< 返回
  • 【生意●不要光環】XXXL女生設計大碼衫 「希望開解絕望顧客!」
  •   15,022 views │ 2017年11月06日
    留言()

 

「以前有同學會叫我肥婆、肥妹,但其實身邊其他人可能偏瘦啲、造形出眾啲都會比人笑,姐係點都有野比人講,哈哈!」今年廿五歲的吳詩雅(Makayla),至青春期起就跟「細碼」絕緣,XXXL(三加大碼)成為其穿衣門檻,但開朗的她卻沒因此與自信一詞斷絕來往;由三年前起於個人平台以分享日常穿搭為始,至現時設計過百款衣服、開店售賣XL(加大碼)至XXXXXXL(六加大碼)的大碼時裝。「我認為專賣大碼衫喺香港係小眾行業,一直都少人專注呢範,但隨住社交網絡興起,多咗大碼女仔唔再收收埋埋,肯走出嚟展示自己。」小眾的一群不等如沒需求沒要求,大碼女生要的從不是光環,而是跟別人擁有平等機會,買衫如是創業也如是。

Fashion Corner Plus位於荔枝角傳統工業區內,該樓仍是採用手動門升降機,由「揸lift叔叔」負責上落。莫說街客,熟客上來也需要花點心神,在這開舖實是需要勇氣。「頭兩年係以網店為主, 後來有客鼓勵我開實體店,話想上嚟試衫。唔係一兩個客咁講!而係不停都有, 所以我先開始有開舖念頭。」由上至下身也穿上自家設計、化著韓妝的Makayla坐著二百呎的小小空間內,說起創業的勇氣源頭。

一條褲八個size 賣六百條起家
「我本身鍾意修身牛仔褲,但出面根本搵唔到,就算搵到著上身後小腿位都會起摺,唔好睇。」愛美乃人之天性,但Makayla認為大碼女生卻好像失去打扮的權利。「好多舖頭一係會有款無尺寸,一係岩著但無款,買到嘅都唔係真心鍾意又或會衣不稱身。」不甘屈就自己身心的她,決意自己的褲自己造,開始挑選最有彈性及舒適的布料,設計好後再交由家人的製衣廠生產,一造就造了多個碼數,希望把成果分享出去,結果出乎意料地受歡迎。「個條褲總共賣左五至六百條,毛利都可觀。」定價一百九十九元的超彈力修身長褲更多設了中碼及大碼,總有八個尺寸,未計褲子彈性,已包攬擁有三十三至四十四寸臀圍的女生,最盡可拉至五十寸。

Sell貼心 谷人氣
以拍片作宣傳的Makayla,除了性格能打動客人,更會分享生活小知識以增加人氣。「大碼女仔著裙時,大髀兩側會磨擦至出紅疹同痛,我就曾經分享預防心得,比如著打底褲、搽爽身粉及凡士林令磨擦時皮膚唔會太乾。」雖說舖頭位於極舊的工廠大廈內,但訪問當天仍有不少客人持續上來,爆場情況也維持了數小時。同一時間,Makayla也忙於與經紀尋覓新的舖位,希望把舖面擴展至五百多呎。「現時線下同線上客人比例分別係六比四, 呢間舖只整到一個試身室,試過有五至六個客人係到排,搬舖係希望整多幾個位試身, 縮減佢哋等待時間。」

「最多人買嘅係XXL(兩加大碼)至XXXXL(四加大碼),同我差唔多身型嘅朋友其實有好多。」店舖最大尺寸雖是六加大碼,但Makayla指只要在她能力範圍內的,也會幫忙訂製,最大試過有八加大碼的。「我希望佢哋上到嚟,唔會失望而回。」

撰文:黃綺敏
攝錄:梁正平

相關連結:
【生意●有種肥叫身不由己】大碼店主分享心得 一條褲八個size最盡可達50寸
http://bit.ly/2A1xowQ
【生意●創業貼士】Youtube分享絕密肥人穿搭術 「客人一套套咁買」
http://bit.ly/2Af6se3
熱門新聞
  • 李明蔚經歷42次電療化療 馬浚偉助出碟圓心願 46,849 views
  • 【舊區淪陷】大陸旅客逼爆街 街坊:十年嚟無覺好瞓! 42,221 views
  • 對住老公皺晒眉 47歲陳慧珊面色枯黃keep唔到 41,116 views
  • 【遇到好人的士佬】陳少霞左巨鑽右珍珠 伸一伸手貴過人 36,077 views
  • 【台慶唔戒奶】邵佩詩八字波最夠薑 陳凱琳最露骨 35,923 views
  • 【豪語錄】從黎明中學習!樂基兒:唔怕受傷害 35,705 views