< 返回
  • 【魅影空間】D100員工聽眾炒龕花 契仔控訴「殯儀靚太」契媽:呃錢!
  •   17,320 views │ 2017年08月24日
    留言()

 

在香港,生人要住劏房,但死了也不是一了百了;家人幫你攞個階磚位都未必有!

今年六月,《私營骨灰安置所條例草案》刊憲生效,全港一百五十二間私營龕場,只有三十間同時符合地契條款和規劃用途。餘下的八成龕場涉及不同程度的違規行為,業界相信超過一半將不獲發牌,意味買了龕位的用家,不能為先人上位,投資者亦可能血本無歸。

近月即陸續爆出陰宅風波;曾經在網台D100主持《魅影空間》的柯潔儀(Kitty),有「殯儀靚太」之稱,在行內二十年,分享的殯儀奇事及鬼古深受歡迎,但近月卻突然絕跡節目。曾在D100擔任節目助理的袁昭傑(Jacky),向本刊爆料說她的離開並非簡單,正是涉及骨灰龕場糾紛。兩人份屬契仔契媽,Jacky以九十五萬元投資由契媽Kitty營辦的龕場「明元仙觀」,原來被政府列於違規的表二內,意即發牌機會微,見財化水;Jacky大爆契媽當初搵生意,契仔多達幾十個。

今年三十歲的契仔Jacky,憶述起一四年與契媽Kitty初相識的溫馨點滴。「我在D100做助理跟過佢節目,後來我讀書辭職,她就話收我做契仔,叫我得閒去佢鋪頭幫手。」Kitty不但對Jacky事事關心,也開始跟契仔家人混熟,過時過節總會熱情相約聚餐,關係親密得恍如一家人。「佢話要幫我出人頭地、幫我發達,講到自己好本事,話『有錢齊齊搵』,而搵錢方法就係買骨灰龕。」

【魅影空間●30個契仔】契媽「殯儀靚太」反擊:我被滋擾 關乎人身安全
http://bit.ly/2wsHkSm

【魅影空間●陰宅熾熱】骨灰酒店盛行 「好多保險經紀入行」
http://bit.ly/2v9LmdK

已有三個子女、而每個都不同父姓的Kitty,在旺角一幢舊樓經營明元仙觀;她聲稱在公營龕位不足下,買賣觀內的私人龕位有利可圖,又承諾如契仔財政困難,可代為回購龕位,再於市場放售套現。Jacky心動,於一五年以「成本價」每個二萬五千元,共用二十五萬掃了明元仙觀十個龕花;他媽媽再接再厲,於一六年初,以五十萬買下另外二十個位。同月,Kitty酬賓款宴,於銅鑼灣一間餐廳內與Jacky進行簡單的上契儀式。當天除有男方一家及部分D100員工出席外,Kitty更邀請其朋友、聽眾及她另外的三至四名契仔女出席,場面熱鬧。

「去年六月,我、媽媽同家姐三個再加碼。不過今次佢話手頭資金不足,因此想我哋注資二十萬做股東,所以份約同上兩次唔同,無寫明買邊批龕位,只話係用作發展新增嘅四百個位。」Jacky稱當時對契媽百分百信任,因此三次合約均在沒去過龕場視察下簽訂;由於Kitty是破產人士關係,Jacky一家是把金錢過數至男子蔡耀輝戶口,「以我所知佢係契媽現任男友。」

今年五月,Jacky因停工又要上學而財政緊絀,希望Kitty能幫忙回購首張合約的十個龕花。「佢當時指市價唔係咁好,叫我等到政府條例通過後,就可以賺更多。」同月二十八日,Kitty指立法會已通過《私營骨灰安置所條例草案》,現在只需等發牌,更誠邀Jacky與媽媽到龕場了解。「佢振振有十詞話而家只需等發牌就得,又指明元仙觀歷史悠久,屬符合條例草案可豁免的骨灰安置所。」當日還有一名D100聽眾、投資了八十萬的郵政署公務員同行參觀。「佢話獲發牌後,龕花就可由二萬五千蚊一個,升價五成至三萬八千蚊。」

只可惜,如意算盤恐怕打唔響。根據發展局資料,明元仙觀屬違規表二的一百二十二個龕場其中一個,該地契雖可准許作骨灰龕用途,但地址一直也是作住宅(甲類)之用,龕場因此不合乎現有用途規劃,業主亦未有就此提交城市規劃申請。「我唔會再信柯潔儀啦!發牌機會根本微乎其微!」自言突然醒覺的Jacky,面紅耳赤說:「六月時我堅持要佢回購套現,但佢話要申請政府提供嘅寬限營運期,因此喺今年六月三十日至一八年三月二十九日期間,都不得出售或出租龕位,指幫我唔到!」Jacky續說:「我媽上過明元仙觀,又報過幾次警。」幾番追討不果後,契仔契媽關係決裂,昔日的母子溫情演變成互相指責。Jacky也曾多次在個人Facebook上交代投資經過,認為有人打感情牌埋佢身。「然而當涉及金錢糾紛,就好難搵到佢真人。佢一時話要傾生意,一時話病要休息,總之藉口多多。」Jacky更指,人稱「大班」的鄭經翰也得知此事,才把Kitty踢出D100的節目外。

雙方關係急轉直下,更不停於WhatsApp中開火對質,Kitty回應事主指:「老契希望你知道,你同我之間嘅錢銀係投資,我哋係拍檔,我無攞槍指着要求你哋做。」錄音中的她語帶激動辯斥:「你去買股票想放晒都要兩日,再者買股票都有投資風險,你要明白合約精神,如果你認為合約上我係有嘢欠你,可以隨便搵律師。」至於契媽Kitty本週一如何回應,請看下一條動新聞。

撰文:黃綺敏
攝錄:廖健昌 關永浩

重溫:
【阿太搞殯儀】入行初體驗 無啦啦被打 大火後幫客認屍:味道似叉燒﹗
http://bit.ly/2pYVYtg

【阿太搞殯儀】曾經嗜賭輸身家 患癌生細仔 入行找尋人生的意義
http://bit.ly/2p38bzU

【殯儀阿太】三個孩子不同姓 與前度屬好友 殯儀阿太:不會說他們父親不是
http://bit.ly/2pZcwRP

【阿太搞殯儀】不滿揦西行家:屍袋笠住走 壽衣都唔幫人著
http://bit.ly/2pL8YDw
熱門新聞
  • 【大開殺戒】涉追數官司 張繼聰遭TVB全面封殺 139,871 views
  • 【台慶唔戒奶】邵佩詩八字波最夠薑 陳凱琳最露骨 46,108 views
  • 【前世情人嗲到暈】 沈嘉偉同倒模邱淑貞淺水灣拍拖 45,709 views
  • 【獨家】何志平美國被捕當日 胡慧中金鐘神情凝重收短信 41,786 views
  • 【試晒造型影埋年曆】陳國邦損失慘重 請假推jobs後被方丈翹起 41,550 views
  • 【自由身上ViuTV變死罪】大台說拍《包青天》 陳國邦臨門被飛 41,278 views