< 返回
  • 中環寸嘴》香港變臭港
  •   4,049 views │ 2017年09月21日
    留言()

 

林鄭邀請班年輕人去佢禮賓府交流,座上代表咩級數嘅年輕人呢?嗌埋大陸口號——「三業三政」(意謂:學業、事業、置業;議政、論政、參政),重點係年輕人有冇提出有建設性提問?還是宣傳大陸口號。家陣政協北上開會,當場嘔唔到料出嚟,返港一個禮拜內都要秘書feedback進貢意見啦。

「港獨」其實係班年輕人冇地方做愛做的事,想搬出嚟住獨立就真;劉天王當年做𡃁時台慶都要食死貓,要硬食「杏加橙」;兩年前先爆係無綫編劇所編,劉華只係照稿讀,正所謂:「強權就是真理,並無討論嘅空間。」好似家父有份捐二十分之一嘅東華三院甲寅年總理中學在「港獨」流第一滴血,幸好家父沒命名,否則成日見報影響我愛祖國之形象;不過家父捐過四川佛光楊耀松小學,家陣地震我都驚佢冧,到時又要「籌旗」,但潮流唔興捐錢返大陸了,只有祖國派錢給我們。仲要靠祖國開放多啲城市來港自由行,否則PK有誰可憐?

講番甲寅年總理中學隨後與北京中關村中學結為姊妹學校,呢啲叫做香港仔精神,識時務者為俊傑,唔使夠quali,最緊要識「舐」,肉麻當有趣,鬥瓜鬥臭,香港變咗做臭港!好似之前有個政協常委話:「唔擁護林鄭,等於背叛中央。」下場就好似以上張圖咁!一個杏加一個橙。

撰文:楊國佳

圖片說明:都忘記是什麼慈善晚會,我同細妹(中)與林鄭原來都曾有過合照。
熱門新聞
  • 【開心速遞隻鬼冇咗】不甘俾大台玩 顧紀筠兒子冇癮解約 57,263 views
  • 重提李思捷委屈爆喊 春卷:捧到佢上天,最後忘記咗你 53,609 views
  • 【3日2夜】羅敏莊帶團泰國睇樓 捧60萬豪裝物業 44,355 views
  • 【雜食王】李思捷四年偷食三件 春卷死忍 41,113 views
  • 【大台性女】 馮盈盈當街吸啜咀男友面珠登 40,052 views
  • 懷孕甘比面容飽滿 拖實精神大劉出席酒會 37,175 views