女友將愛犬送走 42,906 views
  • 鄭俊弘被雪零收入身材暴漲 買嘢搵何雁詩埋單 37,012 views
  • 【人神共憤】鄭俊弘用倒鈎鐵鏈綁狗 何雁詩網上回應:我是狗癡⋯唔係好明發生咩事 27,071 views
  • 肉腿回春 56歲葉蒨文轉look陪鬚根老外 27,048 views
  • 多災多難 何雁詩戀鄭俊弘連阿爸都唔撐 25,344 views