< 返回
  • 【好鍾意小朋友】30歲江若琳嫁37歲蕭潤邦 計劃婚後即造人
  •   15,109 views │ 2018年02月14日
    留言()

 

Elanne今年先30歲,有冇諗過咁快嫁?她說:「真係無諗過,因為之前男人令我失去好多信心,所以點解呢幾年遇到咁多大事都係自己一個捱過去,有幾年時間甚至乎覺得自己一個生活得好好,反而遇到一啲唔好嘅男士,係令到你更唔快樂,我做咩仲要增加呢啲壓力俾自己,我已經好大壓力,直至遇到佢,我先至覺得原來可以有個咁好嘅人,咁善良嘅人,我覺得自己真係遇到佢之後,先至可以將人生交俾佢,同埋我相信會好幸福嘅。」

Oscar自己又點睇?「對我嚟講唔算早結婚㗎喇,我唔係話要set好邊個時間要結婚,或者邊個時間要做啲乜嘢,因為我覺得人生最好玩就係唔知道下一秒會點,我做緊快餐店兼職暑期工嘅時候,唔知道將來會做咗歌手,當我做咗歌手嘅時候,唔知道會做咗飲食業,去到同佢一齊,唔知道識咗十幾年嘅朋友會變做老婆,所以我覺得無嘢係估到嘅,對我嚟講,今年至同佢結婚都已經係遲咗,因為我覺得係幾快樂嘅,互相分享大家生活,所以我唔覺得早嘅,我覺得遲咗,應該一早就分享吓大家嘅生活,不過都唔遲嘅。」

結咗婚後,會唔會婚後不設防,快啲生BB呢?Oscar說:「我哋好鍾意小朋友嘅,但係我哋會安排好晒所有工作,因為當懷孕之後,都要好長時間休息,希望佢嘅工作安排到有空檔,再進行呢件事,對佢同個BB都可以多啲時間休息。」Elanne又說:「係呀,我哋都有呢個計劃嘅,因為都好鍾意小朋友,同埋佢年紀都唔細。」

相關新聞:

【轉咗行都唔知!】江若琳懵盛盛 蕭潤邦:罰佢食一世

http://bit.ly/2Ep6m9e

【十二月擺酒】拍拖一年結婚 江若琳的名字 蕭潤邦的姓氏

http://bit.ly/2EBwa13
熱門新聞
  • 【每日壹爆●銀城吸煙惡女】直擊店員商場內狂煲煙 被指阻塞通道即鬧爆保安(足本版) 78,429 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 64,332 views
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 55,841 views
  • 【赤裸的女人】34歲天體港女:著衫好束縛唔舒服(足本版) 54,145 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 52,960 views
  • 【呢頭離婚嗰頭來港陪Niki】為38歲周麗淇 軍部演員傅程鵬甘做泊車仔(足本版) 51,814 views