< 返回
  • 【《深宮計》大結局無天理】胡定欣繼續做皇后 真正殺殷瑈嘅人竟然係
  •   51,507 views │ 2018年07月06日
    留言()

 

【新增影片】

《深宮計》全劇36集大結局,宮中各人作咩孽就結咩果。最估唔到嘅係,竟然仲有殷瑈(謝芷倫飾)戲份,交代返佢嘅死並唔簡單。
陳煒飾演嘅太平公主大勢已去,就算太上皇李旦(李龍基飾)饒佢一命,送佢離宮返去封地,但煒哥最後都係決定上吊自盡。另外,賣主求榮嘅李美慧未得到馬浚偉嘅賞賜已被滅口。
至於個個都買定花生等睇被廢嘅胡定欣,最後竟然殺不得,仲繼續做皇后。事關當年韋后派刺客暗殺馬浚偉,定欣幫佢擋咗一刀,所以馬仔曾許諾定欣背上嘅疤就係免罪符,仲話:「我不亡,你不死。」定欣既殺不得,更被賜一世為后,但就只有「一琴相伴,孤身獨處,冷宮之中度過餘生。」
至於蕭正楠、劉心悠離宮去到荒山野嶺錫錫;馬國明就退隱兼FF黃心穎。

仲有一局四司,謝雪心決定辭官退隱,但不離宮,長守儀光廟靜心修身以贖罪孽。原來當年佢「聽武皇吩咐,將厭勝之術人偶賊贓俾肅明、昭成兩位皇后,自保一命換來一生不安」。
羅霖、張慧儀兩表姊妹離宮開店舖賣手飾金銀,而一直被指飾演楊貴妃嘅麥玲玲,原來只係佢兩個喺生意上嘅對手。
張文慈宮外無人無物,所以決定留宮盡心侍主,更做埋尚宮。
最慘就係康華,一心諗住去搵韋家雄,點知去到先發現韋家雄抵唔住「長途跋涉,病態龍鍾」而死。

最最最令人意想唔到嘅,竟然係最後一刻再次有殷瑈(謝芷倫飾)嘅戲份,原來將殷瑈凌虐致死嘅唔係煒哥,而係馬浚偉,諗落真教人心寒。
殷瑈之死另有真相。
陳煒上吊自盡。
胡定欣繼續做皇后,喺冷宮中。
康華搵韋家雄,但原來男方已死。
張文慈做尚宮。
羅霖、張慧儀離宮開店舖賣手飾金銀,麥玲玲係生意上嘅對手。
蕭正楠、劉心悠開心離宮。
謝雪心長守儀光廟以贖罪孽。
馬國明退隱經常FF黃心穎在生。
熱門新聞
  • 【港女最驚係呢種】男人話請去旅行 港女唔肯驚人呃蝦條(足本版) 49,299 views
  • 【男友想夾硬】唔俾就威脅分手 港女唔識拒絕:但我唔想咁快囉(足本版) 45,852 views
  • 【經典●五角苦戀搞到正印自殺】林青霞做雙重小三Out走蕭芳芳亦傳尋死 遭毒咒唔敢嫁秦漢(足本版) 44,085 views
  • 【壹經典●富豪娶姊妹為妻】髮妻裘錦秋空難亡 邱德根轉娶姨仔生三子(足本版) 37,079 views
  • 【天價公屋放租】懲教職員萬六蚊呎掃天價公屋 再叫租1萬回報有5厘(足本版) 31,441 views
  • 【每日壹爆●IG美人計騙局】性感美人計曬銀紙名牌 快錢黨劏青少年錄音曝光(足本版) 28,889 views