< 返回
  • 【威在起跑線】孔子後人謝雪心12歲考取游泳教練資格 成就身材窈窕氣質優雅
  •   738 views │ 2018年07月08日
    留言()

 

足本版精彩內容,請點擊以下網址:http://bit.ly/2m4YRsF
講起謝雪心,一定要提提佢嘅威水史,特別係可以追溯到公元前嘅孔子身上,事關心姐係如假包換嘅第76代孔子後人,名為孔令馥,早年更得到國家翻查孔子族譜,並正式納入心姐名字。不過喺娛圈打滾,心姐都係選擇用恩師任劍輝、白雪仙為佢改嘅「謝雪心」。
除咗家族威水,心姐本身亦係游泳健將,勁到未滿3歲已經投身各大游泳比賽,而首次參加渡海泳嗰陣都未夠6歲,聽完之後係咪O晒嘴覺得心姐堅過石堅先?更誇張嘅係,心姐12歲嗰年已經考到游泳教練資格,不過因為年紀太細,有關當局要佢到13歲先可以拎教練章。
由於細細個已經開始游水,造就心姐纖瘦窈窕身形,加上本身又喺粵劇界打滾多年,舉手投足都散發優雅氣質,有無人覺得心姐後生嗰時唔選港姐嘥咗?其實佢自己都係咁覺得,仲話以前嘅女仔唔興腳幼幼,所以覺得自己對腳唔好睇,人哋叫佢去選佢都唔敢去,依家諗返真係傻,有啲後悔。
因為有過後悔,於是心姐決定人一世物一世,咩都要試下,所以有次佢喺越南登台期間,見到有個環境好靚嘅泳池,無帶泳衣但又想游,唯有裸泳:「試吓裸泳,人一世物一世。點知我個女話:『媽咪呢度開晒燈㗎!』泳池嗰度開晒燈,我話:『開燈啫,隔籬左右都睇唔到。』正想有行動之際,突然聽到『轟轟』聲,你估係乜嘢?架直升機喺上面飛過。好彩我無做,不過都嘥咗個裸泳嘅機會,算啦。」

撰文:梁子健

拍攝:蕭敬魚

立即按此連結下載《壹週刊》APP:http://bit.ly/next28app
熱門新聞
  • 【港女最驚係呢種】男人話請去旅行 港女唔肯驚人呃蝦條(足本版) 49,266 views
  • 【男友想夾硬】唔俾就威脅分手 港女唔識拒絕:但我唔想咁快囉(足本版) 45,813 views
  • 【經典●五角苦戀搞到正印自殺】林青霞做雙重小三Out走蕭芳芳亦傳尋死 遭毒咒唔敢嫁秦漢(足本版) 44,071 views
  • 【壹經典●富豪娶姊妹為妻】髮妻裘錦秋空難亡 邱德根轉娶姨仔生三子(足本版) 37,064 views
  • 【天價公屋放租】懲教職員萬六蚊呎掃天價公屋 再叫租1萬回報有5厘(足本版) 31,434 views
  • 【每日壹爆●IG美人計騙局】性感美人計曬銀紙名牌 快錢黨劏青少年錄音曝光(足本版) 28,876 views