< 返回
  • 江湖大佬朋友多 陳惠敏孫仔西貢周圍走冇有怕
  •   0 views │ 2017年12月18日
    留言()

 

陳惠敏無喺江湖打滾好耐,近年正職係湊孫。呢排天氣凍,佢帶埋老婆同孫仔去歎shabu-shabu。不過上一秒仲見孫仔智峰坐定定,下一秒已經唔知閃咗去邊,原來去咗撩女仔,真係人細鬼大。

一行三人,老人家加小朋友,6點鐘早啲食晚飯是常識吧。不過孫仔仲細未識欣賞shabu-shabu,簡單食飽咗之後就托住頭四圍望,最後都係忍唔住出咗去抖抖氣,同後生時嘅陳惠敏一樣咁好動。

陳惠敏兩公婆唔係怪獸家長咩都擔心一餐,全程無跟實孫仔,眼尾都唔望一眼,依然好淡定咁坐喺度歎美食。

其實又真係無嘢好驚,陳惠敏紮根西貢,一家住喺嗰度好多年,同呢區街坊好熟絡,加上孫仔社交能力強,同附近舖頭嘅人好熟絡,所以咪走咗去搵燒臘檔嘅長髮姐姐吹水囉。而且人仔少少又好有分寸,到時到候會自動波返餐廳報到,難怪陳惠敏食得咁放心。
熱門新聞
  • 【藝人離開娛圈做緊乜?】李中寧 張沅薇 鄭艷麗腳踏實地值得尊敬(足本版) 76,212 views
  • 【藏獒神話不再?】神犬大陸流落街頭 香港不乏愛獒名人(足本版) 56,324 views
  • 【禮頓再爆醜聞】狂漏水獨家片 揭84億港珠澳天幕變水舞間 專家:長遠影響結構(足本版) 41,997 views
  • 【壹經典●富豪父子吵大鑊】林建岳瞞老豆林百欣收購 一夜負債百億(足本版) 40,122 views
  • 【藏獒被棄大帽山】不再千萬身價瘦到皮包骨 狗義工:養之前要三思(足本版) 37,439 views
  • 【總理食女唔找數】上環有個樓上私竇 食完鬆中環被貼搶眼街招 (足本版) 34,483 views