< 返回
  • 【移民真相系列●紐西蘭】做三行園藝技工吃香 樓價交通一樣貴
  •   26,079 views │ 2017年10月02日
    留言()

 

移民紐西蘭的Roxie指,大多港人透過技術移民當地。除了傳統的專業技術之外,當地有不少職業都十分吃香:「好似油漆工、園藝、裝修同水電,喺呢度發展都好好。我認識一個水喉匠,一小時收成五、六百蚊港紙,做到可以有兩隻遊艇!同埋廚師係長期短缺,如果你做過廚都可以諗諗。」

說到平日工作,紐西蘭人工其實比香港略低,每天工作八至九小時:「正常office工,都係萬零蚊港紙,但一星期只返五日。」在港工作多年的她深感這裡壓力輕得多:「呢度人重視家庭多過份工,好少人諗要點上位,情願早啲返屋企。同埋好少臨收工先俾嘢你做,我試過send電郵出去,對方星期四收到,最快下星期二先會覆。」

【移民真相系列●紐西蘭】同性情侶可申請居留權 「要cap圖證明關係」
http://bit.ly/2hFgOPi

不過紐西蘭一樣面對兩大問題:交通及樓價。Roxie坦言:「全球最難負擔樓價排行榜,香港梗係長期第一,但其實紐西蘭都係頭幾名,其中一個原因就係中國人投資移民,佢哋有錢,一千幾百萬,做個生意,或者買地。你知啦,佢哋買屋都唔係住,係炒㗎嘛!」幸好她現時與Johnny住在奧克蘭市中心外圍,高樓價暫未波及該區,三房兩廳連花園二千多呎,租金大約一萬多港元。但就要面對另一問題:「呢度好塞車!公路同紅隧差唔多,又無地鐵,火車、的士都好貴,無車好似跛咁!好彩呢度興彈性working hour同home office,返工先可以避開繁忙時間。」

撰文:梁延宇

相關連結:
【移民真相系列●台灣】港人貓叔開café 「台灣人覺得我地講效率係癲嘅!」
http://bit.ly/2yLfNZZ
【移民真相系列●台灣】創業慘過打工 貓叔:「賺蝕都係幾千蚊上落!」
http://bit.ly/2fCljJO
【移民真相系列●日本】港人日本打工17年 「升職機會近乎零!」
http://bit.ly/2f1NLoi
【移民真相系列●日本】「每月只俾零用錢」 日本太太婚後性情大變 http://bit.ly/2xOzH8B

 
熱門新聞
  • 【14個月大Kelly似媽咪】鍾嘉欣同老公十指緊扣返加國 74,794 views
  • 【醫生與您】逆轉針劑 56,129 views
  • 一絲不掛出書爆大鑊 袁嘉敏堅係唔撈娛圈做OL? 50,685 views
  • 【開心速遞隻鬼冇咗】不甘俾大台玩 顧紀筠兒子冇癮解約 50,217 views
  • 重提李思捷委屈爆喊 春卷:捧到佢上天,最後忘記咗你 47,129 views
  • 【3日2夜】羅敏莊帶團泰國睇樓 捧60萬豪裝物業 39,190 views