|
陸詩韻自從做美容生意出自家品牌護膚品後，經常都會試唔同嘅美容方法，早排去台灣，就唔理俾人眼望望，喺當地試線面。 陸詩韻事前做晒資料搜集，佢話：「其實線面係中國同東南亞一帶嘅古法美容技術，用一條線去除面毛，可以激活皮膚，減慢皮膚老化，以前新娘出嫁前，會特登做一次線面，有大吉大利嘅意思。以前聽人講話線面好痛，我好忍得痛，所以第一次做就唔多覺。我嗰日做咗20分鐘，埋單都係70蚊，好抵。」陸詩韻皮膚又白又滑，都係平日護膚做得好，連線面都敢試，真係為靚乜都得。
更多新聞
熱門新聞
|
