< 返回
  • 【Startup●捧大媽做KOL】80後棄做律師搞強國炒股App:捧紅咗每個月賺過百萬!
  •   15,433 views │ 2017年06月05日
    留言()

 

現時可說是KOL(Key Opinion Leader,即網絡紅人)時代,在網上,由打機、化妝、甚至「抽水」都有專屬的KOL,影響力隨時比明星更大。

在倫敦政治經濟學院法律系畢業的80後Stephanie(高采妍),本身是blogger的她深感KOL的影響力,在兩年前決定放棄律師職位,在內地發展炒股app,力捧KOL教人炒股。

投資脈搏已發展了四年,現時用戶達四百萬,主要由她、謝文杰(Gilbert)及蔡德焱(Johnathan)負責營運。由於國內證監條例較香港寬鬆,令炒股app大行其道,Stephanie知道人稱「水哥」的思博資本高級合夥人兼亞太區總裁張宗永已在廣州發展炒股app「投資脈搏」(imaibo.net),決定棄創業,入股加入,在內地發掘「大媽KOL」。

這個app的收入來源,主要是付費觀看KOL的文章及投資組合,以及經KOL推介的第三方公司投資產品。由於所有股票買賣及投資產品都不是直接經平台交易,而是連接到合作投資機構的網站,每次交易再抽佣,所以監管較鬆。他們主要工作,就是發掘具潛質的KOL及邀請當紅KOL「過檔」。Stephanie就指:「收入越高嘅KOL 佢哋要求分佣比例就會越高,如果新加入、或者未紅嗰啲,相對叫價能力就會低好多。」

整個app就如補習社力谷補習天皇一樣,「例如佢哋提供嘅資料講中咗,啲fans留意到,我們就會將佢哋個profile推上最當眼位置,好似貼中試題咁。同埋我哋會與其他媒體或證券公司合辦嘅活動,可能係股票或投資講座,邀請佢哋上台演講,谷吓啲人氣。」她補充指,市旺的時候,就有KOL試過月賺百萬:「賺得最多錢,佢哋通常只有幾千、或者幾萬個followers,但他們收費高,一個月收上千人民幣一個月」。

她直言,財經KOL中以「大媽」最具吸引力,app內其中一位當紅的「大媽」,就是有個百萬名支持者,自稱「第一美女股神」的「股壇盟主」,記者多次邀約,她都不肯以真名及真面目示人,只肯以錄音表示:「很多網紅在股災的時候,都消失了,拋棄大家,我還在堅持指導大家,有人攻擊我的時候,讓他們去謾罵,做好自己,可能就是我維持人氣的原因。」記者在app內,見她的照片以低胸裝上陣,支持者多以「美盟」來稱呼,而Stephanie向記者展示她出席公開活動的照片,發現與app的相片相距甚大。

撰文:梁延宇
攝錄:關永浩

相關連結:
【Startup●樣子問題】強國炒股App搞直播即出事 負責人:佢哋啲相同真人差太遠!
http://bit.ly/2suaQBU

【Startup●創業貼士】創業有絕世好橋好易俾人抄? 兩個辦法幫到你!
http://bit.ly/2sFZn1l
熱門新聞
  • 林保怡篤完鮮肉男友激凸 淺水灣冧爆拍拖 52,134 views
  • 【獨家】千萬酬勞拍劇照推 胡杏兒:我一定要追多個 49,980 views
  • 陳志雲爆大鑊 佘詩曼拍劇拍到有陰影 38,058 views
  • 【索媽旅行有福利】黃伊汶露半球同囝囝索吻 蓋過梁浸浸風頭 33,165 views
  • 【封面●老中青炒虛擬幣●遍地開花】直擊深水埗腦場變「掘礦機」場 開炒幣講座兩小時賺40萬 32,878 views
  • 【來港五年仲未改到】阿仔扭眼瞓 郭晶晶出「踎」功絕技 30,107 views