< 返回
  • 【生意●有種肥叫身不由己】大碼店主分享心得 一條褲八個size最盡可達50寸
  •   12,969 views │ 2017年11月06日
    留言()

 

客人Money及Sylvia坦言買褲是她們一直的煩惱,指已尋覓合適的韓式闊腳褲多時。「出面嘅闊腳褲,大碼人著上身後會令成個剪裁變怪。喺到終於搵到條啱嘅,大脾位唔會太窄又有闊腳效果。」Sylvia更指十分欣賞Makayla本人:「佢好樂觀,就算自己身型較豐滿,都會好注重風格,覺得肥嘅女仔都可以著得好好睇。」而在外同樣難買的牛仔外套,Makayla亦有設計,以三百九十九元出售。

有種肥叫身不由己
有網民批評藝人欣宜的「高調肥」如同「鼓吹脂肪」,某程度漠視了癡肥可致之健康問題;有定期做身體檢查的Makayla認同應要關注肥胖所帶來的影響,但指非所有「大碼」也是由暴飲暴食引致。「我本身都係正常三餐飲食,有時食下零食咁,同一般女仔一樣,但由中學時就開始肥。十五、六歲時大約有十百六十幾磅,試過節食同做運動想減至一百二十磅,最後成功瘦咗廿磅。」達到目標,卻多了無形壓力。「追到目標後卻唔係好開心,因為無預期中好睇好多。反而對磅數好敏感,一上磅發現重咗一兩磅就會心慌,諗係咪因為今日未去廁所。」最後選擇回復平常生活的她,現在閒時也會做做運動,為的卻變了減壓。「呢加好忙,有時出身汗個人會開心啲,我認為磅數維持住水平唔好大起大落就可以。」

「之前有遇過個客同我講佢本身好瘦,得百幾磅,但因為病要食類固醇藥,因此變到二百幾磅,佢有因為再著唔番以前嘅衫而好唔開心。」Makayla指希望透過建議客人如何穿搭,而令絕望的她能重拾穿衣的樂趣。一家也屬偏肥體型的她,指對設計男裝也很有興趣。「我細佬都係肥嘅,有時見佢著得好唔型就想出手幫下佢,哈哈!」看來大碼男生將會有福了。

撰文:黃綺敏
攝錄:梁正平

相關連結:
【生意●不要光環】XXXL女生設計大碼衫 「希望開解絕望顧客!」
http://bit.ly/2lKATWa
【生意●創業貼士】Youtube分享絕密肥人穿搭術 「客人一套套咁買」
http://bit.ly/2Af6se3
熱門新聞
  • 男友被爆偷食兼搞大人個肚 梁嘉琪:我已一個人上路了 46,580 views
  • 與嫩口男友分手? 羅霖:沒結果的,只能叫曾愛過 44,485 views
  • 老婆永遠是對的 張繼聰為謝安琪護航擋箭 39,473 views
  • 【獨家】新年冧爆未來拿督外母 楊明又拖又扶莊思明媽 35,296 views
  • 【強國男迷港女】有港女唱完賣肉 老闆拔槍逼陪酒 34,428 views
  • 陪女中環掃貨 何猷龍5保鑣護駕 33,900 views