< 返回
  • 【生意●港女難服侍】教路邊款最保值 手袋男店主:我唔會盲目讚佢哋!
  •   12,839 views │ 2017年12月18日
    留言()

 

香港客人對於復古手袋要求高,比較難服侍,他們可能有時不太清楚自己走進的是一間復古店,會拿著手袋指有瑕疵,又或希望手袋有很長的歷史,同時又要求良好的保養情況,最好像全新一樣,這情況在日本比較少見。「即係無人會走入一間古董店,同老闆講:『依個古董花樽有啲破損』,感覺好奇怪。」

故此店主子健對sell客有自己一套: 「"小姐,這個手袋很好看,好適合你!"這些說話我未必識得講。」子健指手袋店由男性做店主的確罕見,自己不像一般售貨員會盲目讚美客人,相反會替客人作個人化講解,選購一個屬於他們的復古手袋:例如這個袋有多罕有,是什麼年份、哪個時期的手袋是最有復古味道、及分析手袋的保值能力等等。


香港跟日本不一樣

LOVINTAGE是從網店起步,一個月只賣一個手袋,收支根本不能平衡。子健發覺日本雖有很多復古手袋的網店,可是經歷的模式並不能在香港一一應用,「其實唔係香港人接受唔到網上購物,而係香港咁細,點解唔親身去睇。」加上,復古手袋追求故事性,「可以令客人知多啲個袋嘅歷史,或者知道有幾罕有,原來得幾少,幾難搵。」有些感受亦不能在網上給予客人,例如有些手袋只有B級,但客人眼望它的皮質用後變得漂亮,他指親身介紹和網上依靠留言交流分別很大。

Popup store是一支強心針

雖然網店的營業額低,但子健留意到網上查詢復古手袋的價錢和保養情況的人卻很多,「當你知道有人有興趣,不過係網上環境影響,最後無辦法令佢嚟買,我心諗不如試popup store(快閃店)。」上年LOVINTAGE開設限時一日的快閃店,營業額從原來網店一個月只能賣一個手袋,躍升到一日賣十多個復古手袋,證明做這盤生意原來在香港真的可行。

從那次快閃店開始,他不斷留意各類型的方式開店。機緣巧合下,子健認識到尖沙咀店業主,以短租形式租下利時商場一間小店,雖然那裡人流不多,但實體店開張一個月已經有意想不到的成績。開張一個月成績不錯,可是子健保持觀望態度,「短租三個月之後,都有繼續跟業主續租,不過都只是續租半年」

子健承認自己保守,雖然很想在香港這市場試做復古生意,他每步都經過深思熟慮。第一步是在尖沙咀開店,第二步是今年十月開設的銅鑼灣店。子健指尖沙咀店不是屬於自己心中的復古店,它只是過渡,利用它來測試市場是否成功,「好記得曾經有客人同我講:『 我買嘅都唔平,點解唔俾我坐底飲杯咖啡,慢慢睇同傾計?』我知道佢係同我講笑,但我覺得講得好啱!」銅鑼灣店內設有雙人沙發,讓子健與客人可互相交流。開張一個月,營業額已經有八十萬,令子健覺得租金比尖沙咀貴三倍都非常值得。

他認為LOVINTAGE暫時不適合開分店,主要是貨源和人手的問題。「業務好難再擴充,因為找不到一個人代替我的位置」,他覺得很難找人跟他一樣,很清楚復古袋的價值,然後向客人解釋。「我從來不想是請一個售貨員,告訴客人手袋好好看,好適合你,你買啦!」


除了經營復古店,他認為背後另有一種使命,「我們從日本一手一腳找貨,其實過程很困難,唔係有錢就買到一個袋。」他選擇現時的品牌是因為它的款式、手工和物料都很好,相當難得。「依家我做嘅係傳承,可以令好嘅嘢繼續存在喺依個地球上。」

相關連結:
【生意•港女錢易賺】賣神級復古Chanel手袋 Sell歷史故事月賺37萬
http://bit.ly/2on8bMg

【生意●創業錦囊●OL注意】手袋要揀罕有 呢個位最易老化斷裂
http://bit.ly/2yIsi7A
熱門新聞
  • 【攞公屋住一世】300呎間3房全部雙人床 預埋個仔娶老婆 225,925 views
  • 【攞公屋住一世】全屋住4人用盡300呎 盡用空間好多暗格 40,112 views
  • 【富豪大宅】四叔山頂大宅完工 90歲搬入長壽大屋 29,830 views
  • 【香港饑渴男女】男沉迷自慰不能自拔 女日需幾十次高潮 28,588 views
  • 【避走加拿大 】李潤庭恨返TVB小三Tiffany落寞行街 18,810 views
  • 【菲傭玩殘我】國泰機回國變虐打受傷 僱主:係咪勒索? 18,633 views