一連三場嘅衛蘭《Oh My Janice世界巡迴演唱會2018香港站》終於揭幕，一身白色連身裙，中間繫上黑色蝴蝶嘅Janice，出場時清唱半分鐘首本名作《My Love My Fate》，緊接一班舞蹈員上台跳住舞陪佢唱出《I Don’t Know I Don’t Care》及《我想愛就愛》，全場high爆！

據知，開騷前幾天氣溫急降，搞到Janice病咗，雖然係咁，但冇影響佢嘅心情，仲話就算病咗，都會盡全力演出！睇佢開騷呢晚，唱得咁好，就知佢已經好番七七八八，仲有兩場唱，Janice，加油呀！