< 返回
  • 【獨家●首度承認】堅持下嫁患癌老公 喪夫劉綽琪:佢遺願要我開心
  •   52,819 views │ 2018年03月14日
    留言()

 

與佘詩曼同屆的97年落選港姐劉綽琪,昔日在大台拍劇兼主持,之後轉投亞視,至○八年決定離開返美發展,一直參與荷里活的製作,鮮有在港露面,更於15年下嫁老外。

不過本刊收到消息,劉綽琪只擁有短暫的婚姻。婚後兩年丈夫患癌病逝。求證劉綽琪,承受喪夫之痛的她,說為圓丈夫遺願,會選擇堅強生活下去。43歲失伴侶的她,近日回港兼顧幕前幕後,重新出發。

上週日(三月四日),本刊發現劉綽琪孖好姊妹張文慈在又一城飲茶,兩個不停有講有笑,剛收拾喪夫之痛。一五年她在網上宣布結婚,據悉她下嫁歐洲籍男子,但丈夫因患淋巴癌於去年初病逝。原來婚前已知丈夫身體狀況,愛得義反顧的她,仍堅持下嫁對方,一起珍惜每分每秒。

「其實婚前Patricia(劉綽琪)已經知道男友患淋巴癌,對方係佢one life one love,佢堅持結婚。」知情者透露。

14歲經歷過母親自殺,婚後的劉綽琪再一次失去生命中重要的人。知情者續說:「雖然一早有心理準備,但畢竟去到嗰一刻,都會唔捨得而傷心。」

其實一六年十月她返港出席老友楊怡的婚宴,原來當時的劉綽琪正面對丈夫病重的痛苦。
「Patricia份人好樂觀,佢話人生能遇到呢個最愛,又同佢開開心心度過最後時光,已經無憾,加上佢有信仰,相信日後可以天家見番,所以更加無悔喺世上日子,同對方做短暫夫妻,佢話會好好咁生活落去,唔想令喺『上面』嘅老公擔心。」

記者向劉綽琪求證喪夫一事,起初有點錯愕的她,停了幾秒才答:「要發生都發生咗,冇乜必要再提。」問她現時心情,她說:「任何人遇到呢啲事,都識用時間去調節,幸好我天生比較開朗,又好早經歷過家人死亡嘅事,所以對生死都容易放得低,有心理準備,所以唔會受太大情緒影響,冇乜大改變,唔使擔心。」
問她丈夫臨終前有冇遺願,她說:「要我開心!」

為完成丈夫的遺願,劉綽琪過得積極。

相關新聞:

【佘詩曼同屆】劉綽琪收拾喪夫心情 回港大展拳腳
http://bit.ly/2DoIDk7

劉綽琪童年不快樂 14歲親睹媽咪上吊自殺
http://bit.ly/2paSw0z
熱門新聞
  • 【港女冇人愛死因】港女自白玩Speed Dating鋪鋪食白果 原來衰呢幾樣嘢 .(足本版) 63,990 views
  • 【特權明星】揸二百萬瑪莎拉蒂出巡 佘詩曼買飯煲專人安排插隊(足本版) 57,076 views
  • 【180磅肥師奶】8個月勁減60磅 變靚師奶:以前一晚十隻大閘蟹(足本版) 56,846 views
  • 【壹經典●富豪新歡舊愛同屋】李嘉欣入老公寓所過夜 何超瓊急撤出許家花園台(足本版) 51,164 views
  • 【家庭破碎】 59歲樂易玲努力挽救婚姻 兩仔拖女友陪阿媽睇戲(足本版) 50,795 views
  • 【隱世武林高手】《天命》譚坤倫闖內地影圈 打出一片天 45,633 views