< 返回
  • 【中環人語】股壇打機達人玩失蹤 被貼街招尋人
  •   9,656 views │ 2017年12月21日
    留言()

 

臨近年尾,金融圈都常有唔少人提早收爐放長假,但今年就算出埠,好多人都唔敢關掉手機,就好似結好(64)老闆佐治•洪漢文,上星期北上失聯咗一陣間,同系兩間公司好似被人斬倉跌到一仆一碌,直到搵到佢股價至升番啲,口㾗友話市場積存太多驚弓之鳥,只要有風吹草動,一樣可以嚇死人。

早兩日小宗行經銅鑼灣,睇見有尋人啟事貼滿吉舖門口(其實幾old school),發現主角係幾間上市公司嘅話事人楊俊偉,內容指佢係「老千騙子」。呢單野原來在圈內都有好多人留意到,亦嘗試揾個楊生,不過咁蹻又真係揾唔到,加上佢老兄呢排接連辭去E-Kong(524)及華融投資(2277)嘅執董職位,令成件事更加耐人尋味。

查實楊俊偉除咗搞幾間上市公司,佢仲係一個打機達人,經常打機打到三更夜半,打過嘅遊戲多不勝數,曾經成為手機遊戲《皇室戰爭》嘅世界冠軍。佢曾經同朋友講過,為咗升呢得快,不時科水買武器,閒閒地幾十萬,甚至為打得更有策略,搵公司同事幫忙搜集資料,真係打得相當認真。

撰文:宗菁華
熱門新聞
  • 【歌星悲歌】面對現實屯門做小販 黃翊:的確係難堪 (足本版) 81,141 views
  • 【壹經典●富豪去盡因為愛呀】大劉爬20層樓幫嘉欣搬行李 同許晉亨鬥愛登報表白「The One」(足本版) 71,012 views
  • 【港女冇人愛死因】港女自白玩Speed Dating鋪鋪食白果 原來衰呢幾樣嘢 .(足本版) 56,568 views
  • 【特權明星】揸二百萬瑪莎拉蒂出巡 佘詩曼買飯煲專人安排插隊(足本版) 53,853 views
  • 【壹經典●富豪新歡舊愛同屋】李嘉欣入老公寓所過夜 何超瓊急撤出許家花園台(足本版) 43,981 views
  • 【每日壹爆●富豪女友好富貴】呂麗君收大劉20億掟煲費 掃渣甸山烏燈黑火豪宅(足本版) 43,748 views