上集《辣警霸王花》，有岑麗香、欣宜、崔碧珈以性感造型擔正，更搵來幾位姐仔客串，包括Jessica.C、鄧麗欣、楊思琦等，今年《辣警霸王花2》再開拍，繼續搵來大班靚女飾演「霸王花」，為咗應付多場槍戰打鬥戲，真槍實彈上場，演員們都不敢怠慢，喺開拍前先做足準備功夫，接受教練一連串射擊特訓！

日前劇組現身葵涌碼頭為電影拍攝連場爆破及槍戰場口，為咗製造逼真的槍林彈雨效果，電影公司事先特別安排演員以真槍發射空彈拍攝，可見製作非常認真！當Jeana同唐文龍埋身隻揪時，身手敏捷嘅Jeana用腳跨過對方頭頂再「撻生魚」落地繼續打！