< 返回
  • 【大台封殺令】 張繼聰開live玩劇透:繼續支持《誇世代》!
  •   12,872 views │ 2017年12月05日
    留言()

 

因為老闆蕭定一同大台有官司,搞到張繼聰無辜被拉落水。大台落令封殺,不過張繼聰依然落足牙力幫新劇《誇世代》宣傳。冇得參予宣傳活動,張繼聰唯有開Facebook live 呼籲粉絲支持新劇。

「希望大家可以繼續支持誇世代啦,同埋都唔洗太傷感啦,搞到我好似要隱退娛樂圈,絕對唔係啦!咁我黎緊都會有好多戲上映,都會繼續拍戲,咁希望大家可以繼續支持我啦!同埋睇多啲誇世代啦,好鬼好睇架黎緊,唔係講笑,又感情呀!咦!睇到囉囉攣啦,你想唔想日日八點半都囉囉攣吖?一路睇,一路唔⋯⋯唔⋯⋯唔咁吖!」

叫大家睇劇都未夠,張繼聰仲玩埋劇透。爆埋walking 黎緊嘅報仇大計。

「Walking 黎緊會大開殺戒嘅,咁就⋯⋯等緊我殺人?係呀!報仇吖嘛,喺呢個殺人嘅過程,會掀起一幕幕高潮,亦都可以話係同其他角色產生好多互動。真係好好睇!真係好睇!因為黎緊可以話峰迴路轉,你以為walking 報唔報到仇呢?佢身世又點樣呢?真係可以話逐層逐層搣出黎比大家睇,好好睇!」

玩live 玩足成晩,連老婆謝安琪都做粉絲睇埋一份,點知比張繼聰發現,叫佢專心楂車。

「亦都睇到有一位叫謝安琪嘅小姐喺元朗嗰邊嘅,咁希望呢位小姐可以專心做返自己野,揸車就揸車,唔好掛住睇人地啲live 喇!老婆!如果你而家睇緊個Facebook lI’ve, 咁你就明點解會蕩失路喇!揸車唔可睇野架。會犯法架,你慢慢揸,小心揸。或者停埋一邊睇埋先囉。」

聽到老公咁講,謝安琪應該冧曬喇!之後又有人關心張繼聰會唔會再為囡囡纹身?「係有咁嘅打算,但最近拍緊戲要連戲,等啲戲拍完會諗下啦!都會紋啲啲嘅!」
熱門新聞
  • 【鮮肉放題】《愛回家》吳偉豪 爆肌激戰出水芙蓉楊秀惠 70,942 views
  • 【坎坷身世大起底】苟姑娘嫁二奶仔 38,395 views
  • 【紅顏元配宮心計】超級富豪各擁紅顏 元配為身份死忍到尾(名單逐個數) 37,031 views
  • 【外傭姐姐有副業】港佬FB分享外傭賣淫 女僱主:濃妝短裙在外過夜要報警 29,272 views
  • 【富豪經典私竇】呂志和人老心不老 曾伴2妙齡女出入酒店 26,113 views
  • 【嫁入富豪家族】苟姑娘未婚夫 繼承遺產有八分一(附遺囑睇) 24,207 views