講開香港快運,十九大前夕,一直有傳佢母公司海航,因王岐山去向未明而水緊,搞到無銀行幫佢做短期債項融資。不過,愈來愈近十九大,海航都好似駁番通條水喉喇!最近海航同農發行就簽署戰略合作框架,其海南省分行,將向海航提供五年期、總額三百億元人民幣的綜合授信額度支援,建設城鎮基礎及空港物流設施咁話。話晒海航發跡於海南,當然要幫番鄉里。之前又話旗下海航實業(521),喺收購新加坡物流公司CWT單刁有阻滯,但海航實業近日公布已控制CWT,持股達八成。唔通呢啲都係王岐山坐番穩嘅好預兆? 撰文:宗菁華 【中環人語】香港快運航班 驚現「符咒」鎮機艙 http://bit.ly/2fTeXpL
|