< 返回
  • 有仔萬事足 蘇永康:而家係人生最快樂階段
  •   2,982 views │ 2017年10月07日
    留言()

 

阿公蘇永康49歲先嚟做爸爸,生咗個蘇蝦仔叫Jazz蘇展弘。有仔萬事足嘅佢接受節目ViuTV《interviu》訪問,談及湊仔樂事,更即場示範換片餵奶!

現時阿公話家庭係佢人生的首位,坦言係太太的愛改變咗自己:「太太唔單只令我決定再婚,更由冇生育計劃變成願意博一博!因為太太話有小朋友先係完整嘅家庭!點知真係博到,小朋友係上天俾我的禮物。」

做人老豆之前,《壹》仔隔幾日就見到阿公現身中環置裝,不過而家有咗小朋友就好少見到佢喇,因為佢忙住湊仔:「之前阿仔未戒飲12點夜奶,都係我親自餵。每日瞓醒我就行埋去抱抱佢、臨出門口做嘢又抱抱。如果要我講人生邊個階段最快樂,我覺得就係而家!」

講到小朋友嘅將來同教育,阿公會唔會係一個「虎爸」呢?佢話:「早喺個仔出生第二天,我就叫朋友拎海外升學章程來參考喇!至於會否想個仔將來同我一樣玩音樂,睇我蘇蝦目前嘅發展,我相信唔超過三歲就會知道,我係feel到佢對音樂有感覺架!」
熱門新聞
  • 【港女最驚係呢種】男人話請去旅行 港女唔肯驚人呃蝦條(足本版) 55,022 views
  • 【男友想夾硬】唔俾就威脅分手 港女唔識拒絕:但我唔想咁快囉(足本版) 51,378 views
  • 【經典●五角苦戀搞到正印自殺】林青霞做雙重小三Out走蕭芳芳亦傳尋死 遭毒咒唔敢嫁秦漢(足本版) 45,818 views
  • 【壹經典●富豪娶姊妹為妻】髮妻裘錦秋空難亡 邱德根轉娶姨仔生三子(足本版) 38,478 views
  • 【天價公屋放租】懲教職員萬六蚊呎掃天價公屋 再叫租1萬回報有5厘(足本版) 32,071 views
  • 【陶傑點醒港女】想嫁有錢有樓靚仔 港女比白雪公主更虛幻(足本版) 31,143 views