< 返回
  • 【生意●目標5年儲首期】洗米仔御准員工「秘撈」 80後IT男外賣月餅4月賺20萬
  •   24,605 views │ 2017年09月04日
    留言()

 

中秋節將至,是各大餅家賺錢的黃金時間。數到近年月餅界新貴,肯定是貓山王榴槤月餅,早前美食節就已經備受追捧,更吸引與中學生及師奶通宵排隊鬥跑爭奪。

八十後IT男陳冠銓(Patrick),上年在一次商會聚會下認識了榴槤月餅生產商,他意識到不少廠家都欠缺網上宣傳及銷售渠道,於是靈機一觸,決定開設「月餅薈」網上賣月餅生意,專攻冷門月餅,結果大賣四千盒,四個月內大賺二十萬。

今年Patrick決定重鎚出擊,與友人合資過百萬,向多個品牌大手入貨,目標售出一萬盒。Patrick今年獲周焯華(洗米華)兒子周柏豪力邀加入其公司,但他講到明:「八月到十月要俾時間我賣月餅。」洗米仔竟全力配合,更讓出辦公室位置放置月餅。

月餅機遇處處,卻存有暗湧,今年適逢潤六月,中秋比往常延遲,加上王維基HKTVmall大舉宣傳月餅直接競爭。他就直言「啲貨去得比上年慢」,但無有怕:「仲有一個月,唔驚蟹貨!」

有飲食業界人士指,月餅為所有節慶食品中最賺錢,除了本地市場外,更吸引內地及東南亞客人,上星期更發生百萬搶劫案,可見月餅有價有市。本身開設IT公司的Patrick,結婚後太太Cathi主力在家,他就覺得太太「有啲樣做吓好啲」:「我就鼓勵佢去學Facebook marketing,有個朋友開班,佢就去學,之後佢就同朋友開咗間網店,主要賣吓飾物。」之後他成功接洽月餅生意後,第一步就是在Cathi的專頁寄賣:「一開始貨都唔夠膽拎,之後就問佢先賣50張月餅券先得唔得。之後覺得賣得唔錯,就真正開始賣,之後就落廣告、賣月餅券寄俾客人,愈賣愈好,就開始依一門生意。」

Patrick見上年大賺四十萬,今年落重本,向各大較冷門餅家埋手,更聯絡到月餅炒家購入當炒月餅,以多個渠道進攻月餅市場。

【生意●月餅商機】IT男賣月餅硬撼HKTV 邊隻月餅最好炒?
http://bit.ly/2wrTKa7

【生意●創業貼士】網店寧做散客都唔好做水貨客 原因竟然係
http://bit.ly/2eJorQr

早賣利網上宣傳

他解釋,其實不少餅家都做商業客為主:「佢哋好少放資源喺市場推廣,放喺超市度賣多,所以同佢哋講多個渠道賣,佢哋都會有興趣。」而網址上的月餅款式約十二款,並不算多,他解釋寧缺勿濫:「我賣得自己都試過,仲會搵啲識食嘅朋友,了解啲詞彙來形容,方便喺Facebook宣傳。真係有朋友講得出口感較黏、較彈牙,我就最多識講回甘,哈哈。」

他表示做中介商看似「左手交右手」,中間亦花了不少工夫。採訪當天,見正在懷孕的Cathi將月餅拆箱放到冰櫃,之後又要拿著月餅盒到速遞公司,少不免有勞動,記者都替她辛苦,她就笑指:「自己應付到,ok嘅!」

Patrick指:「寄貨係最主要成本,因為我唔租舖,仲有包裝、電費、網上宣傳,七除的扣,毛利其實唔算多。 」而他從事IT多年,深明網上宣傳效用,現時更設立網址及Facebook專頁吸客:
「上個月已經要開始賣,比個早買優惠佢哋,因為大家都無貨喺手,無討論空間。到客人陸續收到貨,佢哋有comment,自然會引起話題。」

他更強調,網友喜歡看留言多於內容,而內容不要太「行」,要多些生活化內容,以及定時提供限時優惠,吸引網友跟蹤網站,做到的話根本不用請打手放假留言:「寧願放多啲資源喺落Facebook廣告吸like,無佢真係會死。」

撰文:梁延宇
攝錄:梁正平
熱門新聞
  • 【住院片首度曝光】5歲女Hanna抹腳餵飲水 劉華喊住感激朱麗倩:佢一路等我企起身! 183,151 views
  • 【醫生與您】心房顫動與中風 94,995 views
  • 【天皇都無面俾】Hanna 台下塞耳 劉華激氣:係得你一個唔理我㗎咋! 91,119 views
  • 【魔傭】變態!印傭教幼童塞廁紙入下體 謊稱:會發光 56,831 views
  • 【封面●同范冰冰交往?】郭文貴爆王岐山操控海航 財富20萬億 39,269 views
  • 【死囚自白】女友苦等八年無果被迫分手 黑幫殺人犯:好戇居! 33,162 views