< 返回
  • 劉心悠黃雪兒都係演元玥 點解口音咁大分別?TVB咁樣解釋
  •   18,174 views │ 2018年06月12日
    留言()

 

對於劉心悠參演TVB劇集,站喺觀眾立場梗係好事啦,起碼演員陣容新鮮啲,唔使睇嚟睇去都嗰幾位花旦吖嘛。不過,同時有好多網民反映劉正悠廣東話唔純正,搞到睇《深宮計》時唔睇字幕就聽唔清佢講緊乜,仲提出質疑:「點解元玥(黃雪兒飾)細個嗰陣講嘢無問題,大個咗反而唔正嘅?」呢個問題,劇組原來一早考慮埋,仲喺劇中解釋返因由添。

是咁的,喺第14集入面,元玥(劉心悠飾)終於同螢火蟲哥哥,亦即係何離(蕭正楠飾)相認。咁多年無見,梗係要傾返啲離愁別緒,交代返分別後各自點點點啦,於是元玥就簡單講返自己嘅去向:「與你分別後,我娘就病重過世了,臨終前把我交託給一個雜耍團,之後我就跟著他們去了北方。」

就因為以上說話,何離講咗句:「唔怪得之你嘅口音變晒啦。」可見佢同廣大網民一樣,終於解開「點解元玥細個講嘢純正,大個反而有口音」嘅疑問。

TVB今次都算細心喇,刻意喺相認呢幕加多兩句對白,將元玥呢個有前後口音不同嘅角色問題解釋返,唔好俾佢成為另一宗千古懸案。

立即按此連結下載《壹週刊》APP:http://bit.ly/next28app
熱門新聞
  • 【每日壹爆●銀城吸煙惡女】直擊店員商場內狂煲煙 被指阻塞通道即鬧爆保安(足本版) 78,429 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 64,332 views
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 55,841 views
  • 【赤裸的女人】34歲天體港女:著衫好束縛唔舒服(足本版) 54,145 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 52,960 views
  • 【呢頭離婚嗰頭來港陪Niki】為38歲周麗淇 軍部演員傅程鵬甘做泊車仔(足本版) 51,814 views