< 返回
  • 【壹盤生意】低溫慢煮鮮食磚 毛孩無得挑食
  •   14,665 views │ 2017年06月12日
    留言()

 

首創磚型鮮食  棄生肉保安全

一般鮮食的造法,也是把相關食材切碎,再混合成一體,形態較偏向糊狀。「狗仔其實好醒,食多幾次後識將啲菜挑番出嚟,而且糊狀多多少少都有汁,次次都食到佢哋成面都係。」為了把所有食材重塑為一個固體,Stella用了兩個月時間研發出香港首創的磚型鮮食,解決了毛孩們的偏食問題。「食物所含嘅水份都唔同,所以要分階段加入打碎,而我哋用低溫慢煮嘅方面,令食材們結合為糕狀固體。」

一直把狗仔健康放於首位的Stella,卻因為食品安全問題而作出了決擇。她笑指以往在澳洲,常見有主人親自到農場購買新鮮斬下的肉髀,當晚就會製成生的鮮肉給寵物吃;無奈香港缺乏此等條件。「研究顯示,生肉對狗仔嘅腸胃係較有益,但因為香港生肉嘅入口過程較繁複,加上天氣熱,出事機會比熟肉高。」制成品會進行真空包裝,放於冰箱內可保存三個月。主人需餵食時可提前一晚把磚由冰箱放落雪櫃自然解凍作凍食,也可即日把食物磚從冰箱拿出,放落滾水中煲三至五分鐘作熱食。

定價接近優質罐頭價格 有利有弊

鮮食磚現時月售雖然可達五至六千磚,營業額接近十萬,但Stella坦言利潤仍是較為微薄。「一開始係希望定價為廿四蚊,最後決定十八蚊為推廣價嘅原因係唔想買開乾糧嘅客人由二、三百蚊一個月,一下子變成千幾蚊一個月咁大差距。」市面上的優質罐頭,某些定價已提高至十多元一件,Stella希望這群主人願以差不多價錢轉購鮮食磚。

定價低,也暫時窒礙了她跟寵物店的合作。「現時個價係賺好少,如果我哋同鋪頭或經銷商合作,喺分成方面會出現問題。」未想加價,唯有繼續擴展網店,未來更會研製狗仔湯粒,增加貨品款式。由打工仔勞升為老闆,Stella沒忘卻當初在香港職場所感受到的困惑,訪問當天著因忙於準備寵物展而辛勞了數天的員工可晚點上班。「喺澳洲時可能係我幸運,佢哋著重結果較多,唔會在意你用幾長時間或係咪一定要超時工作,只要你完成就得,佢哋無咩所謂。」她抱著如像「貼身膏藥」的MorBB,從容地說。

採訪:黃綺敏

攝錄:林志謙、關永浩
熱門新聞
  • 【月租14萬】陳浩民租李嘉欣老公半山壹號獨立屋 方便仔女九龍塘返學 54,617 views
  • 【誠哥退休大宅●設計曝光】主人房得400呎 旁設鋼門安全房避數小時襲擊 50,539 views
  • 【航拍●深水灣道皇宮】誠哥花7年滿足3個願望 內地傻男硬闖大宅 47,593 views
  • 【拍俾洗米華睇?】松岡李那睡美人自拍牀片示愛 34,523 views
  • 【80歲有心有力】四哥背心晒肌 一條冷行山 33,458 views
  • 【被雪鴛鴦】鄭俊弘曝光率創新低 何雁詩死好彩Keep住有工開 32,456 views