< 返回
  • 《創造101》順利晉級 許靖韻冧庄點讚王
  •   3,048 views │ 2018年06月11日
    留言()

 

中國版「Produce 101」《創造101》,上週六進行第三輪考核。歌手許靖韻(Angela)繼上次第二輪公演成為「點讚王」後,今次Angela再下一城,再冧庄「點讚王」!

不嬲賣開唱功嘅Angela喺跳舞方面一直處於弱勢,上一次跳舞對決,Angela嘅排名更跌至尾二。今次考核邊跳邊唱,Angela一組揀咗原創歌曲《別人家的小孩》,賽前訓練時,導師羅志祥表示呢個舞蹈完全唔係佢哋嘅style ,因為反差太大。不過正式公演時,Angela一身紅色波點西裝造型,加埋強勁嘅舞步,令人眼前一亮。最後以組內最高點讚票數冧庄成為「點讚王」。

連黃子韜宣佈「誰是點讚王」時,都大讚Angela跳得好:「作為vocal擔當的許靖韻第一次跳舞,許靖韻這次是唱跳歌手了。」完全無諗過成為「點讚王」嘅Angela即刻O晒嘴,旁邊組員同佢講咗兩次:「it's real! it's real!」Angela喺台上興奮話:「謝謝大家!上一次晉級的時候,我就跟自己說,如果我可以再站在《101》的舞台上這次一我一定要跳舞!」節目完結後Angela表示:「所有人都知道我在舞蹈裡面是完全不行的,我就想在節目裡做一個突破把每一個舞蹈都跳到最好,其實我現在也愛上跳舞。」
熱門新聞
  • 【悔改●承諾幫手養女】周永恒崩哭求阿Yu女兒原諒:對佢哋好大虧欠(足本版) 140,092 views
  • 【大陸妻佗B仔】周永恒9月再做老竇:估唔到仲有女人信我(足本版) 85,247 views
  • 【為拍拖去到盡】港女為符意中人要求 3個月喪減40磅(足本版) 57,793 views
  • 【取得入境證據】獨家回應!黑獄18年現轉機 鄧龍威:好想返香港見媽媽!(足本版) 53,833 views
  • 【藝員揸貨車賺錢】幾千蚊底薪唔夠生活 《特技人》糯米:要照顧輕度弱智家姐(足本版) 53,559 views
  • 【揸四千萬樓嗌唔掂】森美賣樓幫仔女俾首期 自己移居泰國:香港樓價太貴(足本版) 50,719 views