< 返回
  • 【娶女神要等等】Ali直言未有嫁人計劃 男友陳炳銓尋求安慰搵friend陪?
  •   16,064 views │ 2018年08月03日
    留言()

 

《BB來了》劇情貼地令收視高見28.8點,暫成本年度最好成績。其實劇情以外,演員當然功不可沒,而一眾女角色更成為眾多網民心心眼追捧對象,例如賢妻良母feel嘅阿妙、辣妹朗朗,以及近日不時上演誘惑橋段嘅冶艷Sharon。

不過,亦有觀眾視佢哋如無物,剩係想睇某一位女演員,邊位咁堅揪?之唔係允豬囉,因為堅係可愛吖嘛。日前6位允豬中嘅4位,更齊齊出席劇集宣傳活動添,作為fans嘅你哋又分唔分到邊個打邊個,邊個允豬邊集出過場呢?

當日活動上Ali對住4個寶貝女愛不釋手,抱唔停攬唔停,母愛極之泛濫,難怪早前有傳佢拍完呢套劇後勾起結婚念頭。不過,佢就喺活動上斬釘截鐵咁回應:「今明兩年都未有結婚計劃。」

Ali未有嫁人打算,加上job接job無咩時間拍拖,所以男友陳炳銓好多時都係「食自己」,再唔係就好似呢日咁約幾個朋友一齊四圍逛、打發時間。

據知情人士透露,就算外間一直用「女尊男卑」、「美女與野獸」等形容佢同Ali,但陳炳銓EQ高唔介意,仲話兩人嘅關係與相處,無人清楚得過當事人。加上男方外國回流有才華,大台未來一姐Ali唔單只唔嫌棄,仲好相信男友能力添。難怪Ali直言未想做陳太住,陳炳銓都可以笑容滿面四圍hea啦。

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app
熱門新聞
  • 【藝員揸貨車賺錢】幾千蚊底薪唔夠生活 《特技人》糯米:要照顧輕度弱智家姐(足本版) 77,521 views
  • 【輪唔到公屋之慘】低收入只好住廉價劏房 瞓覺爬上凌空床(足本版) 59,777 views
  • 【揸四千萬樓嗌唔掂】森美賣樓幫仔女俾首期 自己移居泰國:香港樓價太貴(足本版) 56,284 views
  • 【藝員做經紀實錄】吳麗珠不屈不撓做地產 炒樓輸晒血汗錢:做人穩定好(足本版) 48,434 views
  • 【壹經典●港姐入豪門深似海】一千萬禮金飛上枝頭 朱玲玲豪嫁霍震霆再嫁羅康瑞(足本版) 47,429 views
  • 【壹經典●富豪咁玩齊人福】霍英東元配低調 二太陪應酬 三太神隱(足本版) 47,129 views