< 返回
  • 【女星回復單身自強不息】阿Yu羅霖黎瑞恩 回歸娛圈愈撈愈掂(足本版)
  •   11,100 views │ 2018年06月08日
    留言()

 

離婚,絕對唔係女士嘅末日,就算無老公兼湊住小朋友,單親媽一樣可以活得比婚前更精彩,實踐自強不息!圈中例子就有趙頌茹、羅霖以及黎瑞恩。

阿Yu同周永恆嘅家事數度成為全城熱話,由家暴入院兼判監,再到Ruby劉依靜介入婚姻小三變正印,阿Yu可謂經歷咗多個傷心又害怕嘅夜晚。幸運嘅係,脫離前夫魔掌嘅阿Yu回歸娛圈愈戰愈勇,憑高佻身形再踏貓步舞台,更因堅強女性形象,成為各大小美容護膚、服飾、教育等客戶嘅新寵,獲得唔少商演機會,成功兼顧家庭及工作,成為好多人敬佩俾like嘅對象!

羅霖96年同富商劉坤銘結婚仲生咗3個小朋友,外界一直以為佢上晒岸做闊太,點知2012年宣佈分居仲搞到對簿公堂,兩人更因扶養權、贍養費鬧到不可開交、再見不是朋友。但無論如何,回復單身再戰娛圈嘅羅霖,憑靚麗外表及魔鬼身材一度成為風頭躉,人氣一時無兩更被封「美魔女」美名。由回歸之初出寫真撲水養囝囝,到而家工作一單接一單,仲拍埋大台重頭劇《深宮計》,講真有邊個唔識羅霖?有邊位男士唔對佢心心眼?比起做闊太做得唔開心,而家憑自己創出一片天,更值得驕傲。

黎瑞恩02年嫁俾金利來三少曾智明後,就順勢退出娛圈專心相夫教子,但約在2014年傳出男方婚外情,小恩子亦隨即證實「分」訊,並獨力撫養子女。為供書教學,小恩子復出樂壇計劃出唱片同舉行演唱會,最終於今年2月推出大受好評嘅派台歌《剩下光年》,更喺4月初舉行暌違16年嘅紅館個唱。
熱門新聞
  • 【壹經典●富豪孤獨生活】一個人坐17人飯桌 四叔落寞大電視撈飯(足本) 53,827 views
  • 【獨家直擊Soho撐枱腳】48歲唐文龍認追sexy楊柳青(足本版) 52,018 views
  • 【月入4萬被質疑特別服務】貨Van女神大反擊: 我可以做到飯都唔食(足本版) 50,519 views
  • 【好大方●被余安安介入?】陳煒與監製男友分手 繼續孖住開公司 (足本版) 45,037 views
  • 潮人雲集「週末衣櫥」壽星仔馬天佑拉隊踩場撐Ceci 44,352 views
  • 【慳自己唔慳司機】陳煒月慳5萬搬新竇 堅持請司機七人車接送 (足本版) 43,019 views