< 返回
  • 誕兩子收服花弗洪天明 周家蔚一家四口享受家庭樂
  •   30,694 views │ 2017年10月09日
    留言()

 

眨下眼洪天明已經喺娛圈打滾咗廿幾年,雖然人人都認得佢,但就諗唔出佢有咩代表作,反而會聯想起佢老豆洪金寶,甚至前度徐子淇。當年有傳洪天明因為花弗,導致同徐子淇分手,不過自從2012年同周家蔚結婚,以及連生兩個仔之後,洪天明修心養性咗勁多,除咗努力搵錢,就係陪屋企人。

2000年因為劇集《新鮮人》,洪天明同徐子淇撻著,但男方年少氣盛,不甘為一棵樹放棄成個森林,繼續四圍識女仔。直至周家蔚同埋兩個囝囝嘅出現,收服咗天明嘅心,令佢變成一個愛國愛家嘅好國民、好老公、好爸爸,頻頻北上搵真銀,為養家就連40幾度扮孫悟空都無say no。至於其餘時間佢都留晒俾屋企人,長假就四圍去旅行,短假就去又一城shopping。

呢日大仔洪大仁、細仔洪竟琋雖然跟住爸爸媽媽行足半日,但都好乖豬冇扭計無嗌攰。見兩個仔咁乖,天明兩公婆都好識do,臨走嘅時候買雪糕做獎勵。周家蔚都真係一個細心又體貼嘅老婆嚟架,見到老公髮箍就嚟甩,佢就幫手戴返好。平時買餸煮飯又會預早問老公想食啲咩,想老公捱完一日返到屋企係舒服同開心嘅。

呢家人咁恩愛,難怪有傳天明仲想追多個女啦。如果係真,睇嚟佢要減少工作,兩公婆多啲見面至得喇!

 

相關連結︰

舊患復發停工休養 洪金寶幸福湊孫
http://bit.ly/2fUYwWg
熱門新聞
  • 【港女最驚係呢種】男人話請去旅行 港女唔肯驚人呃蝦條(足本版) 55,022 views
  • 【男友想夾硬】唔俾就威脅分手 港女唔識拒絕:但我唔想咁快囉(足本版) 51,378 views
  • 【經典●五角苦戀搞到正印自殺】林青霞做雙重小三Out走蕭芳芳亦傳尋死 遭毒咒唔敢嫁秦漢(足本版) 45,818 views
  • 【壹經典●富豪娶姊妹為妻】髮妻裘錦秋空難亡 邱德根轉娶姨仔生三子(足本版) 38,478 views
  • 【天價公屋放租】懲教職員萬六蚊呎掃天價公屋 再叫租1萬回報有5厘(足本版) 32,071 views
  • 【陶傑點醒港女】想嫁有錢有樓靚仔 港女比白雪公主更虛幻(足本版) 31,143 views