< 返回
  • 【勁好戲】為見養父扮鬼上身 吳沚默催淚演技動用埋鼻涕口水
  •   13,260 views │ 2018年06月08日
    留言()

 

后宮婢僕多,單係尚宮局班吱吱喳喳婢女、女史都多到認唔晒啦,更莫講話要令觀眾有印象。偏偏,大台劇《深宮計》第13集,丁蘭(吳沚默飾)鬼上身,然後涕淚俱下一幕相當突出。

對於好多解釋唔到嘅事,尚宮局班女都會聯想去鬼神之說。吳沚默為被逐出宮回鄉見養父最後一面,藉工作之便整死宮內唔少魚,再自編自導風水唔好然後鬼上身,點知最後被查出裝神弄鬼打入暴室,但期間就講述返佢為親情挺而走險,上演咗一幕東窗事發嘅後悔、牽掛被解開嘅抒懷,以及對大恩大德嘅感激。

比起一般雙眼通紅已經交到貨,咇到滴淚值得讚嘅演技要求,吳沚默個鼻窿仲有啲晶瑩剔透、將流未流嘅鼻涕相當搶focus,開口講對白時個嘴仲隱約有埋口水泡、拉埋口水絲,唔係入戲深感情真,又點會口水、鼻涕、眼淚通通催晒出嚟。

吳沚默喺《深宮計》中雖然戲份唔多,亦已功成身退唔會再出場,但喺一眾宮婢中算得上係超班,讚!不過佢最多戲份、對白嘅係得上述一幕,吳沚默點令自己咁入戲嘅呢?據劇組人員透露,當日場戲吳沚默係一take過無NG完成。至於佢點解會喊到咁有感情,聽聞就係因回憶返自己爺爺過生時唔能夠喺身邊陪同最後一程、見最後一面,所以感情特別真摯。難怪工作人員仲話嗰場戲一嗌cut之後,拍對手戲嘅胡定欣、謝雪心、羅霖、康華、張慧儀及張文慈都大讚佢啦。

BTW,吳沚默已經一連兩套八點半檔假扮鬼上身。上次《逆緣》扮鬼上身幫神棍龍羽居士呃神騙鬼,今次《深宮計》扮鬼上身為令自己被逐出宮,再咁扮落去,佢會否成為大台嘅御用靈媒架?

立即按此連結下載《壹週刊》APP:http://bit.ly/next28app
熱門新聞
  • 【每日壹爆●銀城吸煙惡女】直擊店員商場內狂煲煙 被指阻塞通道即鬧爆保安(足本版) 78,429 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 64,332 views
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 55,841 views
  • 【赤裸的女人】34歲天體港女:著衫好束縛唔舒服(足本版) 54,145 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 52,960 views
  • 【呢頭離婚嗰頭來港陪Niki】為38歲周麗淇 軍部演員傅程鵬甘做泊車仔(足本版) 51,814 views