< 返回
  • 【中環人語●同志很努力】直擊支付寶攻入日本
  •   12,185 views │ 2017年12月14日
    留言()

 

小宗最愛周圍去「體察民情」,內地今期流行唔帶錢出街,街邊的小攤檔也可用微信或支付寶。有位小姐話之前去街邊小食檔打算俾現金,老闆話唔好啦懶得找贖,叫佢用微信俾錢算數。有位男士身上完全唔帶現金,仲話維持咗半年咁耐!事實上,大陸連無人便利店都有,你話幾先進呢!

呢股強國風仲吹到去日本,日本除咗聘請大量中國留學生做店員,依家仲引入埋強國最「引以為傲」嘅「支付寶」同「微信支付」!行經大阪道頓堀,好多間鋪頭喺門口都戙晒「歡迎使用支付寶」嘅水牌,仲用晒簡體字介紹點樣使用,有晒優惠。其中一間出名做遊客生意嘅電器鋪Bic Camera,喺門口仲大大隻紅色簡體字寫住「省時、免費、省力」,啱晒強國人心意。

小宗口痕問吓強國遊客,點睇支付寶引入日本,原來唔少人都係第一次用。李小姐指用法同強國一樣,好方便。有藥妝店店員就話,引入支付寶之後,生意明顯好咗。但有當地學者意有所指,運行咗幾個月仲未影響到當地人消費習慣:「我們喜歡現金,因為日本非常重視安全。」睇嚟同志仍需努力囉!

相關連結:
【中環人語●康宏風暴】新加盟即出事 莊偉忠話:金錢係萬惡之源
http://bit.ly/2AS6LMt

【中環人語●北水湧港】齊齊南下聽講座 好學大媽撐孫大倫公子
http://bit.ly/2nX36Kj
熱門新聞
  • 【歌星悲歌】面對現實屯門做小販 黃翊:的確係難堪 (足本版) 81,127 views
  • 【壹經典●富豪去盡因為愛呀】大劉爬20層樓幫嘉欣搬行李 同許晉亨鬥愛登報表白「The One」(足本版) 70,990 views
  • 【港女冇人愛死因】港女自白玩Speed Dating鋪鋪食白果 原來衰呢幾樣嘢 .(足本版) 56,511 views
  • 【特權明星】揸二百萬瑪莎拉蒂出巡 佘詩曼買飯煲專人安排插隊(足本版) 53,804 views
  • 【壹經典●富豪新歡舊愛同屋】李嘉欣入老公寓所過夜 何超瓊急撤出許家花園台(足本版) 43,883 views
  • 【每日壹爆●富豪女友好富貴】呂麗君收大劉20億掟煲費 掃渣甸山烏燈黑火豪宅(足本版) 43,737 views