< 返回
  • 人母蔣怡火辣短裙出動 4歲女遺傳阿媽黑膚色疾走溜冰場
  •   21,304 views │ 2017年09月14日
    留言()

 

就算個女已經4歲,佢自己都40歲,但蔣怡依然係咁索咁窈窕。其實除咗身材外貌keep住無變之外,蔣怡嘅膚色亦都一樣,一樣咁黑,而且囡囡似乎都遺傳咗媽媽嘅黑珍珠基因。

早前《壹》仔喺又一城見到蔣怡一家現身,原來係去溜冰。咪睇蔣怡一直以嚟都係健康膚色,就以為佢好鍾意做運動曬太陽呀,其實佢喺《康熙來了》講過自己唔好運動架:「(可是你也沒有熱愛運動這件事?)沒有熱愛運動。」所以呢日family day去溜冰,只有老公同囡囡兩個落場,蔣怡就坐埋一邊撳電話打發時間,唔知佢係咪睇緊烹飪相關嘅嘢呢,話晒係人都知佢對煮食有興趣之餘亦有研究,曾經去外國讀過9個月廚藝課程,早排又去咗學整點心,最近仲忙於搞飲食同網上節目添。

至於囡囡雖然遺傳咗媽咪嘅黑膚色,但比起媽咪就相當好動,同爸爸喺溜冰場玩唔停,有時仲會一枝箭衝走咗,撇低爸爸。後果咪就係好容易仆親囉,但佢又好乖女唔會喊嘅。

玩到又攰又餓,走嗰時趁爸爸去拎車,兩母女咪買啲嘢食醫肚先囉。
熱門新聞
  • 【拍拖兩個月】52歲韋家雄閃娶銀行之花:個仔戥我開心 64,762 views
  • 【獨家】全城最期待情侶狗年再合體 古仔宣萱:我哋有十年冇聯絡 59,363 views
  • 【新郎不是我】簡慕華宣佈喜事 戚其義苦兮兮搵女陪 46,056 views
  • 【封面●九巴奪命車禍】揭無第三者保險 九巴亡命人禍 44,726 views
  • 【快問快答●必睇】同宣萱互窒笑唔停 古仔:你講到我好似係你條仔咁! 42,390 views
  • 【九巴奪命車禍】重傷患者開腦清瘀血 家屬怒轟:呢個肯定係人禍 35,565 views