< 返回
  • 【中環寸嘴】有錢佬放個屁都香啲
  •   3,901 views │ 2017年07月13日
    留言()

 

我不時都請朋友出海睇煙花;但七.一去咗回歸廿周年晚宴,初初講到習大大會出席,有銀紙都買唔到枱,要「飛士」搭夠,乜叫「飛士」,天曉得,總之臨尾有飛入場啦。以煙花嘅水準,我睇香港再過廿年都係咁!

廿年前喺青馬橋放煙花pattern我最有記憶,雖然短短哋幾分鐘,好似瀑布咁,嗰次係得到小學同學蔡冠深眷顧,「掹衫尾」坐船去霸頭位睇煙花,啲阿太喺隻船度「啷吓啷吓」,嘔到好似小瀑布咁。

香港一年放幾次煙花,環保團體都非常有意見;晚宴上兩個煙花贊助商嘅接班人,就上台講嘢,乜乜「欣欣向榮」,行貨到唔行,一啲都冇年輕人嘅活力創意,正一「幼承庭訓」,唔似得係「優化」咗嘅庭訓;雖然佢哋Born with a silver spoon,但都要百煉鋼先得,純銀度或飾金度太高,會軟「瀨瀨」㗎。

有人話我成日對飲食有所批評,其實我想幫吓香港咋,都唔知點解香港自稱飲食天堂,我唔篤爆佢又點自稱姓楊呀?有時啲企枱唔知,以為我好似普通「食評家」收咗紅包就講好,冇收就唱衰,好彩人哋話我堪稱香港最有錢食評家,直頭massage到我個soft spot!正所謂有錢佬放個屁都香啲,不過我又未去到神仙放屁,非同凡響嘅境界!以免影響大家食慾啦。

 

圖片說明:香港一年放幾次煙花,我隨時請埋朋友坐船去睇都得。

 

撰文:楊國佳
回歸晚宴紀念品包括呢個掛曆,用來撐住個福袋,正所謂廢物利用,應加以表揚,話晒係一代堪輿學家蔡伯勵著作,仲有五個月來指點迷津。
另一份紀念品係一支紐西蘭礦泉水,用來清吓個taste bud都幾好。
熱門新聞
  • 男友被爆偷食兼搞大人個肚 梁嘉琪:我已一個人上路了 38,578 views
  • 相隔15年 何嘉莉再簽英皇以KOL身份出發 34,005 views
  • 【艷尼閨密爆料】悲慘婚姻跟小三共一屋 兩女侍一夫 30,929 views
  • 【估佢唔到呀!】41歲舒淇嚴重皮膚敏感 兇手竟然係『海膽』 29,816 views
  • 【強國男迷港女】有港女唱完賣肉 老闆拔槍逼陪酒 27,812 views
  • 史前花旦扮靚準則 麥翠嫻鍾情五顏六色絲襪 25,080 views