< 返回
  • 【魅影空間●陰宅熾熱】骨灰酒店盛行 「好多保險經紀入行」
  •   17,371 views │ 2017年08月24日
    留言()

 

明元仙觀財務糾紛的起因,正正是因為不少人見陰宅市場有利可圖,望分一杯羹。殯儀業商會永遠會長吳耀棠指:「我識唔識佢(柯潔儀)就唔講啦,但我哋呢行有好多人渾水摸魚。」繼承父業的他留意到十多年前開始,市面出現了殯儀課程班,以百萬年薪吸引年輕人,加上殯葬商牌申請門檻十分低,因此多了純為搵錢之士投身。「呢行有很多人掛咗殯葬商牌,但正式唔係做殯葬生意,可能係營辦龕場、龕位介紹,或係自己搵地方間格仔租俾人,做骨灰酒店。」他留意到很多保險界人士,因客戶家屬「claim」人壽保,而索性一條龍入行。「大家唔熟呢行就做老闆,形成好多人自吹自擂。」

政府自一九七○年代開始,鼓勵市民以火葬代替土葬,三十年後的今天火葬已成為主流,卻未有解決另一問題:骨灰安置所嚴重不足。統計署估計未來二十年,每年平均死亡人數和火葬會由現時的三萬八千人及三萬一千宗,分別增至五萬五千人及五萬二千宗。有求便有供,違規私營骨灰安置所的數目由二○一○年十二月的五十二間,增至現時的一百二十二間。「除咗買嚟備用,實在大家都有種炒賣心態,買私人龕位可以轉名,加上不停加價,覺得有投資價值。」

相關連結:
【魅影空間】D100員工聽眾炒龕花 契仔控訴「殯儀靚太」契媽:呃錢!
http://bit.ly/2x7KqIt

【魅影空間●30個契仔】契媽「殯儀靚太」反擊:我被滋擾 關乎人身安全
http://bit.ly/2wsHkSm

「各界關注骨灰龕法案大聯盟」召集人謝世傑,見證着陰宅乾炒。他指數年前有人希望在鄉村改建丁屋做骨灰龕發財。「亦有啲郊野地方如蒲台島,試過一夜間鋪滿石屎板,想偷偷發展呢嚿肥豬肉。」他直指政府公營骨灰龕位未能主導市場,造就二手陰宅交投暢旺,但如果私人龕場本身違反城規,又在民居當中,發牌阻力大。「喺法例通過前,任何一紙合約可以講都等如廢紙。要追討只能透過民事訴訟,如果個人所買金額較少,相對要承擔嘅訴訟費就較貴。」他舉例指,上市公司香港生命集團(8212)旗下子公司,曾在元朗經營私營龕場「明月山」,以「先人豪宅」作招徠,項目曾經估值十三億港元;但在一○年被規劃署勒令停放骨灰,公司敗訴後曾一直「潛水」,迴避退款給龕位買家,直到一三年才願現身處理。

採取正常手法幫先人「上車」,現時情況是苦不堪言,「以往後人會以日租十至三十蚊,暫存先人骨灰喺幫忙處理後事嘅長生店內,近年起碼要等三、四年才上到公營龕位。」吳耀棠指,他現在暫存了約八百個骨灰,未來九個月政府規定為龕位禁售期,會令骨灰被迫滯留在此類中轉站,業界將面對沉重壓力。

「唔通將先人骨灰放喺食環署嘅暫存龕位?得個箱又無得拜祭,要佢哋坐監咩!」他炮轟公營龕位的抽籤方式,比輪候公屋差。「政府係無名冊,佢每次推出一個場都只接受一次申請,不會將你記錄再登記,無話下次俾你優先排隊輪候上位。」謝世傑補充此抽籤方法曾被申訴專員批評:「有人生前唔好運,死後都繼續唔好彩,抽極抽唔到。」他建議應設加權制度,如往生年期愈早,抽籤抽到機會應愈高,令大家也可擁有機會。

撰文:黃綺敏
攝錄:廖健昌 關永浩

重溫:
【阿太搞殯儀】入行初體驗 無啦啦被打 大火後幫客認屍:味道似叉燒﹗
http://bit.ly/2pYVYtg

【阿太搞殯儀】曾經嗜賭輸身家 患癌生細仔 入行找尋人生的意義
http://bit.ly/2p38bzU

【殯儀阿太】三個孩子不同姓 與前度屬好友 殯儀阿太:不會說他們父親不是
http://bit.ly/2pZcwRP

【阿太搞殯儀】不滿揦西行家:屍袋笠住走 壽衣都唔幫人著
http://bit.ly/2pL8YDw
熱門新聞
  • 【大開殺戒】涉追數官司 張繼聰遭TVB全面封殺 56,669 views
  • 李明蔚經歷42次電療化療 馬浚偉助出碟圓心願 49,280 views
  • 【台慶唔戒奶】邵佩詩八字波最夠薑 陳凱琳最露骨 43,148 views
  • 【繞場壹週EP12.1】見陳茵媺擘髀甩骹 周家蔚輸得心服 37,653 views
  • 【遇到好人的士佬】陳少霞左巨鑽右珍珠 伸一伸手貴過人 36,987 views
  • 42歲高齡趕生B?丘凱敏fit到漏肚腩都冇個 34,064 views