< 返回
  • 劉佩玥陳瀅擔正欠叫座力 馮盈盈抆煒哥香香衫尾有運行?
  •   18,421 views │ 2017年08月11日
    留言()

 

《果欄》監製梁材遠,同時兼任大台製作部經理,今次劉佩玥甘冒得罪大粒嘢嘅風險,都要接拍《跳躍》做女二,會唔會搏咗啲呢?

首先,無論係以製作經理身份做策畫,定係以監製身份,材叔都有好多經典大熱作品,好似《情濃大地》、《茶是故鄉濃》、《酒是故鄉醇》、《金石良緣》、《守業者》、《為食神探》等等等等。而且鍾嘉欣、馬浚偉、鄭則士、黎耀祥、陳展鵬、鄭嘉穎等等,全部都係材叔御用演員,阿Moon聽聽話話嘅話,隨時可以喺呢班前輩身上學到唔少嘢,兼抆衫尾上位。

其次,雖然《跳躍》監製方駿釗都編導、監製過唔少佳作(《封神榜》、《九五至尊》、《宮心計》、《大太監》、《收規華》、《一屋老友記》),而且《跳躍》又係馬德鐘時隔三年再拍嘅大台劇,都相當有吸引力。但睇睇女一原來係陳瀅,叫座力好似欠奉喎。定係阿Moon想同好姊妹一齊拍劇,所以先咁決定咋?

相反,馮盈盈喺《學是學非》入面生鬼又有可塑性,而佢又係話題人物,好多時都能夠成為網民討論對象(如主持《後生仔傾吓偈》時),所以材叔二話不說加佢戲份。加上馮盈盈試完造型之後個個都讚sharp,同楊明又會有感情線,真係隨時彈出都話唔埋呀!難怪早前喺造型會上,佢已經被安排企喺主角煒哥隔離啦。

相關文章:
【心急上位】劉佩玥臨時甩底新劇 馮盈盈執二灘
http://bit.ly/2vSn8rJ
熱門新聞
  • 【離婚分身家】汪子琦苛索2.4億 富婆Laura:一蚊都唔會俾佢 67,475 views
  • 瘦身梁頌昕行性感 晒迷人pink bra 34,809 views
  • 【挑戰細絕九龍新盤】70呎客廳變睡房加工作間 設計師警告:兩個人住太屈就! 34,794 views
  • 【前度個個都靚】29號結婚請前度出席喜宴 鄧健泓:我未問李施嬅! 34,451 views
  • 陳國邦5歲女出處女碟 陳禛影cover秒速換pose好熟手 32,859 views
  • Laura不再注資 向海嵐跟汪子琦轉形式合作 29,600 views