< 返回
  • 【豪語錄】【姊妹情不深?】與衛詩感情一直不好 衛蘭:原來大家不是那麼Close
  •   17,398 views │ 2017年11月10日
    留言()

 

衛蘭與衛詩,係真正嘅Twins,外型及聲線都好接近,好多人話Twins會有心靈感應,兩姊妹應該感情好好。Janice坦白地說:「其實唔係㗎,之前我哋感情不嬲都唔係咁好,尤其我哋兩個入咗行之後,發現原來大家唔係咁close,同埋成日都俾人比較,變咗好自然大家好似要互鬥,但當我們都有同樣信仰,大家都會去接受,原來自己係獨特嘅,我同你係唔同嘅,都係特別,當了解咗呢一樣嘢嘅時候,大家嘅相處好咗好多。」

想當年,黎明刻意將Janice同Jill分開發展,仲指明一個唱慢歌,一個唱快歌,唱情歌嘅Janice大受歡迎,主力唱快歌嘅Jill好多時被比下去。「係呀,所以我都明白我妹妹,好似成日都做咗我影子,其實佢本身自己好獨特,真係聽我哋歌嘅人會分得出我哋把聲,可能一開頭聽就覺得好似,其實真係有啲分別,同埋佢有自己好叻嘅地方,佢自己有整首飾,又識彈琴,佢係好有才華嘅一個人,我亦都好感恩可以兩個一齊相處,因為令到我哋可以乜嘢都分享。」

入行咁多年,Janice最迷失喺邊段時間?Janice說:「最迷失就係我妹妹出咗事之後,但係咁多年後睇番,我真係好感恩發生咗呢件事,因為其實去到咁低潮就會遇到神,同埋遇到衪嘅時候,會發現就係需要呢樣嘢,可能就係要去到咁迷失先至可以清楚見到佢,因為當我喺一個好安全、好舒服嘅地方嘅時候,就覺得唔需要衪,覺得自己咩都搞掂,但當你見到自己脆弱嘅一面,你個心會去尋找更深嘅嘢。」

相關新聞:
【豪語錄】【個唱決不減磅】一直都有人追 衛蘭:我唔會求其同一個人一齊
http://bit.ly/2yKByNr

【豪語錄】【想同Leon合唱】唱多兩年離開 衛蘭:呢一刻如果唔做都ok
http://bit.ly/2ztMb6d
熱門新聞
  • 【壹經典●富豪孤獨生活】一個人坐17人飯桌 四叔落寞大電視撈飯(足本) 56,111 views
  • 【獨家直擊Soho撐枱腳】48歲唐文龍認追sexy楊柳青(足本版) 53,288 views
  • 【月入4萬被質疑特別服務】貨Van女神大反擊: 我可以做到飯都唔食(足本版) 52,057 views
  • 【壹經典●富二代讀書成績】名校李家誠高考不如人意 經濟地理會計全肥佬(足本版) 47,048 views
  • 【壹經典●搵北京代母】家傑家誠搶生男孫 第三代接班人暗戰(足本版) 32,533 views
  • 【200磅肥妹變索妹】9個月減70磅 示愛表白被拒決定「最甜美的報復」 27,988 views