< 返回
  • 【臨盆男友走佬】張震舊愛吳家欣未婚產女:最想同阿媽講sorry
  •   18,465 views │ 2018年05月08日
    留言()

 

Tanya給媽媽的說話 首先祝自己媽咪母親節快樂,最想講嘅就係sorry,希望你會原諒我嗰時點解咁任性,我而家終於都明白,祝天下嘅母親都母親節快樂!

Tanya係第一代嘅(口靚)模始祖,08年已經出寫真集,情史仲好勁,有男神張震、李燦琛 舊年4月,未婚嘅Tanya生咗囡囡Katrina,做咗媽咪後,拉近咗佢同媽媽嘅關係。「你會明白當時阿媽點解會咁樣,因為而家自己都做緊同一樣嘢,生咗佢之後,我真係打俾阿媽同佢講對唔住。囡囡啱啱出世嗰時佢陪我一齊去醫院,睇住佢出世,特登返嚟㗎,跟住陪我坐月,囡囡一出世,佢係第一個見到嘅。佢啱啱出牙嗰時我好癲,成日打電話俾阿媽問,點算呀?點解佢會咁樣?佢教咗我好多方法,嗰排我真係好癲,完全又唔夠瞓,又無人喺我身邊,唯一一個靠得住嘅就係阿媽,即刻同佢講對唔住,我以前咁咁咁。」

Katrina就快出世嘅時候,Tanya因為男朋友當時有另一個女人而分手,當時佢嘅心情係點?「梗係會癲啦,不過算啦,嗰啲都唔好講。其實你望住佢嗰時,點講呢,覺得好似好辛苦,但見到佢開心你都會開心,其實只係一剎那,過一陣好快你就會無嘢。我從來都無抑鬱過,如果我抑鬱佢就真係慘。每一日都會提醒自己我有個女,你唔可以跌倒,你唔可以跌倒,你唔可以跌倒,重要嘅嘢要講三次。本身都係單親家庭成長嘅Tanya,從來冇諗過自己會做單親媽媽。佢就嚟出世嗰時,嗰時都無諗過佢出咗世之後我點算呢,我又要湊住佢,生活點算呢?後來慢慢自己就get到點樣做,佢其實係一個好大嘅推動力。成日都諗佢嘅將來,其實好多嘢都好擔心,一望住佢嘅時候,又會諗到佢識行嘅時候,嗰個角會唔會撞到佢呢?佢會唔會喺地下執垃圾食呢?好多嘢都要諗,行出去會唔會撞親,過馬路又要小心啲,已經諗到咁樣,真係白頭髮都會出多幾條。」讀者們,愛不要太遲,趁住母親節就快到,同媽媽表達吓,講聲Ma Ma I Love You啦!

採訪:肥A

攝錄:葉志明、余一駱

立即按此連結Download《壹週刊》:http://bit.ly/next28app

 
熱門新聞
  • 化身YouTuber? 謝文欣拍片唱爆黃凱芹 72,371 views
  • 【啜爆陳茵媺】老婆一拖三返加 陳豪難離難捨機場抱緊些 (足本版) 70,934 views
  • 【煉成絕世好老公】陳豪為仔女月花10 萬租南灣 陳茵媺:咁都比較吃力! (足本版) 43,551 views
  • 【最佳女友自己埋單】李佳芯拍拖買金飾 準備俾錢男友陳炳銓即閃(足本版) 35,192 views
  • 【索媽出場搶Ali鏡】姚嘉妮演後生MK妹 網民讚零違和:唔似生過B 26,969 views
  • 【港男黑獄悲哭】菲律賓黑獄18年 港男終極上訴:我冇放棄(足本版) 26,069 views