< 返回
  • 【生意●老闆大炒友】網友彈「災難級轉手」 新廚上場又係點?
  •   19,571 views │ 2017年10月23日
    留言()

 

因為Joe一直以來都是擔任樓面,對日式料理煮法只是略懂一二,維持食物質素就唯有依靠廚師。開店初期,他聘請在連鎖店有多年經驗的主廚朋友,但不久就發現「唔對辦」。在網上一則「災難級轉手」食評中,就提到網友點了「角切魚生飯」:「從啲魚粒嘅形狀大小睇得出係啲頭頭尾尾,上面仲有啲完全唔啱味嘅疑似櫻花蝦碎。啲魚食落口冇鮮味,啲魚粒仲要切到黐晒刀。要我俾88蚊食碗咁嘅飯,我寧願用同樣價錢去爭鮮買番十零廿件壽司。」,更直指「冇下次!」

Joe表示發表網上評論前已得悉事件經過:「可能係師傅仔跟得唔好,大師傅亦都無留意去睇 但最大責任當然喺我身上,我忽略咗無睇到。」他更承認因此辭退了師傅及他的徒弟:「同師傅係好多年朋友,但要分清楚朋友同事嘅角色,依家仲係朋友,但就唔可以做同事。」記者問到真的不影響感情?他解釋:「大家都知道問題出喺邊,都要去解決問題,解決不到都沒有辦法。」幸好他很快就請到另一主廚:「電話聽佢幾句都知道佢好有經驗,食物質素改善咗好多。」

而記者亦訪問在附近居住的客人,他們都在早前光顧過該店,其中阿金就指不知道店舖已易手:「其實味道同價錢都係差唔多,老實講,無乜大分別。」而阿寶更大讚餃子比以前好吃:「好明顯更加脆,之前比較似普通煎餃,依個好脆卜卜,好似春卷。」至於Vincent就反映沙律分量比以前少,但三文魚刺身及龍蝦沙律都好吃,他們都一致認為網上太多假食評,不會盡信。

撰文:梁延宇
攝錄:廖健昌

相關連結:
【生意●頂手陷阱】中年漢儲錢廿年頂壽司店 網友劣評「等執」:心痛!
http://bit.ly/2gsD6Qk
【生意●前輩救亡】三招傳授失意中佬:對正垃圾站都可以好多生意!
http://bit.ly/2xcacuB
熱門新聞
  • 【大開殺戒】涉追數官司 張繼聰遭TVB全面封殺 121,129 views
  • 【台慶唔戒奶】邵佩詩八字波最夠薑 陳凱琳最露骨 45,186 views
  • 【獨家】何志平美國被捕當日 胡慧中金鐘神情凝重收短信 39,506 views
  • 【繞場壹週EP12.1】見陳茵媺擘髀甩骹 周家蔚輸得心服 39,172 views
  • 愛足五十年 74歲白茵潮爆繑實老公行街 37,664 views
  • 【自由身上ViuTV變死罪】大台說拍《包青天》 陳國邦臨門被飛 34,135 views