< 返回
  • 【酒駕闖禍】父母落禁足令 陳喬恩執包袱被押回竹北老家
  •   15,446 views │ 2018年01月10日
    留言()

 

陳喬恩舊年喺內地賺咗8.3億台幣(約2.1億港元),賺到錢人梗係開心,開心就會飲吓酒,不過,佢就喺2018年開始無耐就闖禍喇!陳喬恩今個月4日凌晨酒駕闖紅燈被交通警捉到正,酒測值0.67,以10萬台幣交保,之後就俾佢人生最怕嘅媽媽帶返竹北老家,台壹守候咗五天四夜佢都足不出戶,就連全家外出,陳喬恩都只係留喺屋企,應該係閉門思過緊。

台壹直擊陳喬恩交保後,先由爸爸揸車載佢返台北市中正區嘅屋企,傍晚再由父母、哥哥陪同下出門,眼神空洞嘅陳喬恩坐上酒駕嘅白色Mini Cooper,不過,司機係佢哥哥,而媽媽就拎住陳喬恩啲行李上陳爸爸車,一家四口分兩架車直返竹北老家。返到老家後冇再出去,直到第二日,陳爸爸自己揸車到附近嘅菜攤買菜、買魚及兩大包海產,雖然女兒闖禍,不過,平時忙到好少返屋企嘅陳喬恩難得可以留喺屋企,做阿爸嘅當然想個女食得好。

六日下午,陳爸再開車載陳媽與哥哥一家三口到苗粟南庄老街,一家人行得開心,獨欠陳喬恩一人,睇嚟係被媽媽落咗禁足令,要佢乖乖留喺家悔過。八日下午,陳喬恩嘅大嫂揸咗佢架醉駕戰車出門,喺呢個咁敏感嘅時刻,竟然喺便利商店捧出一箱啤酒,但睇佢單手拎得輕鬆,應該只係用啤酒箱來裝配貨品而已。

台壹曾經打過電話俾擔任陳喬恩經紀人嘅哥哥陳嘉偉,台灣手機暫停使用,大陸電話不接。陳喬恩本人電話也始終未接。記者以簡訊詢問他倆:「是否被母親禁足在家悔過?有喝大嫂搬回家的那箱啤酒嗎?」但至截稿為止,都未獲回應。
熱門新聞
  • 【港女最驚係呢種】男人話請去旅行 港女唔肯驚人呃蝦條(足本版) 53,590 views
  • 【男友想夾硬】唔俾就威脅分手 港女唔識拒絕:但我唔想咁快囉(足本版) 49,931 views
  • 【經典●五角苦戀搞到正印自殺】林青霞做雙重小三Out走蕭芳芳亦傳尋死 遭毒咒唔敢嫁秦漢(足本版) 45,261 views
  • 【壹經典●富豪娶姊妹為妻】髮妻裘錦秋空難亡 邱德根轉娶姨仔生三子(足本版) 38,009 views
  • 【天價公屋放租】懲教職員萬六蚊呎掃天價公屋 再叫租1萬回報有5厘(足本版) 31,884 views
  • 【每日壹爆●IG美人計騙局】性感美人計曬銀紙名牌 快錢黨劏青少年錄音曝光(足本版) 29,787 views