< 返回
  • 【深宮計飾物無限loop】大台唔夠筆直 陳煒胡定欣戴阿佘菊姐舊首飾
  •   18,419 views │ 2018年06月07日
    留言()

 

大台劇啲戲服、飾物無限重複loop已經唔係第一次,所以咪睇《深宮計》表面上佈景豪華、衣飾艷麗,就以為大台不惜工本呀,其實只要睇真啲,好多女演員嘅耳環、頸鏈都係重用舊劇《宮心計》或者《公主嫁到》架!聽聞大台有意落重本打造《深宮計》衣飾,但最後得百幾萬做筆直(Budget),所以整得新戲服、頭飾,就唔夠錢造新耳環、頸鏈。

講到翻用比率最高嘅,一定係日後母儀天下嘅王蓁(胡定欣飾)身上那條黃金紅寶石相間的鏈,由2009年出街嘅《宮心計》劉三好(佘詩曼飾)身上,再到2010年播放嘅《公主嫁到》孫貴妃(楊卓娜飾),估唔到8年後《深宮計》仲可以重用。
唔只架!本來《公主嫁到》金家大少奶阮小玉(李施嬅飾)戴嘅一set彎月形搭配圓形飾物,竟然都完完整整咁掛喺貴為太子妃嘅王蓁身上。咁樣講起上嚟,咪即係太子妃嘅首飾降晒level?

仲有太平公主陳煒,頸鏈、耳環各有三件係戴人哋戴過嘅。同佢撞得最應嘅係關菊英,好似太平公主喺駙馬武攸暨(曾偉權飾)死後戴嘅一套白珍珠首飾,關菊英就喺《宮心計》中戴過;而一套紅珠金飾,菊姐又喺《公主嫁到》戴過。《宮心計》嘅萬寶賢(李施嬅飾)算好彩喇,雖則戴同一條鏈,但起碼耳環有重新搭配過,無撞得咁應吖嘛。
陳煒「著人舊鞋」嘅仲有一對耳環、頸鏈,耳環呢就《宮心計》姚金鈴(楊怡飾)、頸鏈就《公主嫁到》晉懷公主(李思欣飾)。

權傾朝野嘅太平公主,以及將成皇后嘅胡定欣,都要戴人哋戴過嘅飾物,搞到身份地位變cheap,就算唔怪大台無筆直,都要怪負責掌管珠寶嘅徐司珍(羅霖飾)啦!
熱門新聞
  • 【貨Van界女神】索過「跟車羅拉」美女轉行揸貨Van送貨月入4萬(足本版) 128,681 views
  • 【壹經典●四叔感情】前妻選美出身 四叔離婚後癡戀不再婚(足本版) 55,115 views
  • 【獨家直擊Soho撐枱腳】48歲唐文龍認追sexy楊柳青(足本版) 49,358 views
  • 【月入4萬被質疑特別服務】貨Van女神大反擊: 我可以做到飯都唔食(足本版) 45,763 views
  • 【壹經典●四叔感情】李兆基前妻消失23年後 大型法會神秘現身(足本版) 44,737 views
  • 【好大方●被余安安介入?】陳煒與監製男友分手 繼續孖住開公司 (足本版) 43,864 views