< 返回
  • 【Bitcoin狂潮】90後美女辭職瞓身做「礦工」 齋開電腦月入數千
  •   48,871 views │ 2017年10月14日
    留言()

 

Bitcoin炒風除了吸引內地大媽,不少港青都加入「礦工」行列。由於一般虛擬貨幣的原理,是可以運算電腦程式,開採「新幣」,就如銀行開機印銀紙。九十後的Macy,今年受男友Lawrence薰陶開始接觸虛擬貨幣,花約七萬元砌了一部掘礦機,「掛機」(開着電腦不動)半年已經回本,現時扣除電費,只開電腦一個月已有數千元收入,她更決定辭職全力發展砌掘礦機市場,她直言:「我覺得呢方面好有前途,因為依家係(賺錢)最好時機!」

Macy原本擔任程式員,對IT有一定認識:「因為之前Bitcoin升咗好多,好多人都留意呢件事,令更加多人想加入。」

她解釋,由於已有內地人研發專「掘」Bitcoin的芯片,散戶參與難度大大提高,因此她已轉到「掘」另一種虛擬貨幣「以太幣」(Ethereum):「其實愈來愈多人掘,以太幣依家難度都提升咗,因為虛擬貨幣可以一夜間爆升,掘嘅錢就可以升好幾倍。」

她現時主力以十二張顯示卡的機器進行「掘礦」,由於每一張都以超頻運行,即使配上強力抽風,溫度都達七十度,有報導指台灣曾有住戶因長開電腦釀成火災。現場所見,即使冷氣長開,Macy仍難免「身水身汗」,而且機器運行的聲音都不小:「因為底板都有保護機制,太熱嘅時候佢自己會熄,所以都唔驚火燭。我自己覺得暖暖哋,都唔太熱 冬天可以做暖爐!」


撰文:梁延宇
攝錄:梁正平 關永浩

相關連結:
【Bitcoin狂潮】掘礦難度高 情侶檔撈埋「砌礦機」賺過萬
http://bit.ly/2xDbbZ4
【Bitcoin狂潮●19大前夕】內地禁Bitcoin走資 北水湧港「掘礦」
http://bit.ly/2hDx13M
熱門新聞
  • 【壹經典●富二代讀書成績】名校李家誠高考不如人意 經濟地理會計全肥佬(足本版) 50,298 views
  • 【禮頓再爆醜聞】狂漏水獨家片 揭84億港珠澳天幕變水舞間 專家:長遠影響結構(足本版) 37,128 views
  • 【壹經典●搵北京代母】家傑家誠搶生男孫 第三代接班人暗戰(足本版) 34,635 views
  • 【豪住工廈】間隔似足酒店保安嚴密 楊思琦何麗全都係業主(足本版) 27,992 views
  • 【總理食女唔找數】上環有個樓上私竇 食完鬆中環被貼搶眼街招 (足本版) 27,426 views
  • 【千萬身家】馮雪冰終於放低洗米華 同嫩男撐枱腳嘆泰菜 (足本版) 25,365 views