楊潮凱做完《天與地》少年版陳豪後多咗人識，拍劇機會多咗，由二打六做到有角色，開始捱出頭。佢同初戀女友拍拖11年，喺13年結婚，今年造人成功，32歲嘅佢出年做老豆喇！

呢日晨早9點幾喺將軍澳寶琳嗰間麥當勞，見到戴住cap帽嘅楊潮凱同老婆排隊買早餐，佢手上仲拎住壺中藥。佢老婆睇落唔同咗樣，見佢摸住凸出嘅肚皮，揉來揉去，目測已有咗5個月。老公掛住玩手機，佢老婆冇詐型，只係keep住挨落佢膊頭，撒吓嬌。唔講大家未必知，楊潮凱老婆係佢嘅初戀女友，阿凱17歲就同佢拍拖，拍咗11年，13年結婚。佢老婆係教書Miss，結咗婚4年，今年造人成功，恭喜晒。

相關文章:

【《使徙行者2》不死卧底】入行8年 楊潮凱擔正做男一

http://bit.ly/2g1FGwR