< 返回
  • 大嘥鬼再次抽撃霆鋒 17歲縫針潮文都出埋
  •   12,100 views │ 2017年12月04日
    留言()

 

早排謝霆鋒出席米芝蓮晚宴唧朱古力嘅片被網民瘋狂洗版,唔單止張敬軒、鍾舒漫都拍番條片向佢致敬,就連其他網民都有樣學樣。不過,霆鋒話冇人明白佢,唔緊要! 日子都係要過,話咁快佢今日就飛咗去北京為佢嘅飲食節目《鋒味》舉行記者會。今次佢仲去到唔同地方尋找美食,再搵埋唔少好友同全世界嘅頂級廚師進行廚藝比賽。

另一邊廂,政府推廣惜食運動嘅「大嘥鬼」又再一次出撃,喺fb 貼圖呼籲大家唔好浪費食物。「大嘥鬼」個造型同場景都似足霆鋒當日唧朱古力嘅情況,仲有個大字寫住「LEMON」真係畫公仔畫出腸,仲有行細字話「再次抽水合作夥伴」。

對上一次「大嘥鬼」已經抽撃過霆鋒整咗底淋嘅雞蛋仔,引來大班網民激讚。今次「大嘥鬼」不負眾望再嚟抽多一次︰「但係絕世秘技非一日可以練成呢,相信Chef Lemon都面對過無數失敗先可以去到今日嘅成就。所以各位朋友仔,千萬唔好人做你又做,為咗學到絕世秘技而浪費食物呀!如果咁都唔明,我就無計了。」

連霆鋒個句世人唔明白佢嘅句子都出埋,真係一啲都冇浪費! 而「大嘥鬼」啲Hastag亦非常精彩,包括「沒有嘗試過的人生都想嘗試一下」、「酒精直接倒在傷口上 」、「給自己縫針不喊不哭」、「在場的人震驚了」等等。以上hastag嘅句子,就係出自一篇關於謝霆鋒17歲拍電影時受傷並自行縫針嘅潮文。有網民留言大讚「縫針單野都抽埋!!」,「大嘥鬼」都好客氣回覆話︰「有人識貨就好了 #他知道哭是沒用的」。
對上一次,大嘥鬼已經抽過一次水
今次大嘥鬼再次抽撃,唔少網民都話最期待的畫面出現了
霆鋒懶理大家,已經飛去北京為節目做宣傳
大嘥鬼 Facebook page
熱門新聞
  • 【啜爆陳茵媺】老婆一拖三返加 陳豪難離難捨機場抱緊些 (足本版) 73,722 views
  • 【煉成絕世好老公】陳豪為仔女月花10 萬租南灣 陳茵媺:咁都比較吃力! (足本版) 46,040 views
  • 【經典●五角苦戀搞到正印自殺】林青霞做雙重小三Out走蕭芳芳亦傳尋死 遭毒咒唔敢嫁秦漢(足本版) 41,511 views
  • 【壹經典●富豪娶姊妹為妻】髮妻裘錦秋空難亡 邱德根轉娶姨仔生三子(足本版) 34,288 views
  • 【天價公屋放租】懲教職員萬六蚊呎掃天價公屋 再叫租1萬回報有5厘(足本版) 30,528 views
  • 【每日壹爆●IG騙財賤狼隊】欠債30萬碌爆卡收恐嚇電話 90後女護士夢碎:我自殺過三次(足本版) 27,694 views